பேநா மூடி

முக்கிய அறிவிப்பு...,

2011-07-09T09:13:00.001+05:30

இரண்டு வருடங்களுக்கு முன்பு இந்த ப்ளாக்கை எதற்காக தொடங்கினேன் என்று எனக்கே தெரியவில்லை.., ஆனால் அதன் பிறகு ரொம்ப முக்கியமான விஷ்யமாகி போய் விட்டது.., ஏராளமான நண்பர்களை அறிமுகம் செய்து வைத்தது ரொம்பவும் முக்கியமான விஷயம்.., சின்ன வசியில் இருந்தே சினிமா பைத்தியமான எனக்கு உலக திரைப்படங்கள் குறித்த அறிமுகத்தை கொடுத்தது .., இன்று எனக்கு பிடித்த தமிழ் எழுத்தாளர்களுள் பெரும்பாலானவர்கள் இங்கு வந்த பிறகே அரிமுகம் ஆனார்கள்.., மீண்டும் எழுதலாம் என்று ஆசையில் புதிதாய் ஒரு ப்ளாக் ஆரப்பித்துள்ளேன்.., இதற்க்கு கொடுத்த ஆதரவை அதற்க்கும் கொடுக்குமாறு கெட்டு கொள்கிறேன்.., புதிய ப்ளாக்கிற்கான சுட்டி...
கிறுக்கல்கள்..,

படத்த பாருங்க கமெண்ட போடுங்க..,

2010-06-26T17:39:00.001+05:30

எனக்கு மெயிலில் வந்த சில படங்களை பதிவிட்டுள்ளேன் .., அதை பார்த்ததும் உங்களுக்கு தோன்றுவதை கமெண்டுங்கள்...,
படம் ஒன்னு:-

படம் ரெண்டு:-

படம் மூணு:-

படம் நாலு:-

செம்மொழி மாநாட்டில் பரிசு வாங்குவது எப்படி???

2010-06-19T19:48:00.001+05:30

செம்மொழி மாநாட்டுல கவித போட்டி வைக்குராங்கலாம் நமக்கு தான் கவித எழுத வராதே சரி அதனால உங்களுக்கு கவிதை எழுதுவது எப்படி என்ற பாடத்தை மட்டும் எடுக்க திட்டமிட்டு உள்ளேன்...,

•முதலில் எதாவது உண்மையான கவிஞரின் கவிதையை ஒரு மணி நேரம் படிக்கவும்.

•கொஞ்சம் நேரம் படுத்து தூங்கவும் .

•எழுந்த பிறகு எந்த கவிதையெல்லாம் ஞாபகம் இருக்கிறதோ அதெற்கெல்லாம் பத்தாவது பிள்ளை போல் விளக்கம் எழுதவும்.

•பிறகு கண்ணை மூடி கொள்ளவும் .

•இது தான் முக்கியமான கட்டம் மூடிய கண்ணை திறக்காமல் அந்த விளக்க கட்டுரையில் மௌஸில் ஒரு கிளிக் அப்புறம் என்ட்டர் பட்டனை ஒரு கிளிக்.இதை 15 நிமிடத்திற்கு செய்யவும்.

•கண்ணை திறந்து பார்க்கவும் எந்த வரியிலாவது நாலு வார்த்தைக்கு மேல் இருந்தால் அதை இரண்டு அல்லது மூன்று பாகங்களாக உடைக்கவும்.

•ஒரு முறை படித்து பார்க்கவும் எந்த வார்த்தையாவது புரிந்தால் அந்த வார்த்தைகளை உடனடியாய் யோசனை இன்றி அழிக்கவும்.

•இதோ ஒரு சூடான கவிதை ரெடி..,

டிஸ்கி 1 .௦0 :- ௧விதையில் பின் நவீனத்துவம் தான் இப்ப பேமஸ் ஆகவே உங்கள் விதையில் பின் நவீனத்துவத்தை புகுத்தவும். அது என்ன என்று தெரியாதவர்கள் தெரிந்த கெட்ட வார்த்தைகளை சேர்த்துக்கொள்ளவும் ..,பின் நவீனத்துவத்தில் முதல் கட்டுடைத்தல் இது தான் கவிதை எழுத பேனாவோ பேப்பரோ எடுக்க கூடாது.., கணினி மட்டுமே பயன் படுத்தவும்.

டிஸ்கி 1 .1 :- இது ஒரு மீள் பதிவு சில மாற்றங்களுடன் ..., அட்ஜஸ்ட் பண்ணிக்கொள்ளவும்...,

பின் குறிப்பு:- கணிணியில் என்ட்டர் பட்டன் சரியாய் வேலை செய்கிறதா என்பதை இரண்டு முறை சரி பார்க்கவும்..,
.
.

இரு மொக்கைகள்

2010-06-09T21:25:00.001+05:30

சுற்றம் பார்த்து
சூழ்நிலை பார்த்து
கொஞ்சம் சுதாரித்து
குனிவதற்குள் பறந்து
விட்டது அந்த
நூறு ரூபாய்..

காற்று
காதல்
கற்பு
காமம்
இந்த வரிசையில்
இன்னொரு சேர்க்கை
தொலைந்து போன காலணி..

.
.

சாறல் அடிக்கும் வெயில் காலம்..,

2010-06-05T13:26:00.000+05:30

என்றோ காய்ந்த
பேனா மையின் பிம்பங்களாய்
மிச்சம் இருக்கின்றன
அந்த கடிதங்கள்..,

கிழித்து வீசவோ
தூக்கி எறியவோ
முடியவில்லை தவறுத்தான்
என்ன செய்ய
காலாவதி ஆகும்
நாளென்று ஒன்று இல்லாததால்
காப்பாற்றியே வைத்திருக்கிறேன்
அந்த படிமங்களை..,

கார்காலம் முடிந்து
கடும் வெயில் அடிக்கும்
போதும் கனவுக்குள்
சாறல் அடிக்கிறதே..,
.
.

அடிக்க பாய்ந்த போது..,

2010-06-02T21:12:00.000+05:30

நீ
போய் வந்த இடங்களில்
இலைகள் கூட உதிர்வதில்லையாம்
அது ஒர் புரட்டு செய்தி என்கிறான்
ஓர் பொய்யன்..,
இன்னும் பொய் சொல்லுவேன்
என அடுக்கியப்படி இருந்தான் அத்தனையையும்..,
என் உடலுக்கும் உள்ளத்துக்கும்
வெகுத்தொலைவில் அவளென்றான்..,
அவளின் வெட்க்கமும் அந்த

வியர்வை வாசமும் பொது சொத்து என உளறினான்
நான் அலறினேன்...,

எனக்கவளால் தரப்பட்டதும்
தாரை வார்க்கப்பட்டதும் அவனும்
அடைந்ததாய் சொல்லி முடிப்பதற்க்குள்
அடிக்க பாய்ந்தேன்
அவிழ்ந்த வேட்டியை அழுத்தி
பிடித்ததால் முடியவில்லை...,
.
.

புரியாத புதிர்..,

2010-05-28T19:36:00.000+05:30

மெல்ல நேராய் சென்று
வளைந்து செல்லும் இருக்கோடும்
பை சொல்லாதே டாட்டா
சொல்லு என்ற கட்டளையும்

இடைவெளி விட்டு
சீறிபாயும் இரும்புப்பெட்டிகளும்
பொய்யாய் கோபம் காட்டும்
யாரோ ஒருவனது இளவரசியும்
நிறம் மாற காத்திருக்கும்
நில ஊர்த்திகளும்
தமிழில் எனக்கு பெயர் வைக்க
தெரியாத நிறத்து நகச்சாயமும்
விடுதலைக்காக மாலையை
எதிர்நோக்கும் என் காலணியும்
என் பருவுக்கும் பெயர்
வைத்த குழந்தை குணமும்
இப்படி சம்பந்தமே இல்லாத
சம்பவங்களால்
சஞ்சலப்படுவதும் ஏனோ...,
.
.

நா திரும்ப வந்துட்டேன்... அதாவது I'm Back

2010-05-22T17:39:00.002+05:30

வணக்கம் அன்பு நண்பர்களே,

              இத்தனை நாள் வேலை தேடும் படலம் காரணமாக லீவு விடப்பட்டு இருந்த பேநா மூடி இன்று மீண்டும் திறக்க படுகிறது என்பதை டைப்புகையில் கைமுடிகள் எழுந்து நிற்கின்றன..., அம்புட்டும் சந்தோஷம் தான்.. தற்போது சென்னையில் ஒரு உருப்படியான வேலையில் சேர்ந்து விட்டேன் என்பதை மகிழ்ச்சியுடன் தெரிவிக்கும் வேளையில் இது நாள் வரையில் எனக்கு நம்பிக்கையும் ஊக்கமும் அளித்ததோடு மட்டும் அல்லாமல் வேலைக்கான  முயற்ச்சியையும் மேற்கொண்ட அனைத்து நண்பர்களுக்கும் நன்றி.., நன்றி.., நன்றி...,
----------------------------------------------------------------------------------------------------------------------------------
    தற்போது நானும் சென்னைவாசி ஆகிவிட்டதால் சீனியர் சென்னைவாசிகளிடம் ஒரு டவுட்டு.., பார்க் ஸ்டேஷன்-ல் இருந்து சென்ட்ரல் ஸ்டேஷன் செல்லும் சப்-வேயில் அனைவரும் மிகச்சரியாக போகும் வழி என்ற போர்டு இருக்கும் வழியில் வருகிறார்கள் வரும் வழி என்ற போர்டு இருக்கும் வழியில் போகிறார்கள் .., ஏன் இப்படி... ஒரு டவுட்டு தான் ஆரும் டெரர் ஆகா வேணாம்..,
----------------------------------------------------------------------------------------------------------------------------------
    மார்ச் 27-ம் தேதி நடந்த பதிவர் சந்திப்புக்கு  போய்இருந்தேன்.நண்பர்கள் சிவாஜி சங்கர் மற்றும் இந்திராகி சரவணன் வழி சொல்லி வாசலில் நின்று அழைத்து சென்றனர்..,  அன்னிக்கு ஒரு interview இருந்ததால கொஞ்சம் லேட்டா தான் போனேன்., எவ்ளோ லேட்டுனா நா உள்ள நுழைவதற்கும் "we are going to finish with this" என்று நர்சிம் அவர்கள் சொல்வதற்கும் சரியாக இருந்தது... ஹி ஹி ..,ஆனாலும் கார்க்கி,சங்கர்,வெண்ணிற இரவுகள் கார்த்திக், D.R.அசோக்,மணிஜி,ஸ்ரீ,மயில்ராவணன்,அதிஷா ஆகிய பதிவர்களிடம் அறிமுகம் நடந்தது .., பெயர் சொன்னதும் அனைவருக்கும் தெரிந்தது ஆச்சர்யமாகவும் சந்தோசமாகவும் இருந்தது...,
  ---------------------------------------------------------------------------------------------------------------------------------
     முன்பு போல் ஒரு நாளைக்கு ரெண்டு பதிவெல்லாம் போட முடியாது என்றாலும் அவ்வப்போது எழுதி ரசிகர்களின் உள்ளம் உவகை அடைய செய்வேன் [யாருப்பா அங்க அருவாள எடுக்குறது ] .., எனவே முன்னால படிச்சிட்டு இருந்தவங்க தொடர்ந்து வாங்க புதுசா படிப்பவர்களும் தொடர்ந்து வாங்க ... நீங்க வந்தா மட்டும் போதும்..., நீங்க வந்தா மட்டும் போதும்...
----------------------------------------------------------------------------------------------------------------------------------
இந்த மூன்று மாத லீவில் ஏதும் எழுதாத போதும் சேர்ந்த 13 பாலோயர்களுக்கும் பிச்சிக்கிட்டு போன ரெண்டு பாலோயர்களுக்கும் இந்த பதிவை சமர்ப்பிக்கின்றேன்...,

டிஸ்கி : அப்புறம் ஒரே ஒரு குத்து வசனம்  " இது தான் ஆரம்பம் இனிமே தான் பூகம்பம் " டென்சன் ஆகாதிங்க ஹி..ஹி..

.

விடைப்பெறுகிறேன் நண்பர்களே...!!!

2010-02-27T19:09:00.001+05:30

         மூன்றாம் ஆண்டு படிக்கும் போதே கல்லூரிக்கு அவுங்க வந்தாங்க.., இந்தா புடி அப்டின்னு ஒரு வேலையும் குடுத்தாங்க.., படிப்பு முடிஞ்சு ஒரு மாசத்துல வந்துடனும் அப்டின்னு உரிமையா சொல்லிட்டு போனாங்க..,

       கடைசி பரிட்சைக்கு முதல் நாள் அந்த ஓலை வந்துச்சு.., படிச்ச ஒடனே நீங்க ஒண்ணும் வேலைக்கு வர வேண்டான் நாங்க சொல்லி அனுப்புவோம் அப்போ வந்தா போதும் அப்புடின்னாங்க.., ஏன்னு கேட்டா தொழில் மொடக்கம் அப்புடின்னாங்க.., மொடக்கம் தீர்ந்தோன்ன கூப்பிடுவோம் அப்புடின்னாங்க.., கூப்பிட்டுருவிங்களா ??? கண்டிப்பா ......,

      வீட்ல சும்மா தான இருக்க அப்டின்னு சொந்த காரங்க கல்யாணம் , காது குத்துக்கெல்லாம் வீட்ல அனுப்பி வைச்சாங்க..,அங்க போன இன்னும் வீட்ல தான் இருக்கியளான்னு சிரிச்சுட்டே கேக்க ஆரம்பிசிட்டாங்க.,டீ குடிக்க கடைக்கு போனாலும் , ஊருக்கு போக பஸ்க்கு நின்னாலும் இதே கேள்வி தான் ..,

     என்ன செய்யலாம்.., மறுபடியும் அவுங்கள்ட்ட கேட்டேன் எப்போ கூப்புடுவிங்க...,சீக்கிரமா அப்புடின்னாங்க.., அங்க வேல பாக்குற சீனியர் கிட்ட கேட்டா நம்புங்க கூப்பிடுவாங்க அப்புடின்னாங்க.., அது வரைக்கும் டீ கடைக்கும் , கல்யாண வீட்டுக்கும் போகாமையா இருக்க முடியும்..,அப்புடி தான் இந்த வேலைக்கு வந்தேன்., மெயில் அனுப்பனும் அவ்வளவு தான் வேல.., மெயில் அனுப்பிட்டு சும்மா இருக்குற நேரத்துல அறிமுகமானது தான் தான் இந்த பதிவுலகம் வாசிக்க ஆரம்பிச்சது இங்க தான் .., உலக சினிமா அறிமுகமானதும் இங்க தான்.., இதையெல்லாம் விட முக்கியமானது நண்பர்கள் .., என்னுடைய 22 வருட வாழ்க்கையில் இரண்டு நாட்களை மட்டுமே தமிழக எல்லைக்கு அப்பால் கழித்துள்ளேன் ஆனால் உலகின் வெவ்வேறு மூலைகளில் கூட என்னை தெரிந்தவர்கள் இருக்கிறார்கள்..,இதை விட மகிழ்ச்சி தருவது வேறெதும் இல்லை எனலாம்..,

          இப்போ மறுபடியும் அவுங்கள்ட்ட கேட்டேன் எப்போ கூப்புடுவிங்க..., இப்பவும் சொன்னாங்க சீக்கிரமா அப்புடின்னு.., முன்னால கேட்ட அதே சீனியர்கிட்டலாம் கேட்டேன் ஆனா இப்போ அவுங்க மாத்தி சொன்னாங்க "இதயே நம்பாத .., வேற வேல கிடைச்சா போய்டு " அப்புடின்னு..,அவுங்க சொல்ரதும் சரி தான் இன்னும் மூணு மாசத்துக்கு தான நாங்கெல்லாம் Fresher..,

        ஆகவே.., இந்த மெயில் அனுப்பும் வேலையை ராஜினாமா செய்து விட்டேன்.., சென்னை வந்து வேலை தேட போகிறேன்..,சென்னையில் கல்லூரி நண்பர்களுடன் தங்குவது என்று முடிவு செய்தாகிவிட்டது யாருடன் என்று முடிவு செய்யவில்லை., அப்படி கூட தங்க போகும் நண்பனிடம் கணிணியும் இணையமும் இருந்தால் உடனே பதிவுலகத்துக்கு வருவேன் என்றும் இல்லையெனில் ஒரு வேலைக்கு சேர்ந்து அங்கே இணையம் பயன்படுத்தும் உரிமையும் வந்த பிறகோ இல்லையெனில் என்னுடைய சம்பாத்தியத்தில் லேப்-டாப்போ கணிணியோ வாங்கிய பிறகோ பதிவுலகத்துக்கு வருவேன் என்றும் தெரிவித்து கொள்கிறேன்..,

சிறிய அளவிலான வாசிப்பு அனுபவம் கூட இல்லாத என்னையும் 73 பேர் ஃபாலோ செய்கிறார்கள்..,அந்த அளவிற்க்காவது என்னை எழுத ஊக்கப்படுத்திய அண்ணண்களுக்கும் நண்பர்களுக்கும் நன்றி கூறிய படியே விடைப்பெறுகிறேன் விரைவில் திரும்புவேன் என்ற நம்பிக்கையோடு.....,
.
.

யாராவது சொல்லுங்க...,

2010-02-26T19:22:00.000+05:30

பேரு என்ன ??

தெரியாது

ஊரு என்ன ??

தெரியாது

வயசு என்ன ??

தெரியாது

தேட போறியா ??

ஆமா

என்ன காதலா ??

இருக்கலாம்

லூசா நீ ??

ஏண்டா இப்புடி கேக்குற...,

வேற என்ன கேக்க சொல்ற ??

அவள பத்தி சொல்றேன்..,

வேற வேல இருக்கு ??

அப்போ அவள பத்தி சொல்லு

அதுக்கு வேற ஆள பாரு.

எனக்கு யார தெரியும்??

இதையும் ஒரு பதிவுன்னு இவ்ளோ நேரம் படிக்கிராங்களே அவுங்கள கேளு சொல்லுவாங்க..,

டிஸ்கி :- மகாஜனங்களே ..., நல்லா சொல்லுங்க பின்னோட்டத்துல ...,
.
.

காணாமல் போகும் காதல் தேவதைகள்

2010-02-16T18:17:00.002+05:30

முழு இரவையும்
முழுதாய் விழுங்கும்
அத்தனை பயணங்களிலும்
கைப்பையை அணைத்தப்படி
கண்ணாடி ஜன்னலில்
சாய்ந்தப்படி உறங்கும்
தேவதையை ஒன்றை
பார்க்கிறேன் ..,

அங்கே இருப்பவள்
விழிக்கும் போதே
அந்த தேவதை எழுந்து
போய் விடுவதால் பெயர்
கேட்ப்பதும் இல்லை
பின்தொடர்வதும் இல்லை..,

டிஸ்கி :- நேத்து நைட் தஞ்சாவூர் - திருப்பூர் பஸ்ல வரும் போது சிந்திச்சது.. சைட் அடிச்சுட்டே.. ஹி ஹி..,
.
.

அஜித்தும் விஜய்யும் பின்ன ...நானும்

2010-02-10T19:11:00.001+05:30

         என்னோட போன பதிவுக்கும் போன பதிவுக்கு வந்த பின்னோட்டங்களில் முக்கியமானது . இது வரை என்னுடைய வாழ்க்கையில் இது வரை என் வாழ்க்கையில் யாரும் என்னை பார்த்து கேட்காத கேள்வி " நீங்க விஜய் ஃபேனா ?? ",யாரும் இந்த கேள்வியை கேள்வியை யாரும் கேட்டதில்லை ஏனெனில் கேட்கபடி யாரையும் விட்டதில்லை.நான் எப்போது சினிமா பத்தி பேசவும் விவாதிக்கவும் தொடங்கினேனோ அப்போ இருந்தே விஜயை கிண்டல் அடிப்பதையும் கேலி செய்வதும் தொடர்ந்து கொண்டே இருக்கிறது.
     அதே போல் ஒரு காலத்தில் நானும் அந்த கேள்வியை கேட்ட நண்பர்கள் போலவே தீவிரமான அஜித் ரசிகன்.அதன் பின்பு கல்லூரிக்காலத்தில் யாருக்கும் ரசிகனாய் இல்லாமல் இருந்ததில் ஒரு வசதி இருந்தது யாருடைய தலைவனையும் கிண்டல் அடிக்கலாம் நமக்கு தான் தலைவரே கிடையாதே ..,அப்பவும் எங்களால் அதிகம் கிண்டல் அடிக்க படும் நடிகர் விஜய் மட்டுமே..,
     நான் இப்போ அஜித் ரசிகன் இல்லாவிட்டாலும் அவரை எனக்கு பிடிக்கும் . பில்லா வந்த சமயத்தில் அவருடைய பேட்டி ரொம்ப பிடித்து இருந்தது.., வாலி வந்த சமயத்தில் " அழகாய் இருக்கும் ஆணுடன் சேர்ந்து சாப்பிடவும் பேசவும் நிறைய பெண்கள் இருப்பார்கலள் ஆனால் செட்டில் ஆகாத ஆணை யாரும் திருமணம் செய்து கொள்ள மாட்டார்கள் " என்று முதிர்ச்சியோடு பேட்டி கொடுத்த அஜித்தை எனக்கு பிடிக்கும்.
         இப்போது கூட கலைஞருக்கு நடந்த பாராட்டு விழாவில் எல்லாரும் ஜால்ரா அடித்து கொண்டிருக்க தன் மனதில் பட்டதை பேசி இருக்கிறார்.இருந்தாலும் அவரது ரசிகர்கள் அவருக்கு கொஞ்சம் அதிகமாகவே hype கொடுக்கிறார்கள் என்றே கருதுகிறேன்.அதன் பிரதிபலிப்பு தான் கிங் ஆஃப் ஓப்பனிங் போன்ற பட்டங்கள்.., இது மட்டும் அல்ல எனக்கு விஜயை கிண்டல் பண்ணி எவ்வள்வு எஸ்.எம்.எஸ் வருகிறதோ அதே அளவிற்கு அஜித்தை புகழ்ந்தும் வரும் அவை உங்கள் பார்வைக்கு...,
" கேன்ஸ் திரைப்பட விழாவில் பில்லா படத்தின் தீம் மியூசிக்குக்கு சிறந்த தீம் மியூசிக்குக்கான இரண்டாம் பரிசு கிடைத்துள்ளது..., முதல் பரிசை வாங்கிய திரைப்படம் Mission Impossible "
"அஜித்தின் சாதனைகள் -

மொத்த படங்கள் - 49

ப்ளாக் பஸ்டர்- 8

சூப்பர் ஹிட் - 13

ஹிட் -18

ஆவேரேஜ் - 9

பில்லா - 150 கோடி வசூல் (Only Behind Sivaaji - 160 கோடி)

"
"அஜித் 2010-ற்க்கான F1 பந்தயதிற்க்காக பங்கேற்க்க போகிறார்.இந்த சாதனையை செய்யும் இரண்டாம் இந்தியன் இவரே- தல போல வருமா "
இது போல வெட்டி பில்ட்- அப் வேறு யாருக்கும் அவர்களின் ரசிகர்களால் கொடுக்க படுவதில்லை இனி நா சொல்ல ஒன்னும் இல்ல நீங்களே சொல்லுங்கோ...,
.
.

பர்ஸ் பழுத்த சூடு

2010-02-09T18:11:00.001+05:30

நாம் நடந்த கடற்கரையில்
தனியாய் நடக்கும் போதும்
சுடுகிறது பர்ஸ்
பழுத்த சூடு..,

நீ வழியெங்கும்
சிதறிய புன்னகையை
சேர்த்து வைக்கிறேன் மாச
கடைசியில் அடமானம் வைக்க..,

இணையத்தில் அமரும்
போதெல்லாம் உன்
பெயரையே பார்க்கிறேன் சொன்னால்
நம்ப மறுக்கிறார்கள் உன் பெயர்
கூகுள் என்று..,

டிஸ்கி :- காதலர் தினம் வருதாமே அதான் நம்ம ஸ்டைல்ல காதல் சாம்பார் (எவ்ளோ நாள் தான் ரசமே சொட்டும் ) சொட்ட சொட்ட ..., ஹி ஹி ....,
.
.

யார் கிங் ஆஃப் ஓப்பனிங் - ஒரு " அசல் " ஆராய்ச்சி

2010-02-08T18:55:00.002+05:30

        அல்டிமேட் ஸ்டார் என்ற பட்டத்தை அஜித் துறந்து விட்டாலும் அவருக்கு இன்னும் செல்ல பெயர்களுக்கு குறைவே கிடையாது.., தல , கிங் ஆஃப் ஓப்பனிங் , ஆசை நாயகன் , காதல் மன்னன் என நிறையவே உண்டு.இவற்றுள் ஆசை நாயகன் , காதல் மன்னன் , தல ஆகிய பட்டங்கள் எல்லாம் அவர் நடித்த படத்தின் பெயரையோ இல்லை அவரது கதாபாத்திரத்தின் செல்ல பெயரையோ குறிக்கின்ற்ன.., ஆனால் இந்த கிங் ஆஃப் ஓப்பனிங் பட்டம்?? அதற்க்கு என்ன அர்த்தம்??

   எனக்கு தெரிந்த அரை குறை ஆங்கிலத்தில் படம் வெளியாகும் முதல் நாள் அல்லது முதல் வாரம் அதிக வசூலை கொடுக்க கூடிய நடிகர் என்று அர்த்தப்படுத்திக்கொள்கிறேன். நான் அப்படி அர்த்தப்படுத்தியது சரியெனில் உண்மையிலேயே அஜித்தா கிங் ஆஃப் ஓப்பனிங் ?? . தஞ்சாவூரில் வில்லு ரிலீசான இரண்டாம் நாள் டிக்கெட் கிடைக்க வில்லை(நாலாவது நாள் காத்து வாங்கியது வேறு விஷயம் ) ஆனால் ஆழ்வார் ரிலீஸான அன்று மாலையே தியேட்டர் காத்து வாங்கியது.
இதன் மூலம் விஜய் தான் கிங் ஆஃப் ஓப்பனிங் என்று காமெடியெல்லாம் பண்ணவில்லை . அஜித்தை விட விஜய் முன்னனியில் இருக்கிறார் என்றே சொல்கிறேன். மேற்கூறிய உதாரணம் தஞ்சாவூரில் நடந்தது மட்டுமே மற்ற ஊர்களில் நிலவரம் எனக்கு தெரியாது..,

கிங் ஆஃப் ஓப்பனிங் என்ற பட்டம் படத்தின் தரத்திற்க்கு எந்த வகையிலும் சம்பந்தம் இல்லாமல் தன் பெயருக்காகவே கூட்டம் சேர்க்கும் நடிகருக்கே பொருத்தமாய் இருக்கும். பாபா படத்தின் தரம் அனைவரும் அறிந்ததே ஆனாலும் பத்து நாட்களுக்கு டிக்கெட் கிடைப்பது குதிரை கொம்பாக இருந்தது.., அது தான் ரஜினியின் வீச்சு இன்றும் அதே வீச்சு அவருக்கு இருப்பதாகவே அறிகிறேன். அப்படியானால் அவர் தானே இன்றும் கிங் ஆஃப் ஓப்பனிங் ??? அவரை சூப்பர் ஸ்டார் என்று அழைப்பதால் இந்த பட்டத்தை டிரான்ஸ்பர் செய்து விட்டரா என்ன??

டிஸ்கி :- யாராவது புள்ளி விவரத்தோட பதில் சொல்லுங்கப்பா....,
.
.

என்னை போன்றவர்களுக்காக... இன்றே கடைசி...

2010-02-03T11:39:00.001+05:30

2009-ம் ஆண்டு BE/B.Tech மற்றும் MCA முடித்தவர்களுக்கான WALk In Interview கோயம்புத்தூரில் நடைபெறுகிறது... அதற்க்கான விவரஙகள் கீழே...
Hi Guys,

We are organizing the combined campus recruitment process for the 2009 Batch students on 6th February 2010 (Saturday) at our campus.

Company Name: Accenture India, Bangalore

Job Position: Associate Software Engineer

Key Responsibilities:
• "Application Maintenance" is Large/ Medium/ Small enhancements, Production Support, Infrastructure support for mission critical software applications/ packages across technologies (like J2EE, SAP, Mainframe etc.,) across functional domains.
• They will be deployed in maintenance engagements (Major/ Minor enhancements, Testing, Break/Bug fix, Server Administration etc.,) for the first 24 months - across all technologies C++, .NET, Mainframe, Testing, SAP, J2EE etc.

Eligibility Criteria:
• B.E / B.Tech / MCA (All disciplines except fire and safety, Biomedical, Pharmacy, Textile & Fashion)
• 2009 Batch students only
• Minimum of 60 % and above aggregate in current course.
• No current backlogs.
• Has not taken an Accenture process for the last 6 months.
http://www.ChetanaS.org
Selection Procedure: The Selection Procedure would consist of:
• Presentation
• Written Test (Aptitude)
• GD
• HR Interview (07 February 2010)
• Final Interview (07 February 2010)

Mandatory Documents for the Off Campus Event:
• College ID card
• 2 passport size photographs
• PAN card/PAN acknowledgment slip
• Resume
• All mark sheets/consolidated mark sheet
• Provisional certificate/course completion certificate

Walk-In Date: On 6th February 2010 (Saturday) : 08:30 AM
http://www.ChetanaS.org
Venue:
Auditorium,
Kumaraguru College of Technology,
Saravanampatti,
Coimbatore,
Tamilnadu
http://www.ChetanaS.org
Registration:
Interested students are asked to send their resumes to offcampuskct (at) gmail.com on or before 3rd February 2010.
http://www.ChetanaS.org
There is NO Hall ticket or Registration confirmation mail. After sending resume, you can come and attend the recruitment process on 6th February 2010.

[source :- http://www.chetanasforum.com/index.php?showtopic=38801 ]
.
.

அர்த்தம் - சத்தம் - ரத்தம்

2010-02-02T18:35:00.000+05:30

அர்த்தத்திற்கு ஏது அர்த்தம்
இதயம் உருகும் சத்தம்
ஏதோ செய்கிறேன் நித்தம்
அள்ள வேண்டும் மொத்தம்
சொல்ல துடிக்குது ரத்தம்
தலைக்கு ஏறிடுச்சு பித்தம்...,

ஏய் டண்டணக்கா ... டனக்கு நக்கா...

டிஸ்கி :- யாரவது அர்த்தம் சொல்லுங்கப்பா....,
.
.

தேவையா உலக நாயகன் பட்டம்?? - கமலுக்கு ஒரு கடிதம்

2010-01-21T18:13:00.003+05:30

அன்புள்ள கமல் ஹாசன் அவர்களுக்கு ..,
            தமிழ் திரையுலகில் உள்ள நாயகர்களுள் வித்தியாசமானவர் நீங்கள் .., தன்னுடய ரசிகர்கள் வெறும் விசிலடிச்சான்குஞ்சுகளாக இருக்க வேண்டும் என்று எப்போதுமே நீங்கள் விரும்பியதில்லை. உங்கள் பிறந்தநாளன்று உங்களுக்கு பாலபிஷேகமோ பீராபிஷேகமோ உங்கள் ரசிகர்கள் செய்ய வேண்டும் என்று எதிர்ப்பார்க்காமல் நல திட்ட உதவிகளும் இரத்த தான முகாம்களும் நடத்த வைத்தவர்.

              உங்களுக்கு ஆங்கிலம் எவ்வளவு தெரியும் என்பது அனைவருக்கும் தெரியும் ஆனாலும் எந்த மேடை ஏறினாலும் சுத்த தமிழை மட்டுமே பேசுபவர்.என்னுடைய முகத்தை நான் தினமும் கண்ணாடியில் பார்க்கிறேன் என்னால் இனிமேல் கல்லூரிக்கு போய் சைட் அடிக்கும் படி எல்லாம் நடிக்க முடியாது என்று தைரியமாக உடைத்து கூறியவர் நீங்கள்.

            முதன்முதலில் உடல்தானம் செய்த நடிகர் நீங்கள் தான் நீங்கள் செய்ததோடு மட்டும் நில்லாமல் ரசிகர்களையும் செய்யும் படி தூண்டியவர் நீங்கள்.ஆஸ்பத்திரியில் அம்மணமாக வைத்து இருப்பார்களே என்று சிலர் பழித்த போது அப்படி தானே பிறந்தோம் என்று அழுத்தமாக பதில் சொன்னவர் நீங்கள். ரசிகர் மன்றஙகளை நற்பணி மன்றங்களாக முதல் முறையாக மாற்றி உங்களுடைய சமூக பொறுப்பை காட்டினீர்கள்.

           பணத்திற்காக என்று இல்லாமல் வாக்கு அளிப்பதன் மற்றும் வரி கட்ட வேண்டியதன் அவசியத்தை வலியுறுத்தியும் எய்ட்ஸ் விழிப்புண்ர்வு ஏற்படுத்துவதற்காகவும் விளம்பரத்தில் தோன்றி மற்றவர்களுக்கு முன்னுதாரனமாக விளங்குபவர்.தனக்கு கிடைக்காத்து மற்றவர்களுக்காவது கிடைக்கட்டும் என்ற எண்ணத்தில் சினிமா கனவோடு அலையும் இளைஞர்களுக்கு ப்யிற்சி பட்டறை நடத்தி அவர்களுக்கும் சினிமா பற்றிய புரிதலை ஏற்படுத்தியவர் நீங்கள்.

           இது எல்லாவற்றுக்கும் மேலாக தமிழ் சினிமாவை அடுத்த கட்டத்திற்க்கு எடுத்து செல்வதற்க்காக நீண்ட நாட்களாக போராடி வருபவர்.இன்று வித்தியாசமாக படமெடுப்போர் அனைவரும் நீங்கள் கஷ்ட பட்டு போட்ட சாலையில் சுகமாக நடந்து வந்தவர்களே..,

           இத்தனை விஷயங்களை முற்போக்காக யோசித்து செய்த உங்களுக்கு கலைஞானி , உலக நாயகன் போன்ற பட்டங்கள் நகைப்புக்குறியதாக இல்லையா..,நீங்கள் உலக நாயகனாக இருந்தால் அப்படி பட்ட பெயர் வைத்து கொள்வதில் எங்களுக்கெல்லாம் சந்தோஷமே ஆனால் நீங்கள் உலக நாயகனாக இருந்திருந்தால் உங்களை கனடா விமான நிலையத்தில் வைத்து ஒரு மணி நேரத்திற்க்கு மேலாக விசாரணை நடத்தி இருக்க மாட்டார்களே.., உங்களை பார்த்து நடிப்பதாக சொல்லும் சூர்யா , விக்ரம் போன்ற நடிகர்கள் பட்டங்கள் ஏதும் வேண்டாம் என்று பட்டங்கள் இல்லாமலே நடித்து வருகின்றனர் அவர்கள் வரிசையில் அஜித்தும் சேர்ந்து விட்டார்.

           ஆகவே இனியும் தாமதிக்காமல் உலக நாயகன் பட்டத்தை துறந்து அரசாங்கம் கொடுத்த பட்டமான பத்ம ஸ்ரீ கமல் ஹாசனாகவே தொடருங்கள்.அப்படி செய்வதன் மூலம் இளைய , புரட்சி , சின்ன , குட்டி , நெட்டை , எழுச்சி , வீர ,சிகப்பு , பச்சை ஆகிய தளபதிகளுக்கும் லிட்டில் , யங் , மங் , சங் சூப்பர் ஸ்டார்களுக்கும் முன்னுதாரணமாக விளங்குமாறு கேட்டு கொள்கிறோம்...,

இப்படிக்கு..,
ஒரு ரசிகன்...,
            .
.

ஆயிரத்தில் ஒருவன் VS TROY

2010-01-20T19:13:00.000+05:30

     நண்பர் இரும்புத்திரை அரவிந்த் ஆயிரத்தில் ஒருவன் திரைப்படத்தில் சோழர்களையும் பாண்டியர்களையும் கேவலப்படுத்தி விட்டதாகவும் ட்ராய் படத்தில் கிரேக்கர்களின் வரலாற்றை கொஞ்சம் மாற்றினாலும் சிறப்பாக எடுத்து இருந்ததாகவும் சிலாகித்து இருந்தார்..., வழக்கமாகவே கிரேக்க வரலாற்றை படமாக எடுக்கிறேன் பேர்வழி என்று அதை ஹாலிவுட் மசாலாவுக்கு ஏற்றார் போல் மாற்றிக்கொள்வார்கள். ஆனால் ட்ராய் படத்தில் படு மோசம் எனக்கு தெரிந்து(கொஞ்சம் படம் தானுங்கோ பாத்து இருக்கேன் ) வரலாற்றை முற்றிலுமாக மாற்றி எடுக்க பட்ட திரைப்படம் ட்ராய் தான்...,

முதல் தவறு இந்த போர் மனிதர்களுக்குள் நடக்கும் போராகவே படத்தில் காட்டப்பட்டு இருக்கும் ஆனால் இதிகாச கதையில் ஜீயஸ் , அப்போல்லோ , பொசைடன் ,ஏதனா ஆகிய கிரேக்க கடவுள்கள் நேரடியாக பங்கு பெற்றதாக சொல்லப்படுகிறது...,

        அப்புறம் ஸ்பார்ட்டா-ல துறைமுகமே கிடையாது படத்துல இருக்கும் ..,

         அப்புறம் படத்துல போர் ரெண்டு மூணு வாரத்துல முடிஞ்சிடும் ஆனா இதிகாச கதையில் அது பத்து வருஷம் நடந்தது...,

         போருக்கு பின்பு பாரிசும் ஹெலனும் சேர்ந்து வாழ்ந்ததாக படத்தில் காட்டப்படும் ஆனா இதிகாச கதையில் போரின் முடிவில் பாரிஸ் ஹெலனின் கணவனான மநிலஸ் கையால் கொலை செய்யப்பட்டு இறந்து போவன்.., ஹெலன் அவன் கணவனோடு சென்று விடுவாள்..,

           படத்தில் அக்கிலிஸின் cousin மற்றும் மாணவர் என அடையாளம் காட்டப்படும் பெற்றோகலஸ் இதிகாச கதைப்படி அக்கிலிசை விட வயது மூத்தவர் மற்றும் இருவரும் நெருங்கிய நண்பர்கள் மட்டுமே எந்த சொந்தமும் கிடையாது....,

           பெற்றோகலஸ் அக்கிளிசுக்கு தெரியாமல் போருக்கு சென்று இறந்து போவதாக படத்தில் காட்டப்படும் ஆனால் இதிகாச கதைப்படி அக்கிலிஸ் தான் அவரை போருக்கு அனுப்பி வைப்பார் ...,

             ஹெக்டர் அக்கிலிஸ் உடன் நேருக்கு நேர் போர் செய்வதாக படத்தில் காட்டுவர் ஆனால் இதிகாச கதைப்படி அவர் அக்கிலிசை பார்த்து பயந்து ஓடியதாகவும் அவர் துரத்தி சென்று கொலை செய்ததாகவும் இருக்கும்...,

பெற்றோகலஸ் இறந்தவுடன் அவர் உடலை அடக்கம் செய்ததாக படத்தில் இருக்கும் ஆனால் இதிகாச கதைப்படி அக்கிலிஸ் ஹெக்டரை கொலை செய்து அவர் உடலை கொடுத்தே பெற்றோகலஸ் உடலை பெற்றார்...,

அஜாக்சை ஹெக்டர் கொலை செய்ததாக படத்தில் இருக்கும்.., ஆனால் இதிகாச கதைப்படி அவரை யாரும் கொலை செய்யவில்லை அக்கிலிஸ் இறந்த பிறகு அவருடைய கவசத்தை இவருக்கு கொடுக்காத விரக்தியில் தற்கொலை செய்து கொண்டார்...,

அந்த குதிரையை பொசைடன் கடவுளுக்கு கொடுப்பதாக படத்தில் சொல்வார்கள் ஆனால் இதிகாச கதைப்படி அது ஏதனா கடவுளுக்காக உருவாக்கப்படும்...,

   படத்தில் இறந்த போனவர்களின் கண்ணில் நாணயங்கள் வைத்து இருப்பது போல் கட்டுவார்கள் ஆனால் இதிகாச கதைப்படி அந்த போர் முடிந்து ஆறேழு நூற்றாண்டுக்கு பிறகு தான் நாணயங்கள் பயன்படுத்தும் வழக்கம் வந்தது...,

கிரேக்க மன்னன் அங்கமேமொன் போரில் இறந்த போவதாக படத்தில் காட்டுவார்கள் ஆனால் இதிகாச கதைப்படி அவர் போரில் வென்று நாடு திரும்பி சில காலங்களுக்கு பின்னர் அவரது மனைவியால் கொலை செய்யப்பட்டார்...,

                    ட்ராய்-ன் அரசன் ப்ரைம்-ஐ கிரேக்க மன்னன் அங்கமேமொன் கொலை செய்வதாக படத்தில் கட்டுவார்கள் ஆனால் இதிகாச கதைப்படி அவர் அக்கிலிஸின் மகனால் கொலை செய்யப்பட்டார்..,

   ட்ராய்-ன் வாள் என்று ஒன்றை செம சீனாக படத்தில் கட்டுவார்கள் ஆனால் இதிகாச கதைப்படி அப்படி எதுவுமே கிடையாது அதுவும் மசாலாவுக்காக சேர்க்க பட்ட பிட்டு...,

    இது வரலாற்று புனையு கூட கிடையாது .., வரலாற்று படம்.., ஹம்ம்..., ஆயிரத்தில் ஒருவனில் போடுவது போல் இதில் கற்பனை என்று கார்ட் கூட போட மாட்டார்கள்..., அரவிந்த் அவர்களே நீங்கள் சொல்வது போல் இதில் ஏதாவது குறுநில மன்னரின் பெயரை பயன் படுத்தி இருக்க வேண்டியது தானே..., கிரேக்கர்கள் வந்து கேட்க மாட்டார்கள் என்ற திமிர் தானே ஹாலிவுட் காரர்களுக்கு...,

எனக்கு எப்போ நோபல் பரிசு குடுப்பாங்க ???

2010-01-20T13:19:00.002+05:30

பொங்கலுக்கு தேமே என்று தொலைக்காட்சி சேனல்களை மாற்றி மாற்றி பார்த்து கொண்டு இருந்தேன். அப்போ தான் தடார்னு ஒரு ஐடியா ஒரு ஆராய்ச்சி பண்ணி நோபல் பரிசு வாங்கிட்டா என்ன அப்டின்னு தான்..., அன்னிக்கு நா டி.வில படம் பாத்துட்டே எடுத்த ஆராய்ச்சி குறிப்புகள உங்கள் முன்னால அள்ளி வீசுறேன் அப்படியே படிச்சு பாத்துட்டு நீங்களும் நோபல் கமிட்டிக்கு ஒரு ஓலை அனுப்பிடுங்க....,

ஆராய்ச்சி 1 :-
சந்தோஷ் சுப்பிரமணியம் படத்துல எல்லாருமே லேன்ட் லைன் தான் பயன் படுத்துறாங்க Except பானிபூரி வியாபாரியிடம் ஒரு காட்சியிலும் M.S.பாஸ்கர் ஒரு காட்சியிலும் செல் போன் வைத்து இருப்பார்கள் ..., படம் 2008 -ல வந்துச்சு அப்போ என்கிட்டையே செல் இருந்துச்சே பெரிய தொழிலதிபரான பிரகாஷ் ராஜ் கிட்ட இல்லையா ஹம்ம்..., சரி டைரக்டர் ராஜா கிட்ட கேக்கலாம்னா அவர் பொம்மரிலு டி.வி.டியை குடுத்துட்டு போய்ட்டார் .., அதை போட்டு பாத்தா அட அதுலயும் அப்டித்தான் ஒரு வேள இது ரொம்ப பழைய படமான்னு பாத்தா அதும் 2006 -ல வந்து இருக்கு அப்பவும் செல் போன் இல்லையா...அவர் உதவி இயக்குனரா இருந்தபோ உருவாக்குன கதைய மாத்தாம எடுத்துடரோ ???

ஆராய்ச்சி 2 :-
ஆயிரத்தில் ஒருவன் படத்தில் ஆரம்பத்தில் ஒரு கூத்து ஆடுகின்றனர் அது தஞ்சையில் ஆடுவதாக காட்டப்படுகிறது ஆனால் இத்தனை ஆண்டுகளில் தஞ்சையில் நான் பார்த்த கூத்துகளுக்கும் அதற்க்கும் நிறைய வித்யாசங்கள் இருந்தன..,நான் சிவகங்கை பக்கத்தில் ஒரு கோவிலுக்கு போய் இருந்த போது அந்த வகை கூத்தை பார்த்து இருக்கிறேன்.., அந்த வகையான கூத்து தஞ்சை சுற்று வட்டார பகுதிகளில் உண்டா ???

ஆராய்ச்சி 3 :- [ நோபல் பரிசை எதிர் பார்க்கும் ஆராய்ச்சி இது தான் ]
ஈரம் படத்தை மறுபடியும் பார்த்தேன் [ எங்க ஊரு கேபிள் டி.வில போட்டாங்க ] . அதில் ஒரு காட்சி சிந்து மேனன் நாயகன் ஆதிக்கு ஆப் பாயில் போட்டு கொடுப்பார் அவர் சாபிட்டு விட்டு நல்ல இருக்குனு certificate வேற குடுப்பார்... ஆனா அந்த காட்சியில் சிந்து மேனன் முட்டையை உடைத்து தோசை கல்லில் போடும் போதே அதன் மஞ்சள் கரு உடைந்து விடும் [படத்தில் கவனிக்க ] . மஞ்சள் கரு உடைந்தால் ஆப் பாயில் ஒழுங்கா வராது என்பது ஆப் பாயில் சாப்பிடும் அகில உலகமும் அறிந்ததே .., அப்படி இருக்க அடுத்த காட்சியில் எப்படி ஒரு அழகான ஆப் பாயிலை தட்டில் வைத்து எப்படி கொண்டு வந்தார்??? இதில் எங்காவது லாஜிக் இருக்கிறதா ????

டிஸ்கி :- இப்புடி ஒரே பதிவுல மூணு ஆராய்ச்சிய பண்ணி இருக்கேனே எனக்கு எப்போ நோபல் பரிசு குடுப்பாங்க ??? [ அப்பாடி தலைப்பு வந்துட்டு .., ]
.
.

ஆயிரத்தில் கொஞ்சம் பேர்...,

2010-01-19T18:23:00.002+05:30

       செல்வராகவனின் ஆயிரத்தில் ஒருவன் நேற்று தான் பார்த்தேன்.முதல் நாளே பார்த்து இருக்கலாம் என்று தோன்றியது காரணம் நிறைய வெட்டி விட்டார்கள். இரண்டாம் பாதி ஒரு மணி நேரம் தான் ஓடியது ஆகா மொத்தமாக இரண்டரை மணிநேரம் மட்டுமே..,கதை என்ன வென்று கூறி இப்போ நா விமர்சனம் எல்லாம் பண்ண போறது இல்லை ஏற்கனவே எல்லாரும் பண்ணிட்டாங்க...,வலைப்பூவில் நிறைய பேர் கிழி கிழின்னு கிழிச்சிட்டாங்க ஆமா..! அவ்வளவு மோசமான படமா இது ????
   இல்லை.., நிச்சயமாக இல்லை..., முதல் குற்றச்சாட்டு கார்த்தியை வீணடித்து விட்டார்கள் என்பது .., ஹீரோ என்றால் முன்னால் தான் வர வேண்டுமா ?? எல்லோரையும் அடிக்க வேண்டும் பெண்களிடம் அடி வாங்குபவனாக இருக்கா கூடாது அப்படி தானே.., பத்து பேர் வெட்ட வெட்ட வரும் போது குனிந்த முதல் ஹீரோ இவர் தான் எனக்கு தெரிந்து...,அடுத்து பார்த்திபன் .., யார் என்ன வேண்டுமானாலும் சொல்லட்டும் ஹாட்ஸ் ஆப் பார்த்திபன்.., நிழலை வைத்து புணரும் போதும் , இயலாமையால் தற்கொலைக்கு முயலும் போதும் , சாவு நிச்சயம் என தெரிந்து கம்பீரமாக சிரிக்கும் போதும் தன்னுடைய நடிப்பின் எல்லையை பல கிலோமீட்டர் விஸ்தரிக்கிறார்...,
               முக்கியமாய் ரீமா, இரண்டு நாயகர்கள் இருக்கும் எந்த ஒரு படத்திலும் ஒரு நாயகிக்கு இப்படி ஒரு வெய்ட்டான கதாபாத்திரம் கொடுத்து இருக்க மாட்டார்கள். சிரிப்பது , முறைப்பது , சிரித்த உடன் முறைப்பது , தொடாமல் புணரப்படும் போது கொடுக்கும் முகபாவங்கள் , அனாசியமாய் துப்பாக்கியால் சுடுவது .., கலக்கல் தான்...,
               இந்த படத்தை செமி ப்ரோனோ என்று எழுதி இருக்கிறார் ஒரு அதி புத்திசாலி பதிவர் .., அப்போ அடிக்கடி நிர்வாணம் வரும் மெலினா போன்ற படங்கள் உங்களுக்கு ப்ரோனோ வகையை சேர்ந்ததா...
   வரலாற்றை திரித்து விட்டார்கள் என்று அலறுபவர்களே இது வெறும் வரலாற்று புனைவு மட்டுமே.., உண்மை சம்பவம் அல்ல.., உண்மையான கிரேக்க வரலாற்றை படமாக எடுக்கிறேன் பேர்வழி என்று அதை சிதைப்பவர்களை நீங்கள் கண்டுகொண்டதில்லையே.., உதாரணமாக ட்ராய் படத்தை பார்த்து விட்டு அதன் வரலாற்றை படிக்கவும் அப்போது தெரியும் வரலாற்றிற்கும் படத்திற்கும் உள்ள வித்யாசங்கள் அந்த படம் உங்களின் பலரின் விருப்ப படமாக இருப்பதை பார்த்து இருக்கிறேன் ..,
                 மேலே நான் ஹாலிவுட் படங்களை பற்றி சொல்லியது வெறும் உதாரணங்களுக்காக மட்டுமே நம்மை விட பல வருட தூரத்தில் அவர்கள் இருக்கிறார்கள் என்பது மறுக்க முடியாத உண்மை தான்..., எனினும் அவர்களை தமிழ் சினிமாவோடு ஒப்பிடுவது நேற்று நடக்க தொடங்கிய குழந்தையை உசேன் போல்டின் வேகத்தோடு ஒப்பிட்டு பார்ப்பது போல் கேனத்தனமானது...,
செல்வராகவனே மறுத்தாலும் கடைசி காட்சி ஈழ கொடுமையின் பிரதி பலிப்பு தான்..., எனக்கு தெரிந்து எந்த ஒரு தமிழ் படமும் போர் கைதிகளாக வரும் பெண்களிடம் எப்படி ராணுவம் நடந்து "கொல்லும்" என்று பதிவு செய்தது இல்லை.., ஒருவன் ஒரு பெண்ணின் சேலையை பிடித்தல் அவன் ஹீரோவாக இருந்தால் பாட்டு வரும் அவன் வில்லனாக இருந்தால் இழுத்து முடிவதற்குள் ஹீரோ வருவான் சண்டை வரும் எனக்கு தெரிந்து உண்மையில் எந்த ஹீரோவும் வருவது இல்லை.., அந்த கொடுமையை அப்படியே படத்தில் பதிவு செய்து உள்ளார்..,யாரும் தொட அஞ்சிய விஷயத்தை தொட்டு இருப்பற்காகவே ஒரு எக்ஸ்ட்ரா சல்யுட் ..,
                படத்தில் குறைகள் இருக்கின்றன குறிப்பாய் லாஜிக் மீறல்கள் இது படபிடிப்பில் உட்கார்ந்து கொண்டு எழுதியதால் வந்த வினை..,மெக்கனா'ஸ் கோல்ட் , 300 , கிலாடியட்டர், லாஸ்ட் சாமுராய் ஆகிய படங்களில் வந்த காட்சிகளை தழுவி காட்சிகள் எடுக்கப்பட்டு இருந்தன. எனக்கு இது பெரிதாய் தோன்றவில்லை காரணம் ஒரே படத்தில் ஏகப்பட்ட நல்ல விசயத்தை செய்து உள்ளார் அதனால் இந்த விசயத்தை மட்டும் பிடித்து கொண்டு குறை சொல்ல எனக்கு மனசு வரவில்லை .., அப்புறம் எனக்கு தெரிந்து தமிழில் வெளி வந்த மிகப்ப்ரமாண்டமான படம் இது தான் ...,
               நான் தஞ்சை விஜயா தியேட்டரில் பார்த்தேன் .., முதல் பாதி நெடுகவும் கை தட்டல்கள் கேட்டு கொண்டே இருந்தன இரண்டாம் பாதியில் அந்த அளவிற்கு இல்லை என்றாலும் பார்த்திபனின் "அஞ்சி விடுவோம் என்று எண்ணிநீரோ" என்ற கடைசி வசனத்திற்கும் அரங்கமே கை தட்டியது .., படம் நிறைய பேருக்கு பிடித்திருந்தது .., படம் நிச்சயமாய் வசூல்ரீதியாகவும் வெற்றி பெறும்..,ஆயிரத்தில் கொஞ்சம் பேருக்கு பிடிக்காமல் போனதால் எல்லாம் தோல்வி அடையாது..,
   செல்வராகவன் அவர்களே இந்த படத்திற்கு இரண்டாம் பாகம் எடுக்க போவதாக அறிவித்து உள்ளீர்கள் .., அந்த படதிற்க்காவது எழுதி முடித்த பின் படபிடிப்பிற்க்கு செல்லவும்..,அப்படி இருக்கும் பட்சத்தில் இந்த படத்தை விட அது பல மடங்கு சிறப்பு வாய்ந்ததாக அமையும்.., வாழ்த்துக்கள் மறுபடியும்..,

டிஸ்கி :- யாரவது திட்டனும்னா நாளைக்கு வந்து திட்டுங்க என்ன இன்னிக்கு திட்டு வாங்குனா வருஷம் முழுசும் திட்டு வாங்க வேண்டியிருக்குமாம் அம்மா சொன்னங்க...,
.
.

எங்க ஊரு பொங்கச்சோறு..!!

2010-01-13T16:32:00.001+05:30

    பொங்கல் என்பது எதற்காக கொண்டாடப்படுகிறது என்பது எனக்கு தெரியாது ஆனால் விவசாயம் குறைந்து போன இந்த நாட்களில் திருப்பூர் பனியன் தொழிற்சாலைக்கும் மற்ற ஊர்களுக்கும் குடும்பம் குடும்பமாக வேலைக்கு சென்ற எங்கள் ஊர் மக்கள் வருடத்தின் ஒரு முறையாவது சொந்த ஊருக்கு வரும் நாளாகவே எனக்கு தெரிகிறது ..,
   மார்கழியின் கடைசி நாள் போகி பண்டிகை .., எங்கள் ஊரில் யாரும் பழைய பொருட்களை எரித்ததாக ஞாபகம் இல்லை. சுமார் ஒரு மாதமாகவே நடந்து வரும் வீட்டை சுத்தப்படுத்துதல் மற்றும் வெள்ளை அல்லது வேறு வண்ணங்கள் அடித்தல் இன்றோடு முடிந்து விடும்..,இந்த நாளின் முக்கிய நிகழ்வே (சீர்) வரிசை கொடுப்பது தான். தங்கள் குடும்பத்து பெண்கள் வாழும் வீட்டுக்கெல்லாம் புதுப்பானை,அரிசி,கரும்பு, மஞ்சள் கொத்து,வாழைப்பழம் போன்றவற்றுடன் வசதிக்கு தகுந்தார் போல் பணத்தையும் சேர்த்து கொடுக்கும் வழக்கம் இன்றும் உள்ளது . நான்கு அல்லது ஐந்து வருடங்களுக்கு முன்பு வரை மாட்டு வண்டிகளே இதற்காக பயன்படுத்த பட்டது ஆனால் இப்போது அது வெகுவாக குறைந்து விட்டது பேருந்திலோ பைக்கிலோ போய் வரிசை குடுத்து விடுகிறார்கள்..
           தை முதல் நாள் சூரிய பொங்கல் .., இன்று பெரிய பரபரப்பு ஏதும் இருக்காது. காலையில் பொங்கல் வைக்கும் பழக்கம் இல்லை காலையில் மாட்டு வண்டி வைத்து இருப்பவர்கள் வயலுக்கு போய் களிமண் வெட்டி வருவார்கள் இல்லாதவர்கள் அவர்களிடம் வாங்கி கொள்வார்கள்.., சூரியன் உச்சியில் இருக்கும் நேரத்தில் வீட்டு வாசலில் மேற்கு திசையில் திட்டாணி போடப்படும் கிழக்கு திசையில் கோடு வெட்டப்படும்..கோடு என்பது மண் வெட்டியால் வெட்டப்படும் சிறு பள்ளம் அந்த பள்ளத்தின் மேல் மூன்று களிமண் உருண்டைகளை வைத்து அடுப்பு செய்வார்கள் அந்த அடுப்பில் தான் பொங்கல் வைக்க படும். இன்று இரண்டு அடுப்பு செய்வார்கள் ஒன்றில் சக்கரை பொங்கல் மற்றொன்றில் வெண்பொங்கல்.., திட்டாணி என்பது எங்கள் ஊரில் பயன்படுத்த படும் வழக்கு சொல் போன வருடம் எங்கள் வீட்டில் போடப்பட்ட திட்டாணி கீழே..,

   தை இரண்டாம் நாள் மாட்டு பொங்கல் ..,இன்று காலை கிட்டத்தட்ட அனைவரின் வீட்டிலும் இட்லி செய்வார்கள் இது சிலருக்கு தினமும் நடக்கும் சாதாரண நிகழ்வாகவும் வேறு சிலருக்கு வருடத்தின் ஒரு நாள் மட்டுமே நடக்கும் சரித்திர நிகழ்வாகவும் இருக்கும்.காலை உணவு முடிந்ததும் ஊரில் ஆண்கள் யாருமே இருக்க மாட்டார்கள் ஏனெனில் எந்த வீட்டிலும் மதியம் சமைக்க மாட்டார்கள் அப்படி இருந்து தான் தீருவேன் என்று நீங்கள் அடம் பிடித்தால் மதியம் காலையில் சுட்ட இட்லி மட்டுமே சாப்பிட கிடைக்கும்.., ஆகையால் மாட்டிற்கு மாலை,கொம்பிற்கு பெயிண்ட் வாங்கவும் இரவு சமையலுக்கு தேவையான பொருட்கள் வாங்கவும் புது படம் பார்க்கவும் துணி எடுக்காதவர்கள் புது துணி எடுக்கவும் என எல்லோரும் பட்டுகோட்டை சென்று விடுவார்கள்.
         ஒரு ஐந்து மணி வாக்கில் திடலுக்கு மாடுகளை ஓட்டி வருவார்கள் முதலில் ஐயர் வீட்டிலிருது மாடு வரும் பிறகு ஒவ்வொரு கரையாக ஏழு கரை மாடுகளும் திடலுக்கு வந்து சேரும் " ரொம்ப குறைஞ்சுட்டுல" , " எனக்கு கல்யாணம் ஆனா வருஷம் மேலத்தெரு முக்கு வரைக்கும் மாடு இருதுச்சு இப்போ என்னடான்னா தண்ணி டேங்க கூட தாண்டல " இதெல்லாம் வருடம் தவறாமல் கேட்க்கும் குரல்கள். அதன் பின்னர் அவை மாட்டு கொட்டகையில் கட்டப்படும். பிரண்டையை ஒன்றாக பிணைத்து தோரணம் போல ஒன்று தயார் செய்து மாட்டு கொட்டகை வாசலில் கட்டப்படும் வெள்ளை மற்றும் மஞ்சள் மிரத்தில் பூக்க கூடிய ஒரு வகை பூவை (பெயர் தெரிய வில்லை ) நாணலில் கட்டி மட்டுக்கு மாலை இடப்படும்.
          வீட்டிலேயே மாட்டு கொட்டகை உள்ளவர்கள் நேற்று போட்டா திட்டாணியில் சாணி மொழுகி பயன்ப்படுத்துவர் மற்றவர்கள் புதிதாக திட்டாணி போடுவார்கள். அதே போல் கோடு வெட்டி சக்கரை பொங்கல் மட்டும் வைப்பார்கள். அது முடிந்ததும் திட்டாணியில் இலை போட்டு பொங்கல் கொட்டி அதனுடன் வாழைப்பழம் மற்றும் பால் கொண்டு நன்றாக பிசைந்து அனைவருக்கும் கொடுப்பார்கள்.அவ்ளோ டேஸ்டா இருக்கும் தெர்யுமா..,அதன் பிறகு மாட்டுக்கு பொங்கல் ஊட்ட படும்... பொங்கலோ பொங்கல் என்று சொல்லியபடி தாம்பாளத்தில் கரும்பால் அடித்து கொண்டும் அடுப்பூதும் குழலில் சங்கு போல் வாயில் வைத்து ஊதி கொண்டும் சுத்தி வருவோம்..,
தை மூன்றாம் நாள் பெரிய பொங்கல்.., இன்று தான் முக்கியமான தினம் காலை எழுந்த உடன் மாட்டிற்கு அலங்காரம் நடக்கும் கொம்பிற்கு பெயிண்டும் polythene பேப்பர்-ல் செய்த மாலையும் போட படும் அவை இரண்டும் அவர்கள் எந்த கட்சியினர் என்பதை காட்டும் படி இருக்கும். இன்று தான் அனைவரும் புது ஆடை அணிவார்கள். இரண்டாம் நாள் மாலை சென்ற அதே திடலுக்கு அனைவரும் புத்தாடையோடு வருவார்கள் வேலை காரணமாக முதல் நாள் வரமுடியாதவர்கள் கூட இன்று வருவார்கள். நேற்று மாலை வந்த அதே வரிசையில் மாடுகள் வரும். அவைகள் அந்த திடலுக்கு வந்து சேர்வதற்கு முன்னரே அந்த polythene மாலைகளை அறுக்க ஒரு கூட்டம் காத்திருக்கும் அது தான் எங்கள் ஊரில் ஜல்லிக்கட்டு.மாடுகள் அனைத்து வந்து அரைமணி நேரத்திற்கு பிறகு மறுபடி அனைத்தும் திரும்ப ஓட்டி செல்லப்படும்..,அதன் பிறகு ஓட்டபந்தயம்,சாக்கு ஓட்டம் ,தவளை ஓட்டம் , முறுக்கு கவ்வுதல் , காலி பாட்டிலை நிரப்புதல் , அதி வேக சைக்கிள் பந்தயம் , மெதுவாக சைக்கிள் ஓட்டும் போட்டி , பாட்டு போட்டி , மாறு வேட போட்டி என பலவகையான போட்டிகள் இரவு வரை இனிதே நடந்து பரிசு வழங்கும் நிகழ்ச்சியோடு முடியும்.., திருப்பூர் தவிர மற்ற ஊர்களில் வேலை செய்வோர் அன்று இரவும் திருப்பூரில் வேலை செய்பவர்கள் அடுத்த நாள் இரவும் கிளம்புவார்கள் "சித்திரை திருவிழாவிற்கு லீவ் கிடைக்குமா என்ற கேள்வியோடு .....,,"

டிஸ்கி :- அனைவருக்கும் இனிய பொங்கல் நல்வாழ்த்துக்கள்...,
.
.

ஜவ்வாலக்கடி கிரி கிரி ஜோசியம் - 2010

2010-01-02T18:05:00.002+05:30

இந்த ஆண்டு பிறந்து விட்டது.., சென்ற ஆண்டின் சோகங்களும் துக்கமும் இந்த ஆண்டு குறைய வேண்டுமென்றும் இன்பமும் சந்தோசமும் இன்னும் அதிகரிக்க வேண்டும் என்றும் அனைவரும் எதிர் பார்ப்பது போலவே நானும் எதிர் பார்க்கிறேன்... ஆனால் அப்படி நடக்குமா என்று ஜவ்வாலக்கடி கிரி கிரி ஜோசியத்தை பார்த்தால் எப்படி என்று தோன்றியது.., அதோ அது எப்படி பார்ப்பது என்ற வழி முறையும் விளைவுகளும் ...,
2010-ஐ இப்படியும் குறிக்கலாம்...,
(உத:-)2 + 0 + 1 +0 =????
இதிலிருந்து பத்தை கழிக்கவும்..,
(உத:-)10 - ??? = XXX
வரும் பதிலில் இருந்து இதை செய்யவும்...,
அதை செய்து முடித்தவுடன்
அதோடு உங்கள் பிறந்த தேதியையும் கூட்டிக்கொள்ளவும்..,
அதன் பிறகு வரும் பதிலில் இருந்து மூன்றை கழித்து விட்டு உங்கள் மூளையில் ஒரு மூலையில் சேமிக்கவும்.., அதன் பிறகு நீங்கள் பிறந்த மாதத்தை இரண்டால் பெருக்கி மூன்றால் வகுத்து இருபத்தி இரண்டால் கூட்டி அதையும் உங்கள் மூளையில் இன்னொறு மூலையில் சேமிக்கவும்.., அதன் பிறகு நீங்கள் பிறந்த வருடத்தை தனியாக கூட்டி அதையும் பத்தால் கழித்து (முன்பு செய்ததை போலவே) வரும் பதிலை பாதியாக்கி முப்பத்தி எழால் கூட்டவும் பிறகு வரும் பதில்களை உங்கள் மூளையில் இன்னொறு மூலை இருந்தாள் சேமிக்கவும் இல்லையெனில் ஒரு பேப்பர் எடுத்து அதன் மூளையில் எழுதிக்கொள்ளவும்..,
தற்போது மூளையின் முதல் மூலையில் இருந்த பதிலையும் மூளையின் இன்னொறு மூலையில் இருந்த பதிலையும் பேப்பரில் மூலையில் ஒருந்த பதிலையும் கூட்டிக்கொள்ளவும்..,வரும் விடையை நாற்பத்தி ஒன்பதால் கூட்டி பிறகு மூன்றால் பெருக்கவும் பின்னர் பதினான்கை கழித்துக்கொள்ளவும்.., வரும் பதிலோடு உங்கள் விரல்களின் எண்ணிக்கையை கூட்டி நகங்களின் எண்ணிக்கையை கழித்தால் வரும் பதிலை எனக்கு அனுப்பி வைத்தால் உங்கள் பலன் அடுத்த பதிவில் வெளி இடப்படும் என்பதை ஜவ்வாலக்கடி சாமியார் மேல் சத்தியமாக அறிவிக்கிறேன்...,

டிஸ்கி:- இந்த ஜோசியதிற்க்கு தேவையான கணக்கு டியூஷன் எதுவும் கம்பெனி சார்பில் எடுக்க படாது என்பதுடன் இதை கணிப்பதால் வரும் தலைவலிக்கும் கண் வலிக்கும் மூளை வலிக்கும் வேறு என்ன வலிகள் எல்லாம் உண்டோ அத்தனை வலிகளுக்கும் எங்களுக்கும் சம்பந்தம் இல்லை என்பதையும் வெட்டு ஒன்று துண்டு ரெண்டாக அறிவிக்கப்படுகிறது..,
.
.

என் கதையும் எதிர் வினையும்...,

2009-12-31T17:10:00.002+05:30

       நான் இந்த கதையை எழுதி என்னுடைய வலைப்பூவில் வெளியிட்ட பிறகு என்னுடைய சாட் லிஸ்டில் யாரெல்லாம் இருக்கிறார்களோ அவர்கள் அனைவருக்கும் என்னுடைய கதையை படித்து விட்டு கருத்து சொல்லுமாறு அழைப்பு விடுத்தேன் முதல் எழுத்து எழுதிய குழந்தை அனைவருக்கும் எழுதிக்காட்டுவது போல .., கிட்டத்தட்ட அனைவரும் படித்து விட்டு கருத்து சொன்னார்கள்.., கிட்ட தட்ட அனைவரும் அதில் இருந்த குறைகளை சுட்டி காட்டினார்கள் ..,The Identity போன்ற படங்களை பார்த்து விட்டு விளக்கமாக விமர்சனம் போடும் ஹாலிவுட் பாலா,எல்லா படங்களையும் பார்த்து விட்டு விமர்சிக்கும் ஜெட்லி உட்பட பலரும் சொன்னது புரியவில்லை.எனக்கு தெரிந்து நா சொல்ல வந்ததை முழுமையாக புரிந்து கொண்டது நான் மட்டுமே..,
     அப்புறம் இது நான் லினியர் கதை அப்படின்னு நெனச்சேன் அதும் இல்லையாம் கேபிள் அண்ணன் சொன்னார். நிகழ்வு கதைகளை எழுதி பழகுமாறு போஸ்டன் ஸ்ரீராம் சொன்னார்.இந்த கருத்துக்கள் என்னை கண்டிப்பாய் ஊக்க படுத்தும் மற்றும் இந்த கருத்துக்களால் எனக்கு பெரிதாய் ஒன்றும் வருத்தம் இல்லை முதல் அடி எடுத்து வைக்கும் குழந்தையும் முதல் முறை மிதிவண்டி ஏறும் சிறுவனும் முதல் முறை காதலிக்கும் விடலையும் தவறி விழுவதில் அதிர்ச்சி அடைய வேண்டியதில்லை விழாமல் இருந்தால் வேண்டுமானால் ஆச்சர்யப்படலாம்.எனக்கு ஊக்கம் கொடுத்த அனைவருக்கும் நன்றி தெரிவிப்பதோடு என்னுடைய அடுத்த கதை குறைந்தது உங்களுக்கு புரியும் படி இருக்கும் என்று உறுதியளிக்கிறேன்...
   போன வரியுடன் முடித்து விடலாம் என்று தான் நினைத்தேன். ஆனால் இத்தனை ஆக்கப்பூர்வமான கருத்துக்களோடு இன்னொன்றும் வந்தது.., ஆணை திறந்ததும் ஆற்றில் மிதக்கும் மலத்தை போல "என்ன ம******************************
கோவி கண்ணனை பார்த்து கத்துக்கோடா,சுமஜ்லாவை பார்த்து கத்துக்கோடா,சந்தனமுல்லையை பார்த்து கத்துகோடா, விதூஷைப்பார்த்து கத்துக்க்கோடா,அதிஷாவைபார்த்து கத்துக்கோடா, நர்சிம்மை பார்த்து கத்துக்கோடா,டோமர்,
கதை எலுதுறானாம் வெள்று,முதல்ல படி,அப்புறம் எலுது,எல்லாம் எடுத்தவுடனே இப்புடி *************************************** ???" . * போட பட்ட பகுதிகளை பிரசுகரிக்க விரும்ப வில்லை. எனக்கே தெரியும் மேல்குறிப்பிட்ட எவர் போலவும் இப்பொழுது என்னால் எழுத முடியாது அதை பண்பான வார்த்தைகளால் சொல்லி இருக்கலாம் .ஆகவே இந்த பதிவையும் படிக்குமாறு அனைவருக்கும் சுட்டியை அனுப்ப போகிறேன்.., நீங்களே சொல்லுங்கள்..,இப்பொழுது எனக்கு எழுத தகுதி இல்லை என்றால் சொல்லுங்கள் அந்த தகுதி வரும் போது எழுதி கொள்கிறேன் இப்போது பதிவுகளை படிப்பதோடு நிறுத்தி கொள்கிறேன்...
.
.

அனைவருக்கும் இனிய புத்தாண்டு நல்வாழ்த்துக்கள்

ரெண்டு படம் போதும் ஹாலிவுட் பிச்ச வாங்க...,

2009-12-30T17:22:00.001+05:30

நேற்று தான் ஆயிரத்தில் ஒருவன் ட்ரைலர் பார்த்தேன்.நிச்சயமாய் ஒரு பிரமாண்டமான படம் தான்.ஆனால் தமிழ் படமா என்பது தான் கொஞ்சம் சந்தேகமாக உள்ளது.படம் ஆரம்பிக்கும் போது ரீமா சென்னும் ஒரு பெண்ணும் ஆங்கிலத்தில் எதோ கெட்ட வார்த்தைகளாக பேசுகிறார்கள்.அப்புறம் தான் தமிழ் சினிமா காணாத பிரமாண்டங்கள் எல்லாம் வரிசையாக வருகின்றன கார்த்தி,ரீமா,ஆண்ட்ரியா என மூன்று பேரும் பாலைவனத்தில் நடந்து போகிறார்கள் , இரண்டு படைகள் மோதி கொள்கின்றன .., என்ன இதெல்லாம் மம்மி படத்துல பாத்தது போலவே இருக்கா வாய்ல அடி.., வாய்ல அடி..,வாய்ல அடி.., அவனவன் ஹாலிவுட்-ல ஆயிரம் கோடில எடுக்குறத எல்லாம் நம்ம ஆளுங்க முப்பது கோடில எடுக்குறாங்க. இப்படி மட்டும் நாலு படம் வந்துச்சுன்னு வைச்சுக்க ஹாலிவுட் என்ன ஹாலிவுட் ஜாலிவுட்யே நம்ம கிட்ட பிச்ச தான் வாங்கணும்.., இப்ப போய் மம்மில பாத்தேன் தாடில பாத்தேன்னு சொல்லிக்கிட்டு ..,

அப்புறம் தமிழ் சினிமா வரலாற்றிலேயே முதல் முறையா இன்னொன்னும் நடக்க போகுது என்னான்னு நீங்க கி-போர்ட ப்ராண்டுறது நல்லா தெரியுது..,நம்ம வருங்கால முதல்வர் சரத் குமார் ஜக்குபாய் படத்துல ஸ்ரேயாவுக்கு அப்பாவ நடிச்சிருக்காராம் இப்போ சொல்லுங்க .., ஹாலிவுட்,ஜாலிவுட்,பாலிவுட்,காலிவுட் இப்டி எத்தன வுட் இருக்கு எதுலயாவது இப்டி ஒரு படம் வந்துருக்கா ..,என்னது இது எதோ டேக்கன் அப்படிங்குற இங்கிலீஷ் படத்துலேந்து சுட்டதா .., மறுபடியும் வாய்ல அடி.., வாய்ல அடி.., இது நாளா தான் தமிழ் நாடு உருப்படமாட்டேன்குது .., நா சொல்றத மட்டும் எழுதி வைச்சுக்கோ ..,இது மாதிரி படம் நாலு வேண்டாம் ரெண்டு படம் போதும் ஹாலிவுட் என்ன ஹாலிவுட் ஜாலிவுட்யே நம்ம கிட்ட பிச்ச தான் வாங்கணும்..,

டிஸ்கி:- ஆமா .., இந்த ஜாலிவுட் எங்க இருக்குனு தெரியுமா???????
.
.

சிரித்தாள்...,முறைத்தாள்...,

2009-12-30T11:35:00.001+05:30

எல்லா வித்தியாசங்களும்
தெரியவதில்லை என்றேன்
புரியவில்லை என்றாள்
பூவுக்கும் உனக்கும்
என்றேன் சிரித்தாள்
பொய்க்கும் எனக்கும்
என்றேன் முறைத்தாள்

டிஸ்கி :- ஆகா.., கவித கவித...
.
.

2009-ன் டாப் டென் படங்கள்...

2009-12-29T14:35:00.001+05:30

எல்லா வருடங்களை போலவும் இந்த வருடமும் நூற்றுக்கும் மேற்பட்ட படங்கள் வெளியாகி உள்ளது .., அவற்றுள் சிறந்த பத்து படங்களை பட்டியலிட்டு உங்கள் முன் படைப்பதே எங்களின் நோக்கமாகும். ஏற்கனவே பல இடங்களில் இது போன்ற தரவரிசையை நீங்கள் பார்த்து இருந்தாலும் இது மட்டுமே தங்கள் அனைவரின் எண்ண ஓட்டத்தை தெரிந்து கொண்டு பட்டியலிடப்பட்ட வரிசையாகும்..,

10 .உன்னை போல் ஒருவன்

கமல்ஹாசன் தன்னுடைய திரை வாழ்வின் ஐம்பதாவது வருடத்தில் நடித்திருக்கும் படம். இந்த படம் வெற்றி படம் தான் என்ற போதிலும் மிகபெரிய வெற்றியை பெற முடியவில்லை. இதுவே சன் பிக்சர்ஸ் வெளியிடாக இருந்திருந்தால் இந்த வரிசையில் இப்படம் முதல் இடத்தில் கூட இருந்திருக்கலாம்.

உன்னை போல் ஒருவன் - இடம் மாறி

9 . ஆதவன்

அயன் வெற்றிக்கு பிறகு சூர்யாவும் தசாவதாரத்துக்கு பிறகு ரவிக்குமாரும் இணைத்த படம் என்பதால் அதிக எதிர் பார்ப்புடன் வெளி வந்த படம். ஆரம்பத்தில் தோல்விபடமாகவே அறியப்பட்ட இந்த படம்.சன் டி.வியில் விளம்பரம் போட தொடங்கிய பின் பற்றவைக்க பட்ட பட்டாசாய் வெடித்து சிதறியது என்றால் அது மிகையாகது..,
ஆதவன் - மழைக்காலத்தில்

8 . The Outlander
ஆங்கில படமாக இருந்தாலும் தமிழ் படங்களுக்கு இணையாக ஓடிய திரைப்படம். இந்த படம் இந்த அளவிற்கு வருவதற்கு பல வகையிலும் உழைத்த கலாநிதி மாறன் அவர்களுக்கும் மற்ற தொழில்நுட்ப்ப வல்லுனர்களுக்கும் பாராட்டுக்கள்..,
The Outlander - The Record Holder

7 . தீ

மிக சிறய பட்ஜெட்டில் எடுக்க பட்டு மிக பெரிய வெற்றியை பெற்ற படம்.., படத்தில் இடம் பெற்று இருந்த தீ போன்ற வசனங்களால் ஏ/சி அரங்கம் கூட சுட்டதாக ரசிகர்கள் கூறியதை ஏற்கனவே செய்திகளில் பார்த்து இருப்பிர்கள்.இந்த படம் இந்த அளவிற்கு வருவதற்கு பல வகையிலும் உழைத்த கலாநிதி மாறன் அவர்களுக்கும் மற்ற தொழில்நுட்ப்ப வல்லுனர்களுக்கும் பாராட்டுக்கள்..,
தீ - காட்டு தீ

6.மாசிலாமணி

படத்தின் பாடல்களுக்கு அரங்காமே எழுந்து ஆடியதாக செய்திகளில் வந்தது நாம் அனைவரும் அறிந்ததே . மிக சிறந்த பொழுதுபோக்கு படமான இது புத்திசாலித்தனமான திரைக்கதையால் நாம் அனைவரையும் ஈர்க்கிறது. இந்த படம் இந்த அளவிற்கு வருவதற்கு பல வகையிலும் உழைத்த கலாநிதி மாறன் அவர்களுக்கும் மற்ற தொழில்நுட்ப்ப வல்லுனர்களுக்கும் பாராட்டுக்கள்..,
மாசிலாமணி - மகுடத்தில்

5 . நினைத்தாலே இனிக்கும்

நாம் அனைவரின் கல்லூரி பருவத்தையும் கண்முன்னே நிறுத்திய படம். படம் பார்த்த அனைவரும் கல்லூரி ஞாபகத்தில் அரங்கத்தில் விழுந்து புரண்டு அழுததும் அது செய்திகளில் வந்ததும் நாம் அறியாதது அல்ல. கல்லூரி மாணவர்களின் தேசிய கீதமாகவே மாறிப்போன பாடல்களை கொண்டப்படம்.. இந்த படம் இந்த அளவிற்கு வருவதற்கு பல வகையிலும் உழைத்த கலாநிதி மாறன் அவர்களுக்கும் மற்ற தொழில்நுட்ப்ப வல்லுனர்களுக்கும் பாராட்டுக்கள்..,
நினைத்தாலே இனிக்கும் - திகட்ட திகட்ட

4 .கண்டேன் காதலை

சாதாரண ஹீரோவாக இருந்த பரத்தை நட்சத்திர அந்தஸ்துக்கு இழுத்து சென்ற படம். தன்னை விட தமனா சிறப்பாக நடித்ததாக கரீனா கபூர் எங்களுக்கு எஸ்.எம்.எஸ் அனுப்பினார் என்பதை இங்க தெரிவிக்க விழைகிறோம்.இந்த படம் இந்த அளவிற்கு வருவதற்கு பல வகையிலும் உழைத்த கலாநிதி மாறன் அவர்களுக்கும் மற்ற தொழில்நுட்ப்ப வல்லுனர்களுக்கும் பாராட்டுக்கள்..,
கண்டேன் காதலை - கண் இருப்போர்க்கு எல்லாம்

3 .படிக்காதவன்

இந்த வருடம் வெளிவந்த படங்களுக்குள் மிகபெரிய வெற்றி படங்களுள் இதுவும் ஒன்றாகும்.படத்தின் நகைச்சுவை பகுதிகள் பற்றி பேச நெனைக்கும் போதே எனக்கு சிரிப்பு போது கொண்டு வருவதால் உங்களுக்கு சொல்ல முடியவில்லை. இந்த படத்தில் மிக கொடுரமான வில்லனாக சுமன் நடித்து எல்லோரையும் பயமுறுத்தியதும் அது செய்திகளில் வந்ததும் நாம் அறிந்ததே..,இந்த படம் இந்த அளவிற்கு வருவதற்கு பல வகையிலும் உழைத்த கலாநிதி மாறன் அவர்களுக்கும் மற்ற தொழில்நுட்ப்ப வல்லுனர்களுக்கும் பாராட்டுக்கள்..,

படிக்காதவன் - பட்டம் பெற்றவன்

2. அயன்

சாதாரண வெற்றி படமாக இருந்திருக்க வேண்டியது சன் பிக்சர்ஸ் கிட்ட வந்ததால் விண்ணை முட்டும் வெற்றியை பெற்றது. படத்தின் பாடல்கள் அனைத்தும் ஒரு நாளைக்கு ஐம்பது முறை தொலைக்கட்சியில் போடும் அளவிற்கு மாபெரும் வெற்றியை பெற்றது..இந்த படம் இந்த அளவிற்கு வருவதற்கு பல வகையிலும் உழைத்த கலாநிதி மாறன் அவர்களுக்கும் மற்ற தொழில்நுட்ப்ப வல்லுனர்களுக்கும் பாராட்டுக்கள்..,
அயன் - அயர்ன்

1 . வேட்டைக்காரன்

யாருமே சீண்டாமல் இருந்த படம் சன் பிக்சர்ஸ் வெளி இடுகிறார்கள் என்றதுமே தீ பற்றிக்கொண்டது. மிக பெரிய எதிர்பார்ப்புடன் வெளிவந்த படம் அந்த எதிர்பார்ப்பை பலமடங்கு திருப்தி படுத்தியது என்றால் அது மிகையாகது.தமிழ் சினிமா வரலாற்றிலேயே திரைக்கு வந்து அடுத்த நாளே மெகா ஹிட்டான ஒரே படம் என்ற பெருமையையும் இது பெற்றுள்ளது.இன்னும் தொடரும் வேட்டைக்காரனின் வேட்டை அடுத்த ஆண்டும் தொடரும் என்பது அனைவரும் அறிந்ததே..,இந்த படம் இந்த அளவிற்கு வருவதற்கு பல வகையிலும் உழைத்த கலாநிதி மாறன் அவர்களுக்கும் மற்ற தொழில்நுட்ப்ப வல்லுனர்களுக்கும் பாராட்டுக்கள்..,
வேட்டைக்காரன் - வெற்றிக்காரன்

டிஸ்கி :- இப்படி தான் 2010-ம் வருடம் ஜனவரி முதல் நாள் சன் டி.வி-ல போடுவாங்கோ...
.
.

போய் தொல 2009..,

2009-12-28T12:32:00.000+05:30

சிரித்த நாட்களை
எண்ணி எண்ணி
எண்ணி பார்த்தேன்..,
பால்யப்பருவ நட்சத்திர
எண்ணலாய் போனது..,

அழுத நாட்கள்
அடங்கி தான் போனது
என் விரல்களுக்குள்..,
குறைவு தான்
வாத்தியார் பிரம்பின்
விளாசல் போல..,

சிரிக்கவும் இல்லாமல்
அழவும் இல்லாமல்
உப்பில்லா இட்லி
போல உயிரோடிருப்பதை
உறுதி மட்டும் செய்த நாட்கள்
சொல்வதற்கில்லை என்றாலும்
நிறையவே உண்டு..,

எப்போதும் பிரிய
மாட்டோம் என்று சூளுரைத்த
தோழரும் தோழியரும்
ஓர் சுபதினத்தில்
பரீட்சை எழுதி
பிரிந்து போனோம்...,

இன்னும் கூப்பிடாத
எதிர்கால முதலாளி
எப்போது கூப்பிடுவான்
என்ற எதிர்பார்ப்பு
இன்னும் முடியவில்லை...,

தீதும் நன்றும்
பிறர் தர வாரா
தெரிந்தும் பழி போடுகிறேன்
உன் மீது...,
ஆகவே கொஞ்சம்
அழுத்தியே சொல்லுகிறேன்
போய் தொல
இரண்டாயிரத்து ஒன்பதே...
.
.

யார் அவள்-கிட்ட தட்ட முதல் கதை..,

2009-12-26T15:19:00.001+05:30

2009 ...., மீண்டும் ஓர் மழை நாள்..,
"மழை இருந்தாலும் பரவால்ல ஊருக்கு வந்துடவா ?" என்று ஆறாவது முறையாய் அலைபேசியில் கேட்டாள்.வேண்டாம் என்று அத்தனை முறையும் தடுத்து விட்டான். அவள் அண்ணன் மகள் திருமணத்திற்காக மூன்று வயது மகனையும் ஐந்து வயது மகளையும் கூட்டிக்கொண்டு ஊருக்கு போனவள் ஆடைமழை அங்கேயே தங்கவைத்து விட்டது.இந்த நாட்களில் சாப்பாட்டுக்கு சற்று சிரமப்பட்டு தான் போய்விட்டான்.மழை பெய்து கொண்டிருந்ததால் குடையுடன் பேருந்து நிறுத்தம் நோக்கி நடக்க தொடங்கினான் "பள்ளி கல்லூரிக்கெல்லாம் விடுமுறை...ஆனா நாம வேலைக்கு போகணும் "என்ற முனகலோடு ...,

1995 ...,ஓர் மழை நாள்..,
"இவ்வளோ மழை பெய்யுதே இன்னிக்குமா பரீட்சை வைக்கணும் .., நாதாரிங்க தள்ளி வைக்க கூடாதா" என்று கொஞ்சம் சத்தமாகவே திட்டி கொண்டிருதான் .பேருந்து வந்தது பெரிதாக கூட்டம் இல்லை ஆனாலும் படியில் நிற்க முடியாது என்ற காரணத்தினால் படியிலும் நிற்காமல் உள்ளேயும் செல்லாமல் ஓர் இடைப்பட்ட இடத்தில் நின்று கொண்டான்.எதேட்சையாய் திரும்பிய போது அவளை பார்த்தான் சற்று அடிக்கும் சிகப்பு நிறத்தில் நாகரிக வெளிப்பாடாய் சுடிதார் அணிதிருந்த தேவதையை...,

பேருந்து வந்து விட்டது .சற்று கூட்டம் அதிகம் தான் எனினும் படியில் யாரும் நிற்காத காரணத்தால் கொஞ்சம் நிம்மதியாகவே ஏறினான்.உள்ளே செல்ல முடியாத அளவிற்கு கூட்டம் இருந்ததால் படிக்கு பக்கத்திலேயே நின்று கொண்டான்.எதேட்சையாய் திரும்பிய போது பார்த்தான் அவளை சற்று அடிக்கும் சிகப்பு நிறத்தில் ஆங்கிலத்தில் கிறுக்கப்பட்ட பனியனும் ஜீன்சும் அணிந்திருந்த தேவதையை.இரண்டாம் முறை பார்த்த போது தான் பொறி தட்டியது அட.., இது அவளே தான் ஆனால்..,

இரண்டாம் முறை திரும்பிய போதே கவனித்து விட்டாள்.அத்தனை மழையிலும் சுட்டது அந்த பார்வை எனினும் இவன் பார்வையை திருப்ப அந்த சூடு போதவில்லை.குளிருக்கு இதமாய் சிறு சிறு இடைவெளியில் சுடும் நெருப்போடு பயணத்தை தொடர்ந்தான் கல்லூரியை கடந்தான் பரிட்சையை மறந்தான்.அவள் இறங்கிய இடத்தில் இறங்கினான் பெயர் கேட்டான் பிய்ந்துவிடும் என்றாள்.

ஆனால் அவள் மகளாய் இருக்குமோ இல்லையே இவ்ளோ பெரிய மகள் இருக்க வாய்ப்பில்லையே .. அப்போ அவளோட தங்கையா இருக்குமோ இல்ல அவளே ஓவர் மேக் அப்ல வந்து இருக்காளா.., குழப்பத்துடன் அவள் பனியனில் உள்ளதை படிக்க தொடங்கிய போது சுட்டது...

தைத்து கொள்ளலாம் என்று மொக்கை போட்டன் ., சிரிக்க துடித்த உதடுகளை கடித்த படியே ஒழுங்கா போய்டு எங்க ஏரியா .., என்று முடிக்கும் முன் நான்கு கண்கள் முறைப்பதை உணர்ந்து திரும்ப நினைத்த போது..,

அவளுடைய பார்வை.., அவனை தானா என்று திரும்பி பார்த்து கொண்டான். கண்டிப்பாக நிச்சயமாய்அவனை தான் .அப்புறம் அவள் பனியனை அவ்வளவு நேரம் பார்த்து கொண்டிருந்தால் முறைக்காமல் என்ன பண்ணுவாள்.தன்னுடைய கைப்பைக்குள் கை விட்டாள்...,

முதுகில் விழுந்தது முதல் அடி அதன் பிறகு கணக்கு இல்லை.., நான்கு கைகள் அவன் உடம்பில் சதிராடி விட்டன..,ஆஸ்பத்திரியில் படுக்க வைத்து விட்டனர்.., மூன்றாம் நாள் மழை குறைந்திருந்த போது அவள் வந்தாள் ..., அழுதாள் மொக்கை போட்டு சிரிக்க வைத்தான் அடுத்த நாளும் வந்தாள் ..,

செல் போனை எடுத்து கண்களால் இவனை சுட்ட படியே பேசினாள்.., பேசி முடித்து திரும்பி பார்த்தாள்..,அங்கு இன்னும் நான்கு கண்கள் இவனை முறைத்த படி இருந்தன .திரும்பி நின்றுக்கொண்டான் ..,

காதலிக்கிறேன் என்றான்.., சிரிக்கவும் இல்லை அழவும் இல்லை மௌனமாய் இருந்தாள்.., கொஞ்ச நேரம் கழித்து போய்விட்டாள்.., அடுத்த நாள் சாப்பாடு கொண்டு வந்தாள் சிரித்த படியே..,

பழைய ஞாபகம் வந்துவிட்டது அவனுக்கு ...,சீ.. பாத்ததுக்கெல்லாமா அடிப்பாங்க.., திரும்பி பார்க்கலாமா என்று நினைத்த போது..,

நாளை வீட்டுக்கு செல்வதாக சொன்னவன் அப்படியே நேற்றைய கேள்விக்கு பதில் கேட்டான் . நாளைக்கு சொல்வதாக சொல்லிவிட்டு போனாள்.மதியம் கிளம்ப வேண்டியவன் மாலை தான் கிளம்பினான் அதுவரை வரவே இல்லை...,

ஒரு கை அவன் தோளில் அழுத்தமாக பதிந்தது.., அந்த கை.., அந்த கை அவளுடைய கையாகவும் இருக்கலாம்.., அவர்களின் கையாகவும் இருக்கலாம்.., டிக்கெட் கேட்டு கண்டக்டரின் கையாகவும் இருக்கலாம்.., யார் கையா இருக்கும்??????

.....................(முற்றும்)..............

டிஸ்கி :- கிட்ட தட்ட இது தான் என்னுடைய முதல் கதை (இதற்கு முன்பு ஒன்பதாம் வகுப்பு படிக்கும் போது போட்டிக்காக ஒரு கதை எழுதி இருக்கேன்..,இந்த கதையின் (?) நிறை குறைகளை கூறுமாறு பணிவன்புடன் கேட்டு கொள்கிறேன்... அப்புறம் “செம்மொழிப் பைந்தமிழ் மன்றம்” வழங்கும் பரிசுப் போட்டிக்கும் இந்த கதையை அனுப்பி உள்ளேன்(என்னா ஒரு தைரியம்..)..,
.
.

ஓர் விளக்கம்..,இரு தகவல்..

2009-12-24T18:06:00.001+05:30

என்னுடைய போன பதிவிற்கு பாராட்டுக்களும் வசவுகளும் வந்து விழுந்தன.. அது முக்கியம் இல்லை ஆனால் அதற்க்கு நான் வைத்த தலைப்பு தான் பிரச்சனை.., எனக்கு தொடர்ந்து எழுத ஊக்கம் கொடுத்து கொண்டிருக்கும் வானம்பாடிகள் , இரும்பு திரை அரவிந்த் போன்றவர்கள் கூட ஏன் இப்படி தலைப்பு என்று கேட்டார்கள். இன்பம் X துன்பம் ,
மகிழ்ச்சி X இகழ்ச்சி என்றே எதிர்சொல் படித்து பழக்க பட்டவனான நான் அதே முறையில் தான் தேவுடியாள் என்ற அந்த வார்த்தைக்கு என்ன எதிர் சொல் என்ற நோக்கில் அப்படி ஒரு தலைப்பு வைத்தேன்.., மற்றபடி அந்த தலைப்பு உங்களுக்கு ஒரு அருவிருப்பு உணர்வை உருவாக்கி இருந்தால் இனிமேல் இப்படி நடக்காது என்பதையும் தெரிவித்து கொள்கிறேன்...
மேலே நான் வருத்தம் தெரிவித்தது தலைப்புக்கு தானே தவிர கருத்துக்கு அல்ல..,அந்த கருத்துக்கள் சொன்ன அதே நிலைப்பாட்டில் தான் இப்பவும் இருக்கிறேன்..,
//எனவே பத்திரிக்கையை குறை சொல்லிப்பிரயோசனமில்லை. தகுந்த கவனிப்புகளை கல்லூரி நிர்வாகமும் , அறிவுரைகளை பெற்றோரும் மேற்கொண்டால் மட்டுமே முடியும்.// இப்படி ஒரு கருத்தை ஒரு நண்பர் பதிவு செய்து இருந்தார். தங்களுக்கு ஒன்றை மட்டுமே சொல்ல விழைகிறேன் எந்த அளவிற்கு கட்டுப்பாடு அதிகரிக்கிறதோ அதே அளவிற்கு அவை மீறவும் படும் இது மாற்றமுடியாத நியதி.., நண்பர் எப்பூடி சொன்னது போல் உடை தான் கலாச்சாரம் என்றால் ஆடை அணிந்ததே கலாச்சார மீறல் தான்.., உணவு தான் கலாச்சாரம் என்றால் சமைக்க தொடங்கியதே கலாச்சார மீறல் தான்.., யார் அழுது புரண்டாலும் , அதட்டி ஒடுக்கினாலும் , புகுந்து அடித்தாலும் இந்த மாற்றம் மட்டும் உறுதியாய் நடந்தே தீரும் ஏனெனில் இது நண்பர் ஹாலிவுட் பாலா சொன்னது போல் இது எவலுஷன் யாராலும் தடுக்க முடியாது...

சரி இந்த டெர்ரர் விஷயத்தையெல்லாம் விட்ருவோம் அதை விட டெர்ரர் விஷயம் ஒன்னு இருக்கு .., என்னன்னா வேட்டைக்காரன் விளம்பரதால டர்ர்ராகி சன் பக்கமா போகாத மக்கள் அனைவரும் நாளை காலை எட்டு மணிக்கு சன் டி.வி முன் ஆஜராகுமாறு கேட்டுக்கொள்ள படுகிறார்கள் ஏனெனில் சகலகலா வல்லவர் , சொல்லிலே வித்தைக்காரர் , குறள் கொண்ட பாட்டுக்காரர் தென்னகத்தின் மைக்கேல் ஜாக்சன் டி.ராஜேந்தர் பேட்டி கொடுக்கிறார் .ஆகவே மகாஜனங்களே நாளை பல்லு விளக்காட்டி கூட பரவால்ல.., பாத்துடுங்க..பாத்துடுங்க.., பாத்துடுங்க..,

அப்பால...., நா கவித மாதிரி எழுதுற எல்லாத்தையும் படிச்சிட்டு கஷ்டப்படுற உங்களோட கஷ்டத்த போக்க அந்நியன் தோன்றுவார்னு எல்லாம் நம்பிடாதிங்க ஏன்னா உங்க கஷ்டம் அதிகமாக போகுது என்ன அப்டின்னு கேக்குறிங்களா நா கத மாதிரி ஒன்னு எழுதலாம்ன்னு இருக்கேன்.., எல்லாரும் அதை படிச்சிட்டு ஹம்ம் ஹ்ம்ம்... நா ஒன்னும் சொல்லலப்பா ..,
.
.

தேவுடியாள் X ????

2009-12-23T17:53:00.001+05:30

சமீபத்தில் ஒரு வார பத்திரிக்கையில் ஒரு தலையங்கம் பெண்கள் ஹாஸ்டலில் தண்ணி அடிக்கிறார்கள் , தம் அடிக்கிறார்கள்,ஆணுறை கிடக்கிறது என்றெல்லாம் நான் அந்த கட்டுரையை படிக்கவில்லை என்றாலும் அதில் என்ன எழுதி இருந்திருப்பார்கள் என்பதை ஒரு மாதிரியாக கணிக்க முடிந்தது...என்ன எழுதி இருப்பார்கள் அதில் கலாச்சாரம் கெட்டு விட்டது.., மேற்கத்திய கலாச்சார பித்து பிடித்து அலைகின்றனர், கல்லூரி பெண்கள் கற்பை பெரிதாக மதிப்பதில்லை , மது , சிகரெட் எல்லாம் சாதாரணம் என்று சொல்லி அதை செய்யும் பெண்களிடம் பேட்டி கண்டிருப்பார்கள் அதை அட்டை படத்தில் போட்டு ஒரு சின்ன பரபரப்பை உண்டாக்கி சுழற்சியை கூட்டி காசு பார்த்து இருப்பார்கள்.தலைவர் பிரபாகரன் இறந்ததாக அறிவிக்க பட்ட போது அவர் பற்றிய உண்மையான விவரங்கள் தெரியாமல் கிராபிக்சில் அவர் படத்தை போட்டு காசு பார்த்த கயவர்கள் தானே இவர்கள் .இந்த பதிவை படிக்கும் ஒருவர் கூட அந்த பத்திரிக்கையை வாங்கி விட கூடாது என்ற காரணத்தினாலே அந்த பதிப்பு வந்து ஒரு மாதத்துக்கு பிறகு அதை பற்றி எழுதுகிறேன்..,
அந்த கட்டுரையின் மூலம் என்ன பாதிப்பு வந்துவிடும் என்று நீங்கள் கருதலாம் . முதல் பாதிப்பு அதை படிக்கும் பட்டம் பெறாத கிராமத்து பெற்றோர்கள் எப்படி தங்கள் பெண்களை நகரத்தில் தங்கி படிக்க அனுமதிப்பார்கள்.என்னால் உறுதியாக சொல்ல முடியும் அந்த கட்டுரை நிச்சயம் ஒரு பெண்ணின் கல்வி கனவையாவது தீயிட்டு கொளுத்தி இருக்கும்..,இன்னொன்று அதில் நிரம்பி வழியும் ஆணாதிக்க பார்வை இதுவே ஒரு ஆண்கள் ஹாஸ்டலில் தண்ணி அடிக்கிறார்கள் தம் அடிக்கிறார்கள் என்று ஒரு தலையங்கம் போடுங்கள் படிப்பவர்கள் சிரிப்பார்கள். அப்படி ஏதும் நடக்காத ஆண்கள் ஹாஸ்டல் பற்றி வேண்டுமானால் தலையங்கத்தில் வரலாம்..,

       அடுத்த முக்கியமான விஷயம் கலாச்சார சீரழிவு , கற்பு. எது கலாச்சரம்? உடையா? சாப்பாடா?எது கலாச்சரம்? பதினைந்து வருடங்களுக்கு முன்னால் எங்கள் ஊரில் சுடிதார் அணித்து ஒரு பெண் வந்தால் ஏற இறங்க பார்ப்பார்கள்.என்னுடைய சித்தி சுடிதார் கேட்ட போது அவருக்கு என்ன மாதிரி திட்டு கிடைத்தது என்பதை நான் அறிவேன்.ஆனால் என் தங்கையோ அவளை ஒத்த வயது பெண்களோ சுடிதார் அணிவதை யாராலும் தடுக்கமுடிவதில்லை. சொல்லுங்கள் எது கலாச்சாரம்?அப்படி நீங்க எதை கலாச்சாரம் என்று காட்டினாலும் அது கடந்த இருபது வருடங்களுக்குள் அடைந்த மாற்றத்தை எண்ணி பாருங்கள்.
        கற்பு? ஒரு பெண் திருமணதிற்கு முன்போ பின்போ கணவனை தவிர வேறு ஆண்களுடன் உறவு கொண்டால் அவளுக்கு தான் எத்தனை பெயர்கள் .., தேவுடியாள்,குச்சிக்காரி,விபச்சாரி,வேசி இன்னும் அவர் அவர் ஊருக்கு ஏற்றார் போல் நிறைய பெயர்கள்..,இத்தனை பெயர்களுக்கும் அதன் எதிர்பாலினத்தில் பெயர்களே இல்லை என்பது தானே இங்கு நிலைமை .., ஏன் பெண்ணுக்கு மட்டும் இத்தனை கட்டுபாடுகள் விதித்த நாம் சமூகமும் கலாச்சாரமும் ஆணுக்கு விதிக்க வில்லை. ஏனெனில் இத்தனை சட்டங்களும் போட்டவர்கள் ஆண்கள் தானே..,தனக்கு மனைவியை வருபவள் தனக்கு மட்டுமே சொந்தமானவளாக இருக்க வேண்டும் என்று நினைப்பவர்களும் அப்படி நினைக்க தகுதி உள்ளவர்களாக இருக்க வேண்டும்மல்லவா.., ஒரு ஆணுக்கு இல்லறத்தில் திருப்தி இல்லை என்றால் வேசியை தேடி போகிறான் ஆனால் ஒரு பெண் வேசியாக மாறிப்போகிறாள்..., இந்து மாற புரட்சியோ பூகம்பமோ தேவையில்லை தேவை வெறும் மனமாற்றம் மட்டுமே...

டிஸ்கி:- இது என்னுடைய கருத்து மட்டுமே ..,உங்கள் கருத்தையும் இங்கு   பதிவு செய்யவும் பின்னூட்டத்தில்..,
.
.

அழ வேண்டும் ...,

2009-12-23T11:45:00.000+05:30

அழ வேண்டும்
என தோன்றியது
அவள் இருந்தால்
ஆண்மை தடுத்தது...,

சொல்லியே விட்டேன்
அவளிடம் சேர்ந்தே
அழலாம் என அழைத்தாள்
ஆண்மை தடுத்தது...,

போ என்று
அழுத்தி தள்ளியும்
வா என்றாள்
வாழ்கை தடுத்தது...,
ஆண்மை முறைத்து...,
.
.

ஒரு தமிழனின் கேள்விகள்..

2009-12-22T18:44:00.001+05:30

ரஜினி அரசியலுக்கு வருவாரா???

2011 -ல் யார் ஆட்சியை பிடிப்பார்கள்?
A )விஜய்
B )சரத்குமார்
C )ராமதாஸ்
D )டி.ராஜேந்தர்

ஆதவன் படம் சிவாஜியின் வசூலை கடந்தது சாதனை படைத்தது போல் வேட்டைக்காரனும் , சுறாவும் சாதிக்குமா???

இளையராஜா இப்போலாம் இசை அமைக்கும் படங்கள் எல்லாம் மொக்கை ஆகிடுதா?? இல்ல அவர் மொக்கை படத்துக்கா இசை அமைக்குறாரா??

நேற்று தமனா இருபதாவது பிறந்தநாளை கொண்டாடினாராம் அப்போ கேடில ரிலீஸ் ஆகும் போது பதினாறு வயசா? அந்த படமே ரொம்ப நாளா ஷூட்டிங்க்ல இருந்துச்சே...??(எனக்கு ஏன் தான் இத படிச்சப்போ கரக்காட்டகாரன் கவுண்டமணி வசனம் ஞாபகம் வருதோ...)

டிஸ்கி 1 .0 :- தமிழ்நாட்டில் ஈழம் , விலைவாசி என்று நிறைய பிரச்சனை இருக்கும் போது இதெல்லாம் ரொம்ப முக்கியமா என்று கேட்பவர்களுக்கு .... இது தான் முக்கியம் என்று நினைப்பவர்களே இங்கு அதிகம் என்று தெரிவித்து கொள்கிறேன்...

டிஸ்கி 1 .1 :- இத கேள்விகளுக்கு தங்களுக்கு பதில் தெரிந்தால் பின்னோட்டத்தில் தெரிவிக்கவும்...,
.
.

மாமா வேலையும் மாயாஜாலமும்...,

2009-12-21T17:28:00.003+05:30

நேற்று இரவு விஜய் டி.வியில் நீயா நானா பார்த்து கொண்டிருந்தேன்.ஒரு தலைப்பில் மிக சுவாரசியாமான விவாதம் நடந்து கொண்டிருந்தது..,ஆனால் அதை விட சுவாரசியமான ஒன்று இருவரின் கண்களில் நடந்துகொண்டிருந்திருக்கிறது யாருக்கும் தெரியாமல்..,உண்மைலேயே அது யாருக்குமே தெரியாமல் நடந்து முடிய வேண்டிய விஷயம் தான் ஆனால் அதையும் டி.ஆர்.பி ஆக்கி விட்டனர் நம்மவர்கள்.எப்படி கண் காட்டினிர்கள் எப்படி ஜாடை காட்டினிர்கள் என்று கேள்வியை கேட்டு சந்தோசப்பட்டனர் இதற்கு ஆக்க்ஷன் ரீப்ளே வேறு..., செல் போன் காரர்கள் பார்த்த மாமா வேலையை இவர்களும் பார்க்க தொடங்கி விட்டனர்.., என்ன இருந்தாலும் அவர் சொன்னது போல அந்த பொண்ணோட கன்னத்து குழியும் இடது கை மோதிரமும் அழகு தான் போங்க...,

அதன் பிறகு இது ரோஸ் நேரம் பார்க்க தொடங்கினேன் போன மாதம் எனக்கு செய்வினை வைங்க எனக்கு ஒன்னும் ஆகாது என்று சொன்ன ஒருவருக்கு என்ன ஆனது என்று காட்டுவதாக சொன்னதால் கொஞ்சம் ஆர்வத்தோடு பார்க்க தொடங்கினேன. அவரை காட்டுவதற்கு முன்னால அவருக்கு செய்வினை வைத்த ஒரு இளம் மந்திரவாதி பேசினார்.அவர் இயக்குனர் ஆகமுயற்சி செய்வதாகவும் இப்படி செய்வினை வைப்பதன் மூலம் தன்னை ஒரு தயாரிப்பாளர் ஒரு படம் கொடுப்பார் என்றும் பேசினார்..,அதை கூட பொறுத்து கொள்ளலாம் அதன் பிறகு பேசியதை தான் ஹ்ம்ம் தாங்க முடில ... அவர் பேசியது இது தான் " நான் தான் இந்த சாவலில் ஜெய்க்க வேண்டும் என்று நிறைய பெண்கள் சொன்னார்கள்.குறிப்பாக லேடீஸ் காலேஜில் இருந்து நிறைய போன் கால்ஸ் நீங்க தான் ஜெய்க்கனும் அப்டின்னு எல்லாரும் சொல்றாங்க.., நாலு பொண்ணுங்க என்கிட்டே ஆட்டோகிராப் கூட வாங்குனாங்க..,இதுலேந்தே நீங்க என்னோட சக்திய பத்தி தெரிஞ்சுக்கலாம் " என்று பேசி முடித்தார்.ஏன்டா இப்படிலாம் பேசுறீங்க அதும் நா சாப்பிட உக்காரும்போது தான் இந்த எளவெடுத்த நிகழ்ச்சியெல்லாம் போடனுமா..,

ஆனால் ஒரு விஷயம் அவர் பேசியது மட்டும் உண்மையாக நடந்திருக்குமானால் பிரேமானந்தா முதல் கருவறை அர்ச்சகர் வரை உள்ள பிரபலங்களின் தொடக்கம் இது தான் ..ஆனா முடிந்தால் செய்வினை வைங்க அப்படின்னு சொன்னவருக்கு என்னாச்சுனு (ஒன்னும் ஆகி இருக்காது ...!) கடைசி வரை காட்டவே இல்லை.., அடுத்த வாரம் பாருங்கோ அப்டின்னு சொல்லிட்டாங்க..,

டிஸ்கி:- முதல் முறையாக ராஜேஷ் குமாரின் கதையை தொடராக போடுவதாக கலைஞர் தொலைக்காட்சியல் விளம்பரம் போட்டார்கள் . ஆனால் போன வருடமே வின் தொலைகாட்சியிலோ ஜீ தமிழிலோ அவரது கதையை தொடராக போட்டதாக எனக்கு ஞாபகம்... அப்போ இரண்டாவதாக அப்டின்னு தானங்க விளம்பரம் போடணும்..,
.
.

கவிதை எழுதுவது எப்படி...,

2009-12-19T18:58:00.001+05:30

உரையாடல் கவிதை போட்டிக்கு ஒரு கவிதை அனுப்பலாம் என்ற ஆசை இருந்தாலும் எனக்கு கவிதை எழுத தெரியாத காரணத்தால் உங்களுக்கு கவிதை எழுதுவது எப்படி என்ற பாடத்தை மட்டும் எடுக்க திட்டமிட்டு உள்ளேன்...,

முதலில் எதாவது உண்மையான கவிஞரின் கவிதையை ஒரு மணி நேரம் படிக்கவும்.

கொஞ்சம் நேரம் படுத்து தூங்கவும் .

எழுந்த பிறகு எந்த கவிதையெல்லாம் ஞாபகம் இருக்கிறதோ அதெற்கெல்லாம் பத்தாவது பிள்ளை போல் விளக்கம் எழுதவும்.

பிறகு கண்ணை மூடி கொள்ளவும் .

இது தான் முக்கியமான கட்டம் மூடிய கண்ணை திறக்காமல் அந்த விளக்க கட்டுரையில் மௌஸில் ஒரு கிளிக் அப்புறம் என்ட்டர் பட்டனை ஒரு கிளிக்.இதை 15 நிமிடத்திற்கு செய்யவும்.

கண்ணை திறந்து பார்க்கவும் எந்த வரியிலாவது நாலு வார்த்தைக்கு மேல் இருந்தால் அதை இரண்டு அல்லது மூன்று பாகங்களாக உடைக்கவும்.

ஒரு முறை படித்து பார்க்கவும் பிடிக்காத வார்த்தைகளை உடனடியாய் யோசனை இன்றி அழிக்கவும்.

இதோ ஒரு சூடான கவிதை ரெடி..,

டிஸ்கி:- கவிதையில் பின் நவீனத்துவம் தான் இப்ப பேமஸ் ஆகவே உங்கள் கவிதையில் பின் நவீனத்துவத்தை புகுத்தவும். அது என்ன என்று தெரியாதவர்கள் என்னுடைய இந்த பதிவை படிக்கவும்..,பின் நவீனத்துவத்தில் முதல் கட்டுடைத்தல் இது தான் கவிதை எழுத பேனாவோ பேப்பரோ எடுக்க கூடாது.., கணினி மட்டுமே பயன் படுத்தவும்.

பின் குறிப்பு:- கணிணியில் என்ட்டர் பட்டன் சரியாய் வேலை செய்கிறதா என்பதை இரண்டு முறை சரி பார்க்கவும்..,
.
.

புரட்சி தளபதி விஷாலுக்கு நோபல் பரிசு..,

2009-12-17T18:02:00.003+05:30

இன்னும் நீங்கள் இன்றைய தினதந்தியோ அல்லது தினகரனோ படிக்க வில்லை என்றால்உடனே வாங்கி படித்து விடுங்கள்..., ஏனெனில் இதை நீங்கள் தவறவிட்டால் நம்மிடையே உள்ள மாபெரும் விஞ்ஞானியை நீங்கள் அடையாளம் காணமுடியாமல் போகலாம்..., யார் அந்த விஞ்ஞானி என்ற ஆவல் உங்களிடையே மேலிடுவதை என்னால் உணர முடிகிறது அது வேறு யாரும் அல்ல நம்முடைய புரட்சி தளபதி விஷால் தான்.அவர் அப்படி என்ன கண்டு பிடித்தார் என்று கேட்கிறீர்களா...., பென்ஹூர் படத்தை தமிழில் ரீமேக் செய்வதை விட கடினமான செயல் ஒன்று உண்டென்றால் அது மூன்று நாயகிகளுடன் சேர்ந்து நடிப்பது தான் என்ற மாபெரும் தத்துவத்தை கண்டறிந்து உள்ளார். இப்படி ஒரு மாபெரும் ஆராய்ச்சியை செய்து நம்மை திக்கு முக்காட வைத்துள்ளார் நம்முடைய புரட்சி தளபதி .

    இரண்டு படங்களில் 5 நாயகிகளுடன் நடித்த ஜீவனோ ,ஒரு படத்தில் 5 நாயகிகளுடன் நடித்த லாரன்ஸோ இவ்வளவு ஏன் எல்லா படங்களிலும் இரண்டு நாயகிகள் வைக்கும் அர்ஜுனோ கண்டு பிடிக்க முடியாத ஒரு மாபெரும் கண்டுபிடிப்பை நிகழ்த்திய எங்கள் புரட்சி தளபதிக்கு இந்த ஆண்டின் சிறந்த ஆராய்ச்சியாளருக்கான நோபல் பரிசு வழங்க வேண்டும் என்று கேட்டு கொள்கிறேன்..,
இவர் இதை மட்டுமா கண்டு பிடித்து உள்ளார் இந்த ஆண்டு மட்டும் இவர் கண்டு பிடித்த விஷயங்கள் எத்தனை எத்தனை ...,

    தன்னுடைய சத்யம் என்ற திரை காவியம் தோல்வி அடைந்ததிற்கு மக்களுடைய ரசிப்பு தன்மை குறைந்து போனது தான் காரணம் என்ற அறிய உண்மையை கண்டுபிடித்தவர்.

    சத்யம் படத்தினால் ஏற்பட்ட இழப்பிற்கு ஈடு செய்வதற்காக தோரணை என்ற அருமையான கதையை கண்டுபிடித்தவர்.

என்னை போன்ற கவுண்டமணியின் தீவிர ரசிகர்கள் அவருக்கு இணையான ஒரு நடிகரை கண்டுபிடிக்க முயற்சி செய்து கொண்டிருந்த சமயத்தில் அதையும் கண்டு பிடித்தவர் இவர் தானே.அது யார் என்ற கேள்வி உங்களுக்கு தோன்றினால் நீங்கள் விரைவில் திரைக்கு வரவிருக்கும் "தீராத விளையாட்டு பிள்ளை " படத்தை பாருங்கள்.கவுண்டமணி கிட்ட தட்ட ஓய்வு பெற்று விட்டார் என்று கவலைபடுபவராய் இருந்தால் அந்த கவலை காக்கா போல் பறந்து போய் விடும் அந்த அளவிற்கு நகைச்சுவையில் கலக்கி உள்ளாராம் நம்முடைய புரட்சி தளபதி.இதம் மூலம் அவருக்குள் இருந்த கவுண்டமணியை கண்டு பிடித்தவரும் அவர் தானே .
சிந்தித்து பார் நோபல் கமிட்டியே !..சிந்தித்து பார்..! இப்படி ஒரே ஆண்டில் ஏகப்பட்ட விஷயங்களை வளைச்சு வளைச்சு கண்டு பிடித்த இவரை தவிர வேறு யார் இந்த உலகத்தில் நோபல் பரிசு பெற தகுதியானவர்.., சிந்தித்து பார்...!

டிஸ்கி:- இத்தனை தகுதிகள் இருந்தும் இவர் தமிழன் என்ற காரணத்தினால் மட்டுமே இவருக்கு விருது மறுக்கப்படுமானால் நாளை மாலை 6 மணி முதல் 7 மணி வரை மீனம்பாக்கத்தில் இருந்து செல்லும் அத்தனை விமானங்களுக்கும் கருப்பு கொடி காட்டும் போராட்டம் நடக்கும் என்ற எச்சரிக்கை விடுகிறோம்..,
.
.

கடவுள் தோன்றினால் ...,

2009-12-16T11:46:00.001+05:30

இன்பம் துறந்து
காமம் துறந்து
இல்லறம் துறந்து
இன்னும் என்னவெல்லாம்
உண்டோ அத்தனையும் துறந்து
தவம் செய்ய போகிறேன்...,
கடவுள் தோன்றினால்
நீ இருக்கிறாயா என்று கேட்க...,
.
.

வாழிய பல்லாண்டு...,

2009-12-12T14:08:00.001+05:30

நீ...,
யாரையும் ஏமாற்றியதில்லை...,
டிக்கெட் வாங்கியவரனாலும்
கால்ஷீட் வாங்கியவரனாலும்
உன்னை நம்பி தோற்றதில்லை..,

இந்த பெயர் போதும் உனக்கு...,
ஆட்சியும் அரசியலும்
வேண்டாம் உனக்கு..,
அதனால் உன் பெருமைக்கு
வரும் இழுக்கு..,

உன் விசில் சத்தத்தில்
நகர்ந்தது ஓர் சிறு கூட்டம்
அது ஓர் காலம் ...,
உனக்காய் விசில் அடிக்க
இன்றோர் பெருங்கூட்டம்
இது உன் காலம்...,
திரை உலகின்
முடிசூடா மன்னனே
நீ
வாழிய பல்லாண்டு...,
.
.

என்னடா நடக்குது இங்க..,

2009-12-11T11:57:00.002+05:30

பொதுவா விஜய்யை ஓட்டி எஸ்.எம்.எஸ் வரும் இல்லன மெயில் வரும். இன்னிக்கு எனக்கொரு மெயில் வந்துச்சு அதும் விஜயா ஓட்டி தான்.., ஆன அந்த மெயில்-ஐ உருவாக்க ரொம்ப யோசிச்சு இருப்பாங்க போல.., வேற ஒன்னும் இல்ல ஒரே ஒரு போட்டோ தான்.., பாருங்க நீங்களே அத..,

முதலமைச்சருக்கே எதிர் கவித...,

2009-12-10T18:27:00.001+05:30

நீ..
நான்..,
நிலவு..,
கடற்க்கரை..,
காதல்..,
கடத்தல் ..,
கல்யாணம்..,
குழந்தை..,

என்றெல்லாம் சொன்னால் உதடுகள் ஒட்டுவதில்லை

இன்பம் ..,
முத்தம்...,
காமம்..,
என்ற சொன்னாள் தான் உதடுகள் கூட ஓட்டுகின்றனவே...

டிஸ்கி:- முதலமைச்சருக்கே எதிர் கவித போடுவோம்ல.., நாங்கெல்லாம் யாரு.., சும்மா derror -ல..,
.
.

அநாதை குழந்தை

2009-12-10T17:58:00.002+05:30

அது ஊர்வலம் அல்ல...,
ஆனால் அதை ஒத்த ஓர் கூட்டம்..,
அதில் எங்கோ ஓர் மூலையில்
தன்னந்தனியனாய் நான்...,
என்னை இடிக்காமல்
ஒதுங்கி செல்லும் சிலர்..,
காற்றை போல்
உரசி செல்லும் சிலர்..,
வன்மையாய் இடித்து விட்டும்
மென்மையாய் இடித்து விட்டும்
வழி கொடுக்கும் சிலர்..,
ஒரு மன்னிப்போ
ஒரு மன்னிப்பின் எதிர்பார்ப்போ
ஒரு அலட்சியமோ
இடித்தலின் குழந்தையாய் வந்து விழுகிறது..,
தூக்கி கொஞ்ச ஆளில்லாத குழந்தையாய்
என்னை ஏறிட்டு பார்க்கிறது
பார்வைக்கு பதிலாய்
நானும் ஓர் குழந்தையை பிரசவிக்கிறேன்...,

டிஸ்கி:- புரியாத மாதிரி எழுதினால் தான் நல்ல எழுத்தாளராம் புரிஞ்சாலும் புரியலன்னு பின்னோட்டம் போட்ருங்க.. ஹி.. ஹீ ...
.
.

இது என்ன...????

2009-12-08T19:01:00.002+05:30

உனக்கு தெரிந்தவராய்
இருக்கும் என்ற எண்ணத்தில் எதிரில்
வருவோருக்கெல்லாம் ஒரு இளிப்பை கொடுக்கின்றேன்..,

நீ எப்போதோ
படித்திருப்பாய் என்றே பழைய
புத்தகங்களை எல்லாம் படித்தே கிழிக்கிறேன்..,

நீ தூக்கி
எறிந்த மலராய் இருக்குமோ என
சருகுகளை எல்லாம் வீட்டுக்கு வர வைக்கின்றேன்..,

இது
காதலா...
காமமா ...
பருவ மாற்றமா...
இல்லை..........?????

டிஸ்கி:- கேபிள் அண்ணனின் இந்த கவிதையை படித்த போது தோன்றியதை தட்டி மறுபடி enter தட்டி உள்ளேன் ... அவர் தப்பா எடுத்துக்க மாட்டார் என்ற நம்பிக்கையில்...,
.
.

நானும் மொக்கைப்படங்களும் ....

2009-12-08T12:51:00.002+05:30

எப்போது திரை அரங்கத்தை விட்டு வந்தாலும் ஒரு விதமான சந்தோஷம் மனதில் இருக்கும் இந்த படத்தையும் பார்த்து விட்டோமே என்ற ஆச்சர்யமாகவும் இருக்கலாம் இப்படியும் படம் எடுக்கிறார்களே என்ற அதிர்ச்சியாகவும் இருக்கலாம்.நான் திரை அரங்கில் இருந்து அதிகபடியான மகிழ்ச்சியில் வந்த எல்லா படங்களும் மொக்கை படங்களாகவே இருக்கின்றன என்ன செய்ய... அவற்றுள் சிறந்த 5 படங்களை பட்டியல் இட்டுள்ளேன் ... அவை உங்க பார்வைக்கு..,
[ இது என்னுடைய அனுபவத்தின் பகிர்வு மட்டுமே யாரையும் தாக்கும் எண்ணமோ யார் மனதையும் புண்படுத்தும் எண்ணமோ கொண்டு எழுத பட்டது அல்ல ]

அ..ஆ...இ..ஈ...

இந்த ஆண்டின் தொடக்கத்தில் final year ப்ரோஜெச்டிர்க்காக சென்னை வந்திருந்த போது கையில் காசு குறைந்து விட்டதால் குறைந்த பட்ஜெட்டில் நிறைவான மகிழ்ச்சியை தேடிய போது அதை கொடுத்த படம்.பார்த்த இடம் தி.நகர் கிருஷ்ணவேணி தியேட்டர் 15 ருபாய் தான் டிக்கெட்.

அப்படி என்ன நடந்துச்சுனா... எங்க பக்கத்துல ஒருத்தர் உக்காந்து பேசினார் அவரிடம் .
"இந்த படத்திற்கு இசை ஏ.ஆர்.ரகுமான் " , " சரண்யா மோகன் ரஜினியின் மகள் , அரவிந்த் கமலின் மகன்", "பத்து வருடங்களுக்கு பிறகு பிரபு நடிக்கும் படம்" என்று ஏகத்துக்கு அள்ளிவிட அவர் அதை பொய் என்று நிரூபிக்க முயற்சி செய்து தோற்று போனதையும் இப்போது நினைத்தாலும் சிரித்து விடுவேன்.படத்தை பார்க்கவே இல்லை ...

காளை / குருவி :-

காளை...

நண்பர்களுடன் சென்று கமெண்ட் அடித்து கொண்டே பார்த்த போது இன்னொறு செட்டும் எங்களுடன் சேர்ந்து கமெண்ட் குடுக்க செம என்ஜாய்மென்ட் தான் அன்னிக்கு... இடம் தஞ்சை விஜயா தியேட்டர்

படத்தின் தீம் சாங்கும் எங்கள் எதிர் சாங்கும்..
"வந்துட்டாண்டா வந்துட்டாண்டா காள" - அய் எருமைமாடு
"உனக்கென்ன இனிமேல வேல" - ஓகே கிளம்புறோம்
படத்தில் இரண்டம் பாகம் முழுக்க அவ்வளவு சிரிப்பு ... குறிப்பா அந்த பாட்டி தாங்க முடிலடா சாமி..

குருவி:-
ஆறாவது செமஸ்டர் லீவில் தஞ்சாவூர் B.S.N.L-க்கு IPT பொய் கொண்டிருந்தோம் அது முடிந்த அன்று இந்தியானா ஜோன்ஸ் படத்துக்கு போலாம் என்று கிளம்பினோம் தஞ்சை விஜயா தியேட்டர் -க்கு ஆனால் படத்தை தூக்கி விட்டார்கள்.மணி வேறு இரண்டரை ஆகிவிட்டது எனவே எதாவது படத்துக்கு போகணும்ன்னு முடிவு பண்ணிடதால ஜுபிட்டர் தியேட்டர்-க்கு (விஜயாக்கும் ஜுபிடர்க்கும் இரண்டு நிமிட நடை பயணம் தான்) போனோம் குருவிக்கு தாங்க...

போவதற்குள் படம் போட்டு விட்டார்கள் .உள்ளே நுழைத்த போது டண்டான டர்ணா என ஆடி கொண்டிருந்தார்.காலியாய் இருந்தாய் வரிசைக்குள் நுழைந்த என்னுடைய நண்பன் அப்படியே நின்று விட்டான்.என்னடான்னு கேட்டா..."மச்சான் எவனோ படத்த பாத்து வாந்தி எடுத்ருக்காண்டா " இப்படி தான் அன்னிக்கு ஆரம்பித்தோம் அதன் பிறகு நிறைய கமெண்ட்ஸ். எனினும் திரிஷா வரும் காட்சியில் எல்லாம் செம கிளாப்ஸ் .. ஹி.. ஹி..

நினைத்தாலே இனிக்கும்:-
கல்லூரி வாழ்கை முடிந்து 3 மாதங்களுக்கு பிறகு அறைத்தோழனின் அக்கா திருமணத்தின் போது 14 நண்பர்கள் சேர்ந்து பார்த்தோம்.இடம் ஈரோட்டில் தேவி அபிராமி தியேட்டர்.

ஒரே அறையில் இருந்த 8 பேர் கல்லூரி முடிந்து 3 மாதங்களுக்கு பிறகு சந்தித்த போது சேர்ந்து பாக்கிறோம் அதும் கல்லூரி சம்பந்தப்பட்ட படத்தை மறக்க முடியாத உணர்வை குடுத்திருக்க வேண்டிய படம். இதும் மறக்க முடியாத படம் தான் ஆனால் ஏற்படுத்திய உணர்வு தான் செம நகைச்சுவை..,பிரியா மணியின் அறிமுக காட்சியில் கொடுக்க தொடங்கிய கமெண்ட்ஸ் ("மச்சான் இவ மூஞ்ச பாத்ததுல எனக்கு டிபன் சாபுட்ற மூடே போயடுசுடா") கடைசி வரை நிக்கவே இல்ல.செம என்ஜாய்மென்ட் அன்னிக்கும்.

சிலம்பாட்டம்...
சென்ற வருடம் நிஷா புயலால் ஒரு எக்ஸாம் மட்டும் 25 நாள்கள் தள்ளி வைக்க பட அந்த எக்சாமை முடித்து விட்டு நாங்க 7 பேர் படத்துக்கு கிளம்பினோம். தியேட்டர் வாசலில் எங்கள் கல்லூரி மாணவர்கள் நிறைய பேர் இருக்க 32 டிக்கெட்டுக்கள் (எல்லாம் யுவன் செய்த வினை) ஒன்றாக எடுத்து தஞ்சை அருள் தியேட்டர் உள்ளே நுழைந்தோம்.

படம் பத்தாவது நிமிடமே போர் அடிக்க தொடங்கிவிட கன்னத்தில் கை வைத்த படி உட்கார்ந்து கொண்டே படத்துக்கு கூட்டி வந்தவனை திட்டி கொண்டே இருந்தோம்.அப்போது தான் வந்தது நலம்தானா பாடல் அதில் ரொம்ப கஷ்டப்பட்டு ஒரு ஸ்டேப் போட்டு இருப்பார் சிம்பு அதற்கு தான் முதல் கமெண்ட் "ஆட்ரா ராம ஆடற ராமா ".அங்கே தான் தொடங்கியது. நிறைய பேர் இருந்ததாலோ எக்சாம் முடிந்த சந்தோசமோ தெரிய வில்லை பசங்க பிரிச்சு மேஞ்சுட்டாங்க.கடுப்பாகி போன 7 பேர் கொண்ட சிம்பு ரசிகர்கள் எங்களை திட்டி சவுண்ட் விட நாங்க 32 பேரும் எழுந்த நிக்க அவர்கள் அடங்கி போனார்கள்.படம் முடிந்து வெளியில் வந்த போதும் எங்கள் கல்லூரி மாணவர்கள் நிற்க அவர்களிடம் படத்தின் அருமை பெருமைகளை எடுத்து சொல்லி அனைவரையும் காப்பற்றினோம்.

வீராசாமி...
நான் எத்தனையோ படங்களுக்கு எதிர்பார்போடு சென்று இருக்கிறேன் ஆனால் எந்த படமும் நான் எதிர் பார்த்ததை ஈடு செய்வது இல்லை. ஆனால் நான் என்ன எதிர் பார்போடு சென்றேனோ அதை முழுதாக ஈடுசெய்த ஒரே படம் இது தான். இடம் தஞ்சை ராஜராஜன் தியேட்டர்.

நிச்சயமாய் தியேட்டரில் நான் அதிகம் சிரித்தது இந்த படத்துக்கு தான்.படத்தின் விமர்சனத்தை நான் ஏற்கனவே இரண்டு பதிவாக போட்டு விட்டேன்.அவற்றை படிக்க இங்கே சுட்டவும் [முதல் பதிவு , இரண்டாம் பதிவு ].படம் பார்த்த போது கத்தியதால் இரண்டு நாட்களுக்கு சரியாக பேச முடியவில்லை தொண்டை வலி. அதற்க்கு முன்பு பேசியதால் மட்டுமே தொண்டை வலி என்பது கல்லூரி சுற்றுலாவின் போது தான் வந்தது. நாங்கள் அடித்த கமெண்டை பார்த்து முறைத்து கொண்டே இருந்தவர் கடைசி காட்சியில் நாங்கள் வைத்த ஒப்பாரியை பார்த்து சிரித்து விட்டார்.கடைசியில் நமக்கு தான் வெற்றி...

கொஞ்சம் பெரிய டிஸ்கி:- எல்லாரும் தொடர் பதிவு எழுதுகிறார்கள் நம்மை யாரும் கூப்பிடவில்லையே சரி நாமே ஒரு தொடர் பதிவை ஆரம்பிக்கலாம் என்று நினைத்தேன். வலை பூ தொடங்கி 5 வாரமே ஆன நான் கூப்பிட்டு யார் எழுத போகிறார்கள் என்று யாரையும் கூப்பிட வில்லை.ஆதலால் இத படிப்பவர்கள் அனைவரையுமே நான் அழைக்கிறேன். இதே போல் தங்களின் தியேட்டர் அனுபவத்தையும் பட்டியல் இடுங்கள்(எழுதறதுக்கு முன்னால ஒரு information குடுத்ருங்க ஒரு கணக்கு வைச்சுக்க தான் ...பாக்கலாம் எத்தன பேர் நம்மள மதிக்குராங்கன்னு...)

டாக்டர் பட்டம் வாங்க சில வழிகள்

2009-12-05T18:41:00.002+05:30

இப்போ என்னடானா ஆளாளுக்கு டாக்டர் பட்டம் வாங்குறாங்க. பத்தாம் வகுப்போட படிப்ப விட்டவங்க கூட ஒண்ணாப்பு படிக்கும் போது டாக்டராகி ஊசி போடுவேன் அப்டின்னு தான் சொல்லி இருப்பீங்க. உங்கள் மனகவலைகளை நீக்கும் பொருட்டு என்னுடைய மூளையை வராட் வராட் என பிராண்டி சில ஐடியா மழைகளை அள்ளி தெளிக்கிறேன் மிஸ்ஸாகாம கேட்ச் பிடிங்க பாக்கலாம்..,

டாக்டர் பட்டம் வாங்க சில வழிகள்:-

ஊருக்குள் யாருக்காவது ஜுரம் வந்தால் action 500 சாப்பிடுங்க அப்டின்னு சொல்லணும் வாந்தி எடுத்தார்கள் என்றால் அதை கண்ணை மூடி கொண்டு கையால் பிடித்து விடுங்கள் பொழுது விடிரதுக்குள்ள டாக்டர் ஆகிபுடலாம்.

குளிக்கும் போது பாடும் பழக்கம் இருந்தால் இன்னும் வசதி தான்.எப்போதும் "டாக்டர் வாழ்க " என்ற இரண்டு வரிகளை மட்டும் திருப்பி திருப்பி பாடினால் டாக்டராக அதிக வாய்ப்பு உள்ளதாக சித்தர் சிவராஜ் கூறி உள்ளார்.

டாக்டர் மளிகை கடை,டாக்டர் டீ ஸ்டால் இப்படி எதாவது தொடங்கலாம்..,

யாரவது டாக்டரை கரெக்ட் பண்ணி கல்யாணம் பண்ணிக்கலாம் ... உங்க பேருக்கு முன்னால டாக்டர் வந்துடும்ல

உங்கள் வீடு வாசலில் கேக்கறான் மேக்ரான் university அப்டின்னு போர்டு போட்டு தொடக்க விழாவுல உங்களுக்கு டாக்டர் பட்டம் குடுக்கலாம்.தலைமை தாங்க உங்க அப்பாவையோ சித்தப்பாவையோ கூப்டுக்கலம்.

டாக்டர் விஜய் ரசிகர்மன்றத்தில் சேரலாம். உங்கள் பெயர் ரமேஷ் என்று இருந்தால் டாக்டர் விஜய் ரமேஷ் அப்டின்னு மாத்திக்கலாம் .

நீங்க எனக்கு டாக்டர் பட்டம் குடுங்க நா உங்களுக்கு டாக்டர் பட்டம் குடுக்குறேன் .ரெண்டு பேருமே டாக்டர் ஆகிடலாம்.

இது எதுமே முடியலனா டாக்டர் பட்டத்துக்கு மார்க்கெட் ரேட் எவ்வளவோ அதை கொடுத்து வாங்கி கொள்ளவும்.

டிஸ்கி:- இந்த ஐடியாவை பின்பற்றி டாக்டர் ஆவோர்களுக்கு கம்பெனி குறைந்த வாடகையில் மலர் மாலையை மாணிக்க மலையாய் கொடுக்கும் என்பதை பெருமிதத்துடன் தெரிவித்து கொள்கிறோம்..
.
.

இப்படி கூட ப்ளாக் இருக்கு...

2009-12-05T11:44:00.002+05:30

நேற்றோடு முடிந்தது ஒரு காவியம் .. இதற்கு வழியனுப்பு விழாவோ.. பிரியா விடையோ கொடுக்க கூட முடியாத கல்நெஞ்சக்கரர்கள் நாம் வலை பதிவாளர்கள் .. ஆம் .., ஒரு பதிவாவது போட்டார்களா .., நேற்றும் இல்லை இன்றும் இல்லை.., நான் பதினொன்றாம் வகுப்பு படிக்கும் போது ஆரம்பித்த பயணம் நான் இன்ஜினியரிங் கல்லூரியில் சேர்ந்து பட்டம் பெற்று வளாக தேர்வில் தேர்வாகி பின் பொருளாதார நெருக்கடியால் காத்திருக்க சொல்லி இப்போது கிடைத்த வேளையில் ஒட்டி கொண்டு காலத்தை ஓட்டி கொண்டிருக்கும் இந்த பயணத்தின் நீளத்திற்கு இணையான நீளமும் சோகமும் கொண்ட கொண்ட காவியம் நேற்றோடு முடிந்து விட்டது.ஆம் கோலங்கள் நேற்றோடு முடிந்து விட்டது ..,

மணமான புது பெண்ணாக இந்த காவியத்தில் வாழ தொடங்கிய தேவயாணி இரண்டு பெண்களுக்கு தாயாக இப்போது இருக்கிறார்.கிடைத்த சொந்தங்கள் அது மட்டும் தானா எத்தனையோ பேருக்கு மகளாகவும் ,அக்காவாகவும்,தங்கையாகவும் தினமும் அவர்கள் வீட்டுக்கே சென்றார்கள்.., எப்படி வீட்டிற்கு சொந்தங்கள் வந்தால் சாப்பிட பொறுமை காப்பர்களோ அந்த பொறுமையை தினம் காட்டினார்கள் நாம் குடும்ப தலைவர்கள் அவ்வளவு பாசம் தேவயாணி மீது..,

என்னை மிகவும் பாதித்தவர் தொல்ஸ் மன்னிக்..க்கவும் திருசெல்வம்., என்ன ஒரு பாத்திர படைப்பு புத்தரும் காந்தியும் மறுபடி பிறந்து வந்துவிட்டதாகவே நாம் தாய்குலங்கள் நம்ப தொடங்கினார்களே ..,அதன் திரைக்கதை அமைப்பு என்னை அசரவைத்தது 2 வாரம் கழித்து பார்த்தாலும் 2 மாதம் கழித்து பார்த்தாலும் ஏன் 2 வருடங்களே கழித்து பார்த்தாலும் எந்த குழப்பமும் இல்லாமல் கதையை(?) ரசிக்க முடியும்..,என்னால் கடந்த மூன்று வருடங்கள் பார்க்க முடியவில்லையே என்று நான் உள்ளுக்குள் அழுவதும் அதனால் ஏற்படும் மௌன வலியும் யாருக்கு புரிய போகிறது..,

இன்று காலை அலுவலம் வந்ததும் கோலங்கள் என்று தட்டச்சு செய்து கூகிள்-ல் தேடினேன் பிரியா விடையும் வழியனுப்பும் கொடுத்து பதிவுகள் இருக்கும் என்ற நம்பிக்கையில் ஆனால்...(முதல் இரண்டு வரிகளின் கோபத்திற்கு இதுவே காரணம் ). ஆனாலும் அப்போது ஒரு அதிசிய ப்ளாக்கை கண்டேன் .. கோலங்கள் கடைசி ஒரு வருட பகுதிகள் அனைத்தும் வீடியோ பதிவாக .. அதை பார்க்க இங்கே கிளிக்கவும் ...

டிஸ்கி:- திருச்செல்வம் படம் எடுக்க போறாராம் உன்னை போல் ஒருவனை விட சின்ன படங்கள் (நீளத்தில்) வெளிவருமோ..,
.
.

வாழ்க்கை பயணங்கள்

2009-12-04T13:55:00.000+05:30

தரையில் கை வைத்து
தவழ்ந்துக்கொண்டிருந்த போது
சீருடை அணிந்து
சிங்காரமாய் செல்ல ஆசை வந்தது..,

ஆரவாரமின்றி அமைதியாய்
பள்ளி சென்ற நாட்களில்
பேருந்து படிக்கட்டில்
சில்லிடும் காற்றின் மீது ஆசை வந்தது...,

ஒற்றைக்காலோ ஒற்றைவிரலோ
பிடிமானமாய் கொண்ட பயணங்களில்
நமக்கவே மட்டுமே சுற்றும்
இருசக்கரங்களின் மீது ஆசை வந்தது...,

மழையில் நனையும் போதும்
வெயிலில் காயும் போதும்
ஓசோனில் ஓட்டை போட்டாவது
நம்மை குளிரூட்டும்
பயணங்கள் மீது ஆசை வந்தது...,

தரையெல்லாம் அலுத்துப்போய்
பறக்க ஆசை இருந்தாலும்
தவழவும் சீருடை அணியவும்
படிக்கட்டில் தொங்கவும்
ஆசை வந்து கொண்டு தான் இருக்கிறது..,
எவ்வளவு ஆழத்திற்கு
அழுத்தினாலும் அடுத்த நொடியே
தலை நீட்டும் தக்கை போல..,

டிஸ்கி :- இதுனால தான் வாழ்கை ஒரு வட்டம் அப்டின்னு இளைய தளபதி டாக்டர் விஜய் சொல்லி இருப்பாரோ....
.
.

இன்று உலகமயமாக்கலின் கருப்பு தினம்...

2009-12-03T13:12:00.003+05:30

சரியாக 25 ஆண்டுகளுக்கு முன்பு...,
மத்திய பிரதேசத்தின் தலைநகரம் போபாலில் ஏன்? எதற்கு? என்ற எந்த கேள்வியும் இல்லாமல் தூக்கத்திலேயே தொலைந்தன பல உயிர்கள் ...ஆம் அது தான் உலகின் மிக பெரிய தொழிற்சாலை விபத்து(?)...
முதலில் 2259 இறந்ததாக அறிவிக்க பட்டது..,பிறகு 3787 என மாநில அரசு அறிவித்தது..,ஆனால் அரசு சாரா இயக்கங்கள் 8000 முதல் 10000 பேர் வரை விபத்து நடந்த 72 மணிநேரங்களுக்குள் இறந்ததாக அறிவித்தனர்..,ஆனால் விபத்து நடந்த நாள் முதல் அதன் பாதிப்புகளால் இறந்தவர்கள் எண்ணிக்கை 25000 -ஐ தாண்டும் என்றும் கண்ணிழந்தவர், மற்றும் நோயுற்றவர், காயமடைந்தவர் இன்றுவரை 400,000 பேர் என்றும் ஓர் அறிக்கையில் காணப் படுகிறது!

இவை மட்டுமா எத்தனையோ ஆடு மாடுகள் , கால்நடைகள்,பறவைகள் என எத்தனை உயிர்கள்.தண்ணீரும் கண்ணீரும் விஷமாகி போனதே ...உலகின் உண்மையான அமுதமான தாய்பாலில் கூட விஷம் கலந்து போனது..,குழந்தைகள் இறந்தே பிறந்தன.., பிறந்த குழந்தைகள் இறந்து போயின..,

குற்றவாளியாய் அறிவிக்க பட்ட வாரன் அண்டர்சன் எங்கு இருக்கிறான் என்று 25 ஆண்டுகளை தேடி வருகிறது சி.பி.ஐ (தூ..).பலமுறை பிடி வாரன்ட் கொடுபதோடு திருப்தி பட்டுகொண்டன இந்திய நீதிமன்றங்கள்.அவன் நியூ யோர்க்கில் உள்ள Hamptons என்ற பகுதில் இருப்பதாக தொலை காட்சியில் காட்டிய போதும் அவன் இருக்கும் இடத்தை விரைவில் கண்டு பிடித்து வருவதாக இரண்டு அரசாங்கங்களும் அறிவித்தனர் வெட்கம் கெட்டவர்கள்.
பியர்ல் ஹார்பரில் ஆயிரகனக்கனோர் இறந்தபோது ஜப்பானில் அணுகுண்டு வீசி தான் வெறியை தீர்ந்து கொண்டது அமெரிக்கா. பின்னாளில் வர்த்தக மையம் தகர்க்க பட்ட போதும் ஆப்கானிஸ்தானை குண்டுகளால் சல்லடை ஆக்கி சந்தோசப்பட்டது..,ஆனால் இந்தியாவோ அமெரிக்காவிடம் 3.3 பில்லியன் டாலர் கேட்டது பேரம் பேச அழைத்த அமெரிக்காவிடம் பேரம் பேசி 470 மில்லியன் டாலர் வாங்கியதுடன் கோபத்தை தீர்த்து கொண்டது. அவர்களிடம் கண்டிப்பை காட்டினால் பின்னாளில் மற்ற வெளிநாட்டு கம்பெனிகள் வர தயங்குமே என்ற தொலைநோக்கு பார்வை தான் வேறு ஏதும் அல்ல...,

வாங்கிய பணத்தை உரியவர்களிடம் கொண்டு சேர்க்கும் பழக்கம் தான் நாம் அரசியல்வாதிகளுக்கு எப்போதுமே இருந்தது இல்லையே. நிறைய பேருக்கு நிவாரணம் வழங்க வில்லை அப்படியே வழங்க பட்டாலும் ஒரு உயிர்க்கு 25000 -க்கு மேல் வழங்கவில்லையாம்.ஒரு இந்திய உயிரின் மதிப்பு அவ்வளவு தானா.., அப்படி மாண்டு போனவர்கள் செய்த தவறு தான் என்ன இந்தியனாய் பிறந்தது தானோ...
.
.

படித்தபோது நம்ப வில்லை ஆனால்???

2009-12-02T13:45:00.000+05:30

நேற்று எனக்கொரு ஈமெயில் வந்தது அதை முடிந்த அளவு தமிழ் படுத்தி உள்ளேன்.இதை படிக்கும் போது என்னை போலவே நம்பிக்கை இல்லாமல் தான் நீங்களும் இருப்பீர்கள் ஆனால் முற்சி செய்து பாருங்கள்...

          இது கடவுள் நம்பிக்கை பற்றிய பதிவு அல்ல.. கம்ப்யூட்டர் சம்பந்தபட்டது..., விண்டோஸ் பயன்படுத்துபவர்கள் மட்டும்...
சோதனை ஒன்று:-
   உங்கள் கணிணியில் எத்தனையோ folder உருவாக்கியும் அளித்தும் இருப்பீர்கள் ஆனால் CON என்ற பெயரில் ஒரு folder உருவாக்கி பாருங்கள் முடிந்தால். கண்டிப்பாக உருவாக்க முடியாது. இதற்கான காரணத்தை யாராலும் விளக்க முடியவில்லை...
என்ன உருவாக்க முடிந்ததா...

சோதனை இரண்டு :-
முதலில் ஒரு empty notepad file ஓபன் பண்ணி கொள்ளவும். அதில் Bush hid the facts என்ற வாசகத்தை டைப் பண்ணவும் .அதான் பிறகு நீங்கள் விரும்பும் பெயரில் save பண்ணவும் . மீண்டும் அந்த பைலை ஓபன் பண்ணுங்கள் பிறகு நடப்பதை நீங்களே பாருங்கள்...

சோதனை மூன்று :-
இது தான் ஹை லைட்...
ஒரு MS - WORD டாகுமென்ட் ஓபன் பண்ணி கொள்ளுங்கள்..
=rand (200, 99) இதை டைப் பண்ணவும்..,
பிறகு enter தட்டவும் பிறகு நடப்பதை நீங்களே பாருங்கள்..

உங்கள் கருத்தகளை பின்னூட்டத்தில் தெரிவிக்கவும்....
.
.

ஜெயமோகனை ரசிப்பவர்கள் மட்டும் பேரறிவு கொண்டவர்களா???

2009-12-01T18:34:00.003+05:30

சில வருடங்களுக்கு முன்னால் ஜெயமோகன் அவர்கள் தனது ப்ளாகில் "தொப்பி" மற்றும் "திலகம்" என்ற தலைப்புகளில் எம்.ஜி.ஆர் மற்றும் சிவாஜி ஆகியவர்களை பற்றி எழுதி இருந்தது அனைவரும் அறிந்ததே ..அது வெளிவந்த காலத்தில் வலைப்பூக்கள் பற்றி எனக்கு எதுவும் தெரியாது என்ற போதும் ஆனந்த விகடனில் அவை வந்ததால் அதை படித்து சிரித்து இருக்கிறேன்.தற்போது வலைபூக்களுக்கு அறிமுகமான பின்பு கணினி மற்றும் செல்லில் browse பண்ணும் போது எதாவது வலைபூவிற்கு சென்றால் அதில் உள்ள எல்லா பதிவுகளையும் படிப்பது வழக்கமாகி விட்டது.அப்படி படித்து கொண்டிருத்த போது ஒரு வலைப்பூவில் ஜெயமோகனின் இந்த கட்டுரைகளுக்கு பாராட்டும் ஆனந்த விகடனுக்கு கண்டனுமும் தெரிவிக்க பட்டிருந்தது.இந்த மேட்டரில் எந்த பிரச்சனையும் இல்லை ஆனா அதில் சொல்லப்பட்ட சில கருத்துகளில் தான் எனக்கு சில குழப்பங்கள் .

அந்த பதிவில் தெரிவிக்க பட்ட வார்த்தைகள் மாறி இருக்கலாம் ஆனால் கருத்து அதே...

" ஜெயமோகனின் இந்த கட்டுரைகள் அந்தனம் என்ற இலக்கிய வகையை சேர்ந்தது , அந்தனம் என்பது நக்கல் தொனியை ஒத்த புத்திசாலித்தனமான நகைச்சுவை ஆகும்.., இந்த வகையில் தமிழில் இலக்கியங்கள் மிகவும் குறைவு. ''போட நாயே" வகையான கவுண்டமணி காமடியை ரசிப்பவர்களால் இதை ரசிக்க முடியாது.இலக்கிய சிற்றறிவு கொண்ட பாலசுப்ரமணியம் போன்றவர்களால் இதை ரசிக்க முடியாமல் போனதில் எந்த ஆச்சர்யமும் இல்லை"

இந்த கருத்தில் தான் எனக்கு குழப்பங்கள் கவுண்டமணியை ரசிப்பவர்கள் சிற்றறிவு கொண்டவர்கள் என்று எந்த அளவீடில் சொல்லுகிறார். அப்படியானால் அவரை ரசித்த என்னை போன்று தமிழ்நாட்டில் உள்ள பெரும்பாலனவர்கள் சிற்றறிவு கொண்டவர்களா???ஜெயமோகனை ரசிப்பவர்கள் மட்டும் பேரறிவு கொண்டவர்களா??? . சரி அப்படியே இருந்து விட்டு போகட்டும் நான் சிற்றறிவு கொண்டவன் தான் ஒத்துகொள்கிறேன்.என்னை போன்றவர்களை சிற்றறிவு கொண்டவர்கள் என்று சொல்வதற்கு காரணம் அந்த நகைச்சுவை காட்சிகளில் ஒருவரின் உடல் அமைப்பையோ , நிறத்தையோ, அல்லது அறிவையோ கிண்டல் செய்து இருப்பார். அதாவது யாருடைய மனதாவது புண்படுத்த பட்டிருக்கும்.அங்கு மட்டும் என்ன வாழ்கிறது மேற்கூறிய இரண்டு பதிவிலும் ஒன்றில் எம்.ஜி.ஆரின் குரல் அல்லது உச்சரிப்பு கிண்டல் செய்ய பட்டுள்ளது மற்றொன்றில் சிவாஜியின் மிகையான நடிப்பு கிண்டல் செய்ய பட்டுள்ளது . இது மட்டும் எப்படி புத்திசாலித்தனமான நகைச்சுவை ஆகும்.

என்னை பொறுத்த வரையில் நகைச்சுவையில் புத்திசாலித்தனமான என்ற ஒன்றே கிடையாது. எல்லா விஷயங்களிலும் புத்தியை பயன்படுத்தினால் யாராலும் சிரிக்கவே முடியாது..நான் சிறு வயதில் இருந்து சிரித்த அனைத்து நிகழ்வையும் நினைத்து பார்கையில் அவை எல்லாமே எதாவது ஒரு வகையில் யாருடைய மனதையாவது புண்படுத்தி உள்ளது. யார் மனதையும் புண் படுத்த நகைச்சுவை என்று ஒன்று கிடையாது என்பதே என்னுடைய கருத்தாகும்.அப்படி இருந்தால் பின்னூட்டத்தில் தெரிவிக்கவும்...
இதில் பதிவு செய்யப்பட்டவை எல்லாம் என்னுடைய சொந்த கருத்துகளே .. உங்கள் கருத்தையும் பதிவு செய்யவும். அப்புறம்..., இலக்கிய பேரறிவு கொண்ட யாரவது இதை படிக்க நேர்ந்தால் ஒரு பெரிய பின்னூட்டமோ அல்லது எதிர் பதிவோ போடுமாறு கேட்டு கொள்கிறேன்.அப்படி செய்வதன் மூலம் இலக்கிய அறிவு சிறிது கூட இல்லாத என்னை போன்ற சிற்றறிவு கொண்ட பாமரர்கள் இலக்கியத்திற்கு பேரறிவு கொண்டவர்களால் தரப்படும் முன்னுரையின் முதல் எழுத்தையாவது பார்க்கும் பாக்கியம் பெறுவார்கள்....
.
.

திரும்ப கிடைக்குமா...

2009-11-27T11:49:00.001+05:30

நவம்பர் 27...
மாவீரர் தினம்..

தலைவர் தோன்றுவார்..
இல்லை இல்லை
தளபதி தான்
உரை வாசிப்பார்
என மாறி மாறி செய்தி போட்டு
சுழற்சியை கூட்டி
வருமானத்தை பெருக்கும்
ஒரு துரோக கூட்டம்...

யாரும் வரமாட்டார்கள்...
அகிலத்தின் அதிசிறந்த
ஆயுத போராளிகளை
அடிவேர்கூட இல்லாமல் அழித்துவிட்டோம்..
என கொக்கரிக்கும்
ஒரு ஈன கூட்டம்...

எது உண்மையானால் என்ன...
அடிமையனர்வர்களின்
சொந்த பொருட்களும்
சொந்த பந்தங்களும்...
கற்பழிக்க பட்ட
தமிழச்சியின் மானமும்...
இறந்து விட்ட
சகோதர்களின் உயிரும்...
திரும்ப கிடைக்குமா...
.

நீ... நல்லவனா கெட்டவனா...

2009-11-26T11:47:00.001+05:30

நீ...
நல்லவனா கெட்டவனா...
எமக்கு தெரியாது...

நீ...
தமிழின தலைவனா...
இல்லை தான் குடும்பமே
தமிழினம் என்போரா...
எமக்கு தெரியாது...

நீ..
கொள்கைக்காக செய்தாயா..
இல்லை கொலை
வெறிபிடித்து செய்தாயா...
எமக்கு தெரியாது...

நீ...
மண்மீது இருக்கிறாயோ...
இல்லை விண்ணோடு சென்றாயோ...
எமக்கு தெரியாது...

ஆனால்...
ஓர் கோடை காலத்தின் மாலை நேரம் ..
நீண்ட நேரமாய் பேருந்து வராததால்
காத்திருந்த கூட்டத்தை நோக்கி ஓர் குரல்
"பிரபாகரன கொன்னுடாங்க பஸ்லாம் வராது " என்று...
கருதருத்த களைப்போடு காத்திருத்த கிழவி ஒருத்தி
சட்டென்று சொன்னாள்
"என்ன ராசா சொல்லுற அவனெல்லாம்
அம்புட்டு சாமநியத்துல கொன்னுட முடியுமா
அப்டி பண்ணி புட்டா ஊரே கொந்தளிச்சிடாது "
மேற்கூறிய கேள்விகளுக்கான பதில்
எமக்கு தெரிய தொடங்கியது...

அய்யோ ராமா என்ன ஏன் இப்டி படுத்துற...

2009-11-25T19:22:00.000+05:30

இன்று காலை வேலை நிமித்தமாக கோயம்புத்தூரில் இருந்து பொள்ளாச்சி போவதற்காக கோவை பஸ் ஸ்டாண்ட் வந்துசேர்ந்தேன் .ரெண்டு பஸ் தயாராக இருந்ததால் எந்த பஸ்-ல் படம் போடுறாங்களோ அதுல போலாம் என்று முடிவு செய்தேன்(விதி யாரா விட்டுச்சு..!!).சக்சஸ் .. சக்சஸ்... ஒரு பஸ்ல படம் ஓடுது அதும் எதோ சண்ட படம் போல டும்.. டம்..அப்டின்னு சத்தம் கேட்டுச்சு ...சந்தோசமா ஏறி உக்காந்தா என்ன படம் அப்டினே தெரியல.. பஸ் ஸ்டார்ட் ஆனதும் ஹீரோவா கண்டு பிடிச்சுட்டேன் .. ஓடி கொண்டு இருந்தது காதலில் விழுந்தேன் படத்தின் இறுதி காட்சி..டரியல் ஆகிவிட்டேன்..

என்ன இருந்தாலும் மனதுக்குள் ஒரு சந்தோஷம் படம் தான் 5 நிமிஷத்துல முடிய போகுதே அதான் . ஆனா அந்த 5 நிமிஷம் அப்பா சாமி முடியலடா... அட கருமாந்தரம் பிடிச்சவுன்களா நடிக்க வரலன்னா விட்டு தொலைக்க வேண்டியது தானடா...இதுக்கு நம்ம விஜய் எவ்வளவோ பரவால்லங்க நடிக்க வரல அப்டின்னாலும் அவருக்கு ஒழுங்கா வர டான்ஸ் , பஞ்ச் டயலாக் (?) இப்டி எதாவது தான் பண்ணுவாரு இப்டி நடிக்க ட்ரை பண்ணி நம்மள கொல பண்ண மாட்டாரு ஆனா இவனுங்க ஹம்ம் ....ஒரு வழியா படம் முடிஞ்சுது.. படம் போடாமலே இருந்தா தேவலாம் அப்டின்னு நெனைச்சப்போ கண்டக்டர் அதே d.v.d -ஐ மறுபடியும் ப்ளே பண்ணினார்..மறுபடியும் அதே படமா !!! அங்க தாங்க ஒரு ட்விஸ்ட் ... கல்பாத்தி.எஸ்.அகோரம் வழங்கும் அப்டின்னு போட்டாங்க சரி வேற படம் அப்டின்னு நிமிர்ந்து உக்காந்தா .. மறுபடியும் ஒரு ட்விஸ்ட்.. என்னடா அப்டின்னு கேக்குறிங்களா.. போட்டது மாசிலாமணி (மாசிலாமணி & காதலில் விழுந்தேன் என்ன ஒரு collection )...

நான் இதுக்கு முன்னால மாசிலாமணி பாத்தது இல்ல .. பாக்காத அப்டின்னு ஹமாம் விளம்பரம் கணக்கா நெறைய பேர் சொன்னதால ஒரு நடுக்கதோடையே படம் பாக்க ஆரம்பிச்சேன்.. தமிழ் சினிமா ரொம்ப முன்னேறிடுச்சுங்க வழக்கமா தமிழ் ஹீரோயின் தான் லூசா இருப்பாங்க இந்த படத்துல எல்லா கதா பாத்திரங்களும் அப்படியே.. இடுக்கு முன்னால இப்படி ஒரு பாத்திர படைப்பை நரசிம்மா என்ற காவியத்தில் மட்டுமே பார்த்து இருக்கிறேன்.இதனால மட்டும் தமிழ் சினிமா முன்னேறிட்டு அப்டின்னு சொல்லல வழக்கமா நம்ம ஆளுங்க ஹாலிவுட் படத்துலேந்து தான் சுடுவாங்க நம்ம டைரக்டர் பழைய தமிழ் படங்களையே சுட்ருக்கார் இப்போ சொல்லுங்க தமிழ் சினிமா ஹாலிவுட் அளவுக்கு முன்னேரிட்டுல ...

படத்தோட ஆரம்பத்துல ஒருத்தன போட்டு அடிக்கிறார் ஹீரோ அதுக்காக அவர புடிச்சு கோர்ட்ல நிறுத்துனா timing காமெடி பண்றேன்னு ஏதேதோ பேசினார் அந்த சிரிப்பு மட்டும் தான் வரல மத்த படி எல்லாம் ஓகே .. ஜட்ஜ் fine இல்ல ஜெயில் அப்டின்னு judgement குடுக்க பணம் இருந்தும் ஜெயிலுக்கு போறார் ஏன்னு கேட்டா ஒரு டயலாக் சொல்றார் ஒண்ணுமே புரில .. யாராவது கேட்டு எக்ஸ்ப்ளைன் பண்ணுங்களேன்..அப்புறம் அவர் ரிலீஸ் ஆகும் போது அந்த ஏரியாவே சேர்ந்து டான்ஸ் ஆடுது ஒரு வேல ஏரியா கவுன்சிலர் கேரக்டர்ல நடிசிருப்பரோ அப்டின்னு நெனைச்சா அதும் இல்ல அவர் ஒரு வெட்டி பையன். ஆனா அந்த ஏரியால யாராவது ஒன்னுக்கு போறதா இருந்த கூட அவர் கிட்ட தான் சொல்லிட்டு போறாங்க அதான் ஏன்னு புரில(அது மட்டுமா..). அப்புறம் ஒரு பாசக்கார லூசு ஹீரோயின் குடும்பம் அதை explain பண்றதுக்காக நெஞ்ச நக்குராப்ள ஒரு செண்டிமெண்ட் சீன் அய்யோ ராமா என்ன ஏன் இப்டி படுத்துற...

ரெண்டு பொண்ணுங்களை மூணு பசங்க கிண்டல் பண்றாங்க அதும் நம்ம ஹீரோ பாக்கும் போதே சரி அடுத்து ஒரு சண்ட தான் அப்டின்னு நெனைச்சா அங்க தான் நம்ம டைரக்டர் நிக்கிறார் அந்த பொண்ணுங்க ஓடி போயிடறாங்க சரி சண்ட போட வேண்டாம் அப்டின்னு ஹீரோ திரும்பும் போது ஓடி போன அந்த ரெண்டு பொண்ணுங்களும் நம்ம ஹீரோயின அழைச்சிட்டு வராங்க அவுங்களும் எதோ விஜயகாந்த் கணக்கா நியாயம் கேட்க ஹீரோக்கு லவ் பொத்துகிட்டு வந்துடுது (இந்த சீன் உங்களுக்கு மொழி படத்த ஞாபக படுத்துன அதுக்கு நா பொறுப்பு இல்ல). அடுத்து ஹீரோயினோட அட்ரெஸ் வாங்க ஹீரோ ஒரு ஐடியா பண்ணுவார் பாருங்க அந்த மாதிரி யோசிச்சது இந்தியாவுலையே.. ஏன் இந்த உலகத்துலேயே ரெண்டே பேரு தான் ஒருத்தர் G.D.நாய்டு இன்னொருத்தர் நம்ம நகுல் தாங்க .. அப்புறம் முருகா படத்துல வடிவேலு ஒரு குழந்தையோட பண்ணுனா calling bell காமெடி-ஐ திரும்ப நடிச்சு காமிச்சாங்க அந்த சீன் முடியுறதுக்குள்ள பஸ் பொள்ளாச்சி வந்துட்டு நான் அந்த பஸ்கும் சன் pictures-க்கும் ஒரு பெரிய கும்பிடு போட்டு விட்டு நடைய கட்டினேன்...

[பின் குறிப்பு :- என்னுடைய pan card தொலைந்து விட்டது அதன் நம்பர் என்னிடம் உள்ளது . அதை எப்படி திரும்ப வாங்குவது என்று யாராவது விபரம் அறிந்த நண்பர்கள் மெயில் அனுப்புமாறு கேட்டு கொள்கிறேன்]

காதல் சின்னமானது எப்படி???

2009-11-24T18:56:00.000+05:30

ஒரு நாள் கடவுள் TASMAC கடைக்கு சென்றார்.ஒரு புல் வாங்கி குடிக்கிறார் போதையே ஏறவில்லை. மறுபடியும் இரண்டு புல் ஆர்டர் பண்ணி குடிக்கிறார் அப்பவும் போதையே ஏற வில்லை . பக்கத்தில் இருந்தவர் ஆச்சர்யத்துடன் " என்னப்பா.., 3 புல் அடிச்சும் உனக்கு போதை ஏறலையா?". அதற்கு கடவுள்"நான் கடவுள் எனக்கு போதை எல்லாம் ஏறாது"என்கிறார்.

அதற்கு பக்கத்தில் இருந்தவர் " தம்பி உனக்கு ஓவராகிடுச்சு ஒழுங்கா வீட்டுக்கு போ"
=================================================================================
உலக அதிசியங்களில் ஒன்றான தாஜ் மகாலை பற்றி சில சுவாரசியமான தகவல்கள் எனக்கு கிடைத்தன உங்கள் பார்வைக்கு அவை:-

மும்தாஜ் ஷாஜகானின் நான்காவது மனைவி ஆவார். அவருக்கு மொத்தம் ஏழு மனைவிகள்.

ஷாஜகான் மும்தாஜின் கணவரை போர்களத்தில் கொன்று இவரை கை பிடித்தார்.இவர்களின் காதல் spot ஆக்ராவில் உள்ள மைனா பஜார் ஆகும்.

மும்தாஜ் தன்னுடைய பதினான்காவது பிரசவத்தின் போது உடல்நிலை பாதிக்க பட்டு மரணமடைந்தார்.

இதன் மூலம் ஷாஜகானின் என்ற காதல் மன்னனின் கள்ள காதல் ... மன்னிக்கவும் காதல் சின்னமாக விளங்குகிறது என்பது நமக்கு புலனாகிறது...
===================================================================================
டிஸ்கி: எதுவும் சொந்த சிந்தனை இல்லை எல்லாம் எனக்கு வந்த எஸ்.எம்.எஸ் மட்டுமே... புடிச்சிருந்தா ஓட்டு போட்ருங்கோ...

நீயில்லையே...

2009-11-23T18:50:00.000+05:30

பேசி சிரிக்கும் போதும்...
கை தட்டி ரசிக்கும் போதும்...
விளையாடி களைத்த போதும்...
அயர்ந்து உறங்கும் போதும்...
தனியாய் நடக்கும் போதும்...
நானாய் சமைக்கும் போதும்...
அழகாய் இருக்கும் போதும்...
உன் பெயரை கேட்க்கும் போதும்...
யாரோ புகழும் போதும்...
உலகின் உச்சியில் இருந்த போதும் ...
.
.
.
உள்ளுக்குள் ஓர் உறுத்தல்
என்னுடன் நீயில்லையே...

டிஸ்கி:இதை யாரேனும் கவிதை என்று நினைத்தால் அதற்கு கம்பெனி பொறுப்பல்ல..

இது தான் சச்சின்

2009-11-21T17:30:00.001+05:30

நான் மூன்றாம் வகுப்பு படித்து கொண்டிருந்த சமயம்..
எங்கும் கிரிக்கெட் பத்தி தான் பேச்சு எனக்கும் பார்க்க வேண்டு என்ற ஆசை ஆனாலும் வீட்டில் t.v இல்லாததால் பார்க்க முடியவில்லை. நீண்ட நாள் ஆவல் ஒரு நாள் நிறைவேறியது என் மாமாவுடன் அவர் நண்பர் வீட்டுக்கு கிரிக்கெட் பார்க்க சென்றேன். ஆரம்பித்து நீண்ட நேரம் ஆகிவிட்டதென்பது அங்கு இருந்த கூட்டத்திலே தெரிந்தது. எல்லோரும் கை தட்டிய போது நானும் தட்டினேன் எதுவும் புரியாமல்.. திடீரென எல்லோரும் கிளம்ப தொடங்கினார்கள் என் மாமாவும் என்னை கிளம்ப சொன்னார் .. ஏன் என்று கேட்ட போது " கட்டையன் அவுட் ஆகிட்டான் இனிமே தோத்துடுவாங்க " என்று சொன்னார். சொன்னதுபோலவே தோற்று விட்டனர் .அது தான் நான் பார்த்த முதல் கிரிக்கெட் மேட்ச். என்னால் மட்டும் அல்ல பலராலும் மறக்க முடியாத மேட்ச் ஏனெனில் அது 1996 உலககோப்பையின் அரை இறுதி போட்டி.. அந்த கட்டையன் யார் என்று நான் சொல்லி உங்களுக்கு தெரிய வேண்டியதில்லை..

சச்சின் டெண்டுல்கர் .... இந்த பெயரை தெரியாமல் யாராவது இருந்தால் அவர்கள் இந்தியாவை சேர்ந்தவர்கள் தான என்று யோசிக்க வைத்து விடும் அந்த அளவிற்கு நம்மிடையே கலந்து விட்ட பெயர் . நான் முதன் முதலில் கிரிக்கெட் பார்த்த அன்று ஏற்பட்ட பிம்பம் இன்னும் மாறவில்லை . இன்றும் ஒரு மேட்ச் நடந்தால் சச்சின் நிக்கிறானா?? என்பது தான் என்னுடைய முதல் கேள்வியை இருக்கிறது..

நான் சச்சினை பார்த்து பயப்பட போவதில்லை என்று சொன்ன ஒலங்கா-வின் பந்துகளை புரட்டி எடுத்து தன்னை பார்த்து பயப்பட வைத்தவர். சச்சினுக்காக என்னிடம் திட்டங்கள் எதுவும் இல்லை அவரும் சாதாரண batsman தான் என்று வீர உரை ஆற்றிய caddick அடுத்த நாள் இப்படி ஒருவரை என் வாழ்நாளில் பார்த்தது இல்லை என்று சொல்ல வைத்ததும் அவர்தான்.இப்படி அவரை பற்றி புறம் கூறியவர்களுக்கு தன்னுடைய பேட்டால் பதில் சொன்னவர்.

தற்போது அவருடைய கிரீடத்தில் மேலும் ஒரு வைரக்கல்லாக அவர் 30000 சர்வதேச ரன்களை கடந்துள்ளார்..இவருக்கு அடுத்த இடத்தில் ஆஸ்திரேலியாவின் பாண்டிங் 24000 ரன்கள் எடுத்து இருக்கிறார்.யாரால் முடியும் ஒருநாள் போட்டிகளில் 17,178 ரன்களும், 45 சதங்களும் 91 அரைசதங்களும் , டெஸ்ட் போட்டிகளில் 12,812 ரன்களும் 43 சதங்களும் 53 அரைசதங்களும் இனிமேல் அடிக்க .. நீங்கள் ஒரு நாள் போட்டிகளில் இருந்து எப்போது வேண்டுமானாலும் ஓய்வு பெற்றுக்கொள்ளுங்கள் ஆனால் டெஸ்ட் போட்டிகளில் பாண்டிங் ஓய்வு பெற்ற பின்பே ஒய்வு பெறுங்கள் ஏனெனில் எப்போதும் நீங்கள் தான் நம்பர் 1 ஆக இருக்க வேண்டும்.. செய்வீர்களா....

எது பின்நவினத்துவம் ...???

2009-11-20T19:04:00.001+05:30

என்னுடைய போன பதிவான 2012-ம் என் ரசனையும்... என்ற பதிவிற்கு பின்னோட்டம் எழுதி இருந்த தோழி அன்புடன் மலிக்கா மற்றும் ஒரு அனானி நண்பரும் என் பெயரை குறித்த சந்தேகங்களை எழுப்பி இருந்தனர் . பேனா மூடி யா இல்லை பேநா மூடி யா என்று.. பேனா மூடி என்பதே சரியான வார்த்தையாய் இருக்கும் போது நான் ஏன் பேநா மூடி என்று எனக்கு நானே பெயர் வைத்து கொண்டேன் . பெற்றவர்கள் வைத்த ஆனந்த் என்ற பெயரே நல்ல தான இருக்கு அப்புறம் எதற்கு வேறு பெயர்.. ஒரு வேலை இதற்கு பெயர் தான் பின்நவினத்துவமோ இந்த சந்தேகத்தை நீங்கள் தான் தீர்க்க வேண்டும்(வேற வழி )...

பின்நவினத்துவம் என்ற வார்த்தையே எனக்கு அறிமுகமாகி சில வாரங்கள் தான் இருக்கும் அதாவது நான் பதிவுலகிற்கு அறிமுகமாகி சில வாரங்கள் ஆகின்றன. இந்த சிறிய காலத்தில் பின்நவினத்துவம் என்றால் கட்டுடைத்தல் அதாவது வழி வழியாக நாம் பின்பற்றி வரும் பழக்கத்தை மாற்றி புதிதாய் ஒன்றை பழகுவது இவ்வாறே நான் அர்த்தபடுத்தி கொண்டிருக்கிறேன்.ஆனால் எனக்கு தெரிந்து இந்த பின்நவினத்துவம் எல்லா இடத்திலும் மிக சரியாக பொருந்திவிடுவதில்லை நம்முடைய நேபாளி படத்தை போல.அப்படியே பொருந்தி வந்தாலும் புரிவதற்கு சிரமம் இருக்கும் irreversible மற்றும் momento படங்களை போல தமிழில் சொல்ல வேண்டும் என்றால் ஆய்த எழுத்து படத்தை போல.

முதலில் நாம் வழக்கமாக செய்யும் சில விஷயங்களை எடுத்து கொள்வோம் அதில் பின்நவினத்துவத்தை புகுத்தினால் என்ன ஆகும் என்ற ஒரு ஆராய்ச்சி(வேல வெட்டி இல்லீங்கோ ). நாம் வழக்கமாய் செய்யும் விஷயங்கள் மேலே சட்டையும் கீழே பேண்டும் போடுவது , பைக்கில் முன்னால் உட்கார்திருப்பவர் ஓட்ட பின்னல் இருப்பவர் தேமே என்று இருப்பது, திருமணத்தில் மணமகன் மணமகளுக்கு தாலி கட்டுவது. இவற்றில் பின்நவினத்துவத்தை புகுத்த முடியுமா என்றால்...
     1 ) முடியாது.., சட்டை மேலே உடலின் அளவிற்கும் பேன்ட் கேளே உள்ள அளவிற்கும் தைக்க பட்டிருக்கும் மாற்றி போடுவது கிட்ட தட்ட immpossible .
     2 ) முடியும்.., முன்னால் இருப்பவர் சும்மா இருக்க பின்னல் இருப்பவர் பைக்கை ஓட்டுவது செய்ய கூடிய விஷயம் தான் இருந்தாலும் தேவை இல்லாதது கஷ்டமானதும் கூட. ..
     3 ) நிச்சயமாக முடியும்..,ஆனால் ஏற்றுக்கொள்ள பெரும்பாலனவர்களின் மனம் ஒப்புகொள்ளாது.
      ஆகவே பின்நவினத்துவம் என்பது சில இடங்களில் புகுத்த முடியாததாய்   சில இடங்களில் புகுத்த முடிந்தாலும் ஏற்றுக்கொள்ள முடியாததாய் சில இடங்களில் ஏற்றுக்கொள்ள முடிந்தாலும் புகுத்த முடியாததாய் இருப்பதாக நான் உணர்கிறேன் உங்கள் கருத்தையும் பதிவு செய்யவும்..

2012-ம் என் ரசனையும்...

2009-11-18T18:23:00.007+05:30

ஞாயிற்று கிழமை...
எதாவது படத்துக்கு போகலாம் என்று நண்பனுடன் கிளம்பி ஆகிவிட்டது.. என்ன படத்துக்கு போகலாம் என்று முடிவு செய்ய படவில்லை.. அவன் ருத்ரம் (தமிழ்நாட்டுல இப்டி தான் பேர் வைச்சு இருக்காங்க ) போகலாம் என்று சொன்னான். எனக்கு போக பெரிதாக ஆர்வம் இல்லை முதல் காரணம் நான் படம் போட்டு முப்பது நிமிடத்தில் என்னை d .v .d -ஐ தூக்கி ஏறிய வைத்த 10000 .b .c படத்தை இயக்கியவர்.. அப்புறம் தமிழ் டப்பிங் மீதான பயம் அதற்கு முதல் நாள் இரவு நான் ரொம்ப நாள் பார்க்க வேண்டும் என்று நினைத்த the dark knight படத்தை தமிழில் பார்த்தேன் .. முதல் பேங்க் காட்சியில் நிமர்ந்து உட்கார்ந்த என்னை கவுந்து அடித்து படுக்க வைத்து விட்டது christian bale -ன் அறிமுகம்.. நல்லா தான இருக்கும் அப்டின்னு நினைக்கறிங்களா ...ஆமா நல்லா தான் இருந்துச்சு....எவண்டா அவன் அவர்க்கு விஜயகாந்த் வாய்ஸ்-ல மிமிக்ரி பண்றதுக்கு ஐடியா குடுத்தது அது சொன்ன புரியாது பாத்தீங்கனா தான் தெரியும்..

நான் அதே நேரம் அதே இடம் போகலாம் என்று சொல்ல போன ஞாயிற்று கிழமை பார்த்த அவன் என்னை திட்ட தொடங்க நாங்கள் ருத்ரம் படத்துக்கே புறப்பட்டோம்.. theatre வாசலில் அவ்வளவு கூட்டம் எதோ ஒரு தளபதி படத்தின் முதல் நாள் போல் ஒரு ஆங்கில படத்தின் மூன்றாவது நாளில் ( எல்லாம் கலைஞர் டிவி செய்த மாயம்..).எப்படியோ கடைசி மூன்று டிக்கெட்-ல் இரண்டை வாங்கி theatre குள் நுழைந்தால் நம்ம சிநேகா அக்கா...எப்படா இவங்க ஹாலிவுட் போனாங்க அப்டின்னு பாத்தா எதோ செருப்பு விளம்பரமாம்.. என்ன கருமமோ என்று வெறி ஆகி போனால் ஸ்ரீ தேனண்டால் பில்ம்ஸ் வழங்கும் ருத்ரம் என்று ஒரு slide போட்டார்கள்.. அதன் பின்னரே columbia pictures வீடியோ போடப்பட்டது... தமிழ் நாட்டில் தமிழனுக்கு தாணே முதல் இடம்.. படத்தின் தொடக்கம் இந்தியாவில் தொடங்குகிறது.அந்த சீன்க்கு செம சவுண்ட் விட்டோம்ல... நாங்கெல்லாம் derror - ல.. ஒரு இந்திய ஆராய்ச்சியாளர் தன் அமெரிக்க நண்பரிடம் உலகம் அழிய போவதாக கண்டு பிடித்திருப்பதாக சொல்ல அந்த தகவலோடு அமெரிக்கா பறக்கிறார் அங்கே சென்று ஒரு முக்கியமானவரை பார்க்கிறார் அவருடன் அதிபரை பார்க்க கிளம்புகிறார்... அப்புறம் தன் பேர் போட்ராங்கோ ... 2012

ஏகப்பட்ட படத்தில் படத்தில் பார்த்தது போல ஹீரோ தனியாக தூங்குகிறார் .. பாஸ் -ன் போன் வர லேட்டாக எழுந்து அவசர அவசரமாக கிளம்புகிறார்.. அப்புறம் நீங்கள் இதுவரை எந்த படத்திலும் பார்க்காத காட்சி வருது ... அட ஆமாங்க ... ஹீரோ விவாகரத்தான தன் மனைவியிடம் உள்ள குழந்தைகளை vacation -க்கு கூட்டி செல்கிறார் .இப்படி ஒரு சீன் இதுக்கு முன்னால பாத்து இருக்கீங்களா சொல்லுங்க...அந்த vacation-ல ஒரு புத்திசாலி லூச பார்க்கிறார் அவர் மூலமாக உலகம் அழிவதையும் சைனா-வில் கட்டப்படும் கப்பலை பற்றியும் தெரிந்து கொண்டு எப்படி குடும்பத்தை காப்பாற்றினார் என்பது தான் கதை...ஆவ்வ்வ்வவ் ...

உண்மைலேயே படம் visually stunning தான்... ச்சும்மா பிரிச்சு மேஞ்சுருக்காங்க... ஆனா சில சீன்-ல எனக்கு சிரிப்பு வந்துட்டு.. வாட் டு டூ ... அதும் பூமிக்குள்ள ஹீரோவோட வேன் விழுந்த பிறகு அவர் எழுந்து வருவாரே வாய் விட்டு சிரிச்சிட்டேன்.ஆனா theatre புல்லா செம கிளாப்ஸ் .. ரெண்டு பேர் என்ன முறைச்சு பாத்தாங்க.. அப்புறம் எப்டிங்க அவர் நகர்ந்த உடனே எல்லாம் பொளக்குது இதுவே விஜயோ .., விஜயகாந்தோ பண்ணி இருந்த நம்ம ஆளுங்க விழுந்து விழுந்து சிரிப்பாங்க ஆனா ஒரு வெள்ளக்காரன் பண்ணுனா வாய பொளந்துகிட்டு பாப்பாங்க ...என்ன கொடுமையோ போங்க..

யாருங்க அந்த அமெரிக்கா ஜனாதிபதி ... ச்சும்மா ஒரு ரூபா குடுத்த ஒன்பது ரூபாய்க்கு நடிக்கிறாரு.. ச்சும்மா அப்டியே புளியிராருங்க.. எப்டி தான் roland emmerich படத்துல மட்டும் அமெரிக்கா ஜனாதிபதி எல்லாம் இவ்ளோ நல்லவங்களா இருக்காங்களோ தெரில...( independance day மறந்த்ருக்க மாட்டிங்கன்னு நெனைக்கிறேன்).என்னடா நம்ம ஹீரோ மனித குலத்தை காப்பாத்தாம அவர் குடும்பத்த மட்டும் காப்பதுறாரே என்று பார்த்தால் ஹீரோ எழுதிய புக்க படிச்சு கடைசில படிச்சு காமிக்கிறார் அந்த அமெரிக்க ஆராய்ச்சியாளர் உடனே அந்த கப்பலோட கதவ தொறந்து எல்லாத்தையும் எத்திக்க்றாங்க அதனால நெறைய பேர் உயிர் காப்பத்த படுது ..அங்க நிக்றார் நம்ம டைரக்டர்..

குளோபல் communication வேல செய்யல அப்டின்னு பாதி படத்துல சொல்றங்கோ.. ஆனா சாக போற நம்ம இந்திய ஆராய்ச்சியாளர் சாகுறவரைக்கும் எப்படி போன்ல பேசிட்டே இருக்கார்..எப்டின்னு நா கேக்கமாட்டேன்..உண்மையா சொல்லனும்னா எனக்கு படம் பிடிக்கவே இல்ல.. படம் முடிஞ்சதும் பெரும்பாலானோர் திருப்தியாக வெளிய வர நான் மட்டும் குருவி பார்த்த effect -ல் வந்தேன்..என் ரசனை தான் மழுங்கி போச்சோ அப்டின்னு நெனைச்சப்போ படம் எப்டின்னு போன் பண்ணின நண்பனிடம் மொக்க போகாத அப்டின்னு நா சொல்லறத பாத்த ஒருத்தர் என்ன முறைச்சிட்டு அவர் போனை எடுத்து யாருக்கோ போன் பண்ணி படம் சூப்பர் இன்னொறு தடவ போகணும் அப்டின்னு சொல்லிக்கிட்டே போய்ட்டார்.. ஆமா என்னோட ரசனை ஏன் இப்டி மழுங்கி போச்சி...

டிஸ்கி: இந்த படத்துல 2012-ல இந்தியாவுல எல்லாரும் செத்துறதா காட்றாங்க.. அப்டின்னா 2020 - ல நாம வல்லரசாக மாட்டோம் அப்டின்னு சொல்லி இந்தியாவ கிண்டல் பண்றாங்களோ ...

வீராசாமி என்னும் உலக சினிமா - ஒரு பார்வை (பகுதி 2 )

2009-11-17T19:04:00.000+05:30

இந்த பதிவை தட்ட தொடங்கும் முன்னர் வரை இதன் போன பகுதிக்கு 34 ஓட்டுக்கள் விழுந்திருந்தது ... நன்றி.. நன்றி... நன்றி... படம் பார்த்து இருப்பீர்கள் என்று நம்புகிறேன்..

போன பதிவில் இந்த படத்தின் கதையை உங்களுக்கு விளக்குவதாக கூறியிருந்தேன். ஆனால் அதை விட முக்கியமான விஷயம் படத்தின் genere. இதில் தான் இயக்குனர் தன் திறமையை காட்டி உள்ளார்.படத்தை ஒரு கோணத்தில் பார்த்தல் romance,thriller,action,adventure,horror,comedy( black,white,red என்று இதில் எல்லா வகைகளும்).,என்று எந்த genere குள்ளும் படம் வராது.. இதுவே மற்றொரு கோணத்தில் பார்த்தல் படம் இந்த எல்லா genere குள்ளும் அடங்கும்...அப்படி ஒரு திரை கதை நேர்த்தி....

எவ்வளவு தான் என் மூளையை கசக்கினாலும் அந்த கதையை எப்படி விளக்குவது என்பது தான் எனக்கு இன்னும் பிடி படவே இல்லை.. இருந்தாலும் சில முக்கியமான காட்சிகளை மட்டும் விளக்குகிறேன்..
ஒரு காட்சியில் விபச்சாரம் செய்ய மும்தாஜ் வற்புறுத்த பட்டு காலில் சூடு வைக்க படுவார்.அதன் வலியை மறப்பதர்காகவே அவர் இது வரை தொட்டு கூட பேசாத நாயகனின் போஸ்டரில் படுத்து தூங்குவாள்.மறுபடியும் அரங்கத்தில் பெரும்பாலனவர்கள் கண் கலங்கி போனார்கள்.இதன் மூலமாக தொட்டால் வருவது காமம் தொடாமல் வருவது காதல் என்ற புனிதமான கருத்தை பதிவு செய்கிறார்.. இப்படி நிறைய நிறைய...

இந்த படம் வெற்றி பெறாமல் போனதால் இதில் உள்ள சில நல்ல காட்சிகள் பல திரை படங்களில் திருட பட்டன... உதாரணம்:- படையப்பா படத்தில் அந்த ஊஞ்சலில் ரஜினிகாந்த் அமரும் காட்சி. இந்த படத்தில் தனக்கு இடம் தராத வில்லியை எழுந்திரிக்க வைத்து அதே சோபாவில் அமருவார். இதில் சிறப்பான விஷயம் என்னவென்றால் இந்த படம் வருவதக்கு 9 ஆண்டுகளுக்கு முன்பே இது திருடப்பட்டது என்பது...

இவ்வளவு விஷயம் சொல்லிவிட்டேன் நாயகனின் கதாபாத்திரத்தை உங்களுக்கு சொல்லவில்லையே.. இந்த படத்தில் இவர் ஒரு வக்கீல் , எம்.எல்.ஏ , 33 எம்.எல்.ஏ கொண்ட கட்சியின் தலைவர், ஆளுங்கட்சிக்கு ஆதரவு தருபவர், ரவுடி,தாத்தா மன்னிக்கவும் தாதா இப்படி பல கதாபாத்திரங்களை தொழில் சுமந்திருக்கிறார்.. 10 வேடமிட்டு 10 கதாபாத்திரங்கள் செய்வது திறமை அல்ல ஒரே வேடத்தில் அத்தனையும் செய்வது தான் திறமை.
மும்தாஜ் திருமணம் செய்துகொள்ளும் அந்த ரவுடி ( ஐயையோ .. கதைய சொல்லிட்டேனே..) அவளை அடைய முயற்சி செய்வதும் அதற்க்கு எந்த response - உம் இல்லாமல் மரக்கட்டை போல் இருக்கும் மும்தாஜ்... என்ன ஒரு முற்போக்கு சிந்தனை இதற்கு பேர் தான் தெய்வீக காதல் .. மறுபடியும் முடிகள் எல்லாம் நட்டு கொள்கின்றன..
படம் பப்படம் ஆனாலும் எல்லோராலும் பெரிதும் பேசப்பட்ட விஷயம் நாயகனின் நடனம்..அத்தனை பாடல்களுக்கும் நாயகியை தொடாமல் அவர் புடவையை பிடித்து கொண்டோ இல்லை பாவாடையை பிடித்து கொண்டோ அவர் ஆடும் ஆட்டம் இதுவரை வெள்ளி திரை காணதது...

படத்தின் உச்ச கட்டம் என்பது கடைசி காட்சியாக மட்டும் இல்லாமல் படத்தின் சிறந்த காட்சியாகவும் அமைய வேண்டும்.துரதிஷ்டவசமாக எல்லா படங்களுக்கும் அப்படி அமைவதில்லை இந்த படத்தில் அப்படி அமைந்திருப்பது அதன் சிறப்பாகும்.தன் தங்கையின் கழுத்தில் கதி வைக்க பட்டதும் அவர் ஒரு கையில் அருவாளும் இன்னொறு கையில் தனது வேஷ்டியை அவிழ்த்து வைத்து கொண்டு வெறும் பட்டாபட்டி உடன் அவர் போடும் ஆட்டம் வெறும் ஆட்டம் அல்ல தாண்டவம்.. ருத்ரதாண்டவம்..
அந்த சண்டைக்கு பிறகு வரும் அந்த காட்சி திரையை விட்டு மறைந்தாலும் நம் கண்ணை விட்டு மறைய மறுக்கிறது(அப்பாடி இங்க கதைய சொல்லல...). அந்த காட்சிக்கு அழாதவர்கள் கண்ணீருக்கும் கண்ணுக்கும் சம்மந்தம் இல்லாதவர்கள்.. கல்லால் செய்யப்பட்ட இதயம் கொண்டவர்கள்..
இந்த படம் வந்த காலத்தில் தோல்வி அடைந்தாலும் பிற்காலத்தில் தொலைகாட்சியில் வெகுஜன மக்களால் பார்க்கப்பட்டு.. ஈர்க்கப்பட்டு .. கல்ட் தகுதியை பெற்றது...இனிமேலாவது இது போன்ற தலை சிறந்த படைப்புகளை அரங்கத்தில் கண்டு வெற்றியடைய வைக்குமாறு கேட்டு கொள்கிறேன்.. நன்றி.. வணக்கம்...

நண்பர்களே உங்களுக்கான ஒரு போட்டி...

2009-11-14T18:00:00.000+05:30

என்னுடைய வீராசாமி படத்தின் விமர்சனத்துக்கு நினைத்ததை விட நல்ல வரவேற்ப்பு கிடைத்தது.. நன்றி நன்றி... இப்போது உங்களுக்கு ஒரு போட்டி... கீழே இருக்கும் வீடியோ-ஐ
பாருங்கள்...

போட்டி அவ்ளோ தான் முடிஞ்சிது ... இத முழுசா பாத்தும் நீங்க சிரிக்கலைன்னா குட்டி நரசிம்ம ராவ் அப்டின்னு நீங்களே உங்களுக்கு ஒரு பட்டம் குடுத்துக்கலாம்.. அப்டியே எல்லார் போலவும் டாக்டர் பட்டமும் போட்டுக்கலாம் ... சிரிச்சி இருந்திங்கன்னா ஓட்ட போட்டுட்டு டாட்டா காமிச்சிட்டு போகவேண்டியது தான்.. டாட்டா பாய் பாய்....

டிஸ்கி: இதை நீங்கள் பார்ப்பதால் ஏற்படும் பாதிப்புக்கு நான் பொறுப்பல்ல .......

வீராசாமி என்னும் உலக சினிமா - ஒரு பார்வை

2009-11-13T15:35:00.002+05:30

நல்ல சினிமா என்பதே அது வெளியாகும் காலத்தில் யாரும் சீண்டாமல் தோல்வி அடைவதும் கொஞ்ச நாள் கழித்து அதை தலையில் தூக்கி வைத்து கொண்டு கொண்டாடுவதும் என்று ஆகிவிட்டது .இதற்கு கமல் ஹாசன் , பாலு மகேந்திர போன்றவர்களின் படங்களே உதாரணம்.தமிழ் சினிமாவில் மட்டும் அல்ல ஹாலிவுட்-ல் கூட இந்த வரலாறு உண்டு குறிப்பாக imdb வெப்சைட்-ல் சிறந்த படங்களின் வரிசையில் முதல் இடத்தில இருக்கும் the shawshank redembtion மற்றும் Reservoir dogs , momento போன்ற படங்கள் வெளியான போது யாரும் சீண்டாமல் தோல்வி அடைந்து பின்னர் ரசிகர்களால் கொண்டாடப்படும் படங்கள்.அந்த வரிசையில் இப்போது இணைந்திருக்கும் படம் தான் வீராசாமி.

இந்த படத்தில் தங்கைக்காகவும் லட்சியதிர்காகவும் வாழ்ந்து மறைந்த ஒரு அரசியல்வாதியின் கதை.படத்தின் ஆரம்பம் முதலே நம்மை படத்தின் உள்ளே இழுத்து கொள்ளும் திரைக்கதை,வெளியே வர முடியாமல் உள்ளேயே தங்க வைக்கும பின்னணி இசை,விளிம்பு நிலை மக்கள் முதல் அதிகாரம் மிகுந்த அமைச்சர் வரை என்று எல்லா தரப்பினரையும் விவரிக்கும் பாத்திர படைப்புகள் இன்னும் என்ன என்ன ....

படத்தின் ஆரம்ப காட்சியிலேயே அதிக வட்டிக்கு கடன் வாங்கி நடுத்தர மக்கள் எப்படி அல்லல் படுகிறார்கள் என்பதை விவரிக்கிறார் இயக்குனர் ,அதிலும் குறிப்பாக வில்லியாக நடித்த நடிகை கண்களில் அப்படி ஒரு கொடுரம் நிச்சயம் த்ரிஷா,தமனா போல் பெரிய நடிகையாக வரும் வாய்ப்புக்கள் உள்ளன. அந்த கொடுமையை தட்டி கேட்கும் நாம் ஹீரோ தன்னுடைய இயல்பான சண்டை அசைவுகளால் நம் மனதை தொடுகிறார்.அதிலும் அந்த சண்டைக்கு நடுவிலேயே வரும் காதல் காட்சியை பார்க்கும் போது நம் உடலில் உள்ள முடிகள் எல்லாம் நேராக நிற்கின்றன அதாவது புல்லரித்து விட்டது..

   அதன் பிறகு பொது இடத்தில் சிறு நீர் போறவனையும் , பாக்கு போடுபவனையும் , லஞ்சம் வாங்குபவர்களையும் நகைச்சுவையாக அவர் சட்டமன்ற உறுப்பினர் என்ற முறையில் தண்டிப்பது சிரிப்பை வர வளைத்தாலும் அதன் உண்மை நிலை நம் நெஞ்சை சுடுகிறது.அடுத்த காட்சியில் ஜீன்ஸ் கேட்கும் தான் தங்கையிடம் சிறு வயதில் தான் பட்ட கஷ்டங்களை கூறும் போது அரங்கில் இருந்த 1000 பேரில் குறைந்தது 400 பேராவது அழுதிருப்பார்கள்.அதிலும் முக்கியமாக நம் நாயகனின் முக பாவனைகள் குறைவும் இல்லாமல் அதிகமும் இல்லாமல் நிறைவாக உள்ளது.தேசிய விருதில் அரசியல் உள்ளது என்பதை இவருக்கு விருது கிடைக்காத போதே தெரிந்து கொண்டேன்.

         படத்தில் என்னை மிகவும் பாதித்த கதாபாத்திரம் மும்தாஜ் தான்.ஒரு விபச்சாரியின் மகளாக பிறந்தும் தவறாக வாழாமல் உழைத்து வாழும் ஒரு விளிம்பு நிலை பாத்திர படைப்பு. ப்ளாக் டிக்கெட் விற்றாவது உழைத்து வாழ வேண்டும் என்னும் அவர் கொள்கை 2 வேலை சோற்றுக்காக விபச்சாரம் செய்யும் நடிகைகளுக்கு ஒரு படம்.அதை விட அவர்க்கு நாயகன் மேல் காதல் தோன்ற காரணமாக சொல்லப்படும் அந்த மாலை போடும் காட்சி. அப்பாடி... அதை பார்த்தும் மறுபடியும் என் முடியெல்லாம் நேராக நின்று கொண்டது.
   படத்தில் மற்றொரு முக்கியமான பாத்திரம் நமது ஹீரோவின் தங்கையின் காதலுனுடையது.அவர் யார் என்று பார்த்தோமே ஆனால் அவர் தான் அந்த வட்டிக்கு விடும் வில்லியின் தம்பி.இருவருக்கும் காதல் வரும் காட்சியில் அந்த பெண்ணின் கண்கள் படபடப்பது கவிதை போல படமாக்க பட்டுள்ளது.

படத்தின் மற்றொரு சாராம்சம் ஹீரோ அண்ட் ஹீரோயின் காதல் காட்சிகளில் தொடவே மாட்டர்கள். படத்தின் போட்டோ போடும் போதே ஹீரோயின் உதட்டை கடிப்பவர்கள் இந்த படம் பார்த்தாவது திருந்த வேண்டும்.திருந்துவார்களா ...
படத்தின் கதைக்கே போக வில்லை அதற்குள் இந்த பதிவு பெருசாகி விட்டது ஆகவே அடுத்த பதிவில் இந்த விமர்சனம் தொடரும்...தொடரும்....தொடரும்... இன்னும் படம் பார்க்காதவர்கள் அடுத்த பதிவு போடுவதற்குள் படம் பார்த்து விட்டால் சிறப்பு..

இது தான் தமிழ்...

2009-11-13T10:19:00.001+05:30

1 = ஒன்று -one
10 = பத்து -ten
100 = நூறு -hundred
1000 = ஆயிரம் -thousand
10000 = பத்தாயிரம் -ten thousand
100000 = லட்சம் -hundred thousand
1000000 = பத்து லட்சம் - one million
10000000 = கோடி -ten million
100000000 = அற்புதம் -hundred million
1000000000 = நிகற்புதம் - one billion
10000000000 = கும்பம் -ten billion
100000000000 = கணம் -hundred billion
1000000000000 = கற்பம் -one trillion
10000000000000 = நிகற்பம் -ten trillion
100000000000000 = பதுமம் -hundred trillion
1000000000000000 = சங்கம் -one zillion
10000000000000000 = வெள்ளம் -ten zillion
100000000000000000 = அன்னியம் -hundred zillion
1000000000000000000 = அர்த்தம் -??????
10000000000000000000 = பாரர்த்தம் -- ????????
100000000000000000000 = பூரியம் ---????????? ?????
1000000000000000000000 = முக்கோடி -??????????? ???????
10000000000000000000000 = மகாயுகம் -யாரவது இருக்கிங்களா ??????

பாண்டா கரடியின் பிறப்பும் வளர்ச்சியும் ..

2009-11-12T10:34:00.001+05:30

[ சிரிக்க... சிரிக்க ... சிரிக்க மட்டுமே.. சிரிச்சவங்க எல்லாம் ஓட்டு போட்ட்ருங்கப்பா...]

வெட்கம் கெட்ட டோனி அண்ட் கோ

2009-11-11T15:50:00.000+05:30

ஹைதராபாத்தில் நடந்த ஒரு நாள் போட்டியில் 3 ரன்கள் வித்தியாசத்தில் இந்தியா வீழ்ந்தது இன்னும் ரசிகர்களால் மறக்க முடியாத சோகமாக உள்ளது. ஆனால் அதைப் பற்றி கொஞ்சம் கூட கவலைப்படாமல், கேப்டன் டோணியும், சக வீரர்களும் அன்று இரவு ஹைதராபாத்தில் உள்ள ஒரு இடத்தில் கூடி குடித்து, கும்மாளமிட்டு கொண்டாட்டமாக இருந்ததாக செய்தி ஒன்று வெளியாகியுள்ளது.

ஹைதராபாத்தில் ஆஸ்திரேலியாவுடன் நடந்த மிகப் பரபரப்பான ஒரு நாள் போட்டியில் இந்தியா வெறும் 3 ரன்கள் வித்தியாசத்தில் தோல்வியைச் சந்தித்து. இதனால் ரசிகர்கள் பெரும் ஏமாற்றமும், அதிர்ச்சியும் அடைந்தனர்.

அன்றைய போட்டியில் சச்சின் டெண்டுல்கர் புயலாக ஆடி 175 ரன்களை விளாசினார். ஆனால் மற்ற வீரர்கள் சொற்ப ரன்களில் வீழ்ந்தனர். இறுதியில் இந்தியா 3 ரன்கள் வித்தியாசத்தில் தோல்வியைத் தழுவியது.

இந்தப் போட்டியில் இந்தியா வென்று விடும் என்ற எதிர்பார்ப்பில் ஒட்டுமொத்த இந்திய ரசிகர்களும் இதயம் பட படக்க போட்டியைப் பார்த்தனர். ஆனால் இந்தியாவின் தோல்வி அவர்களை நொறுங்கிப் போகச் செய்தது.

இந்தத் தோல்வியால் பெரும் அதிர்ச்சிக்குள்ளான பழம்பெரும் பத்திரிக்கையாளரான பிரபாஸ் ஜோஷி மாரடைப்பால் உயிரிழந்தார்.

ஆனால் இப்படியெல்லாம் ஒருபக்கம் சோகங்கள் உலவிய நிலையில், இந்திய கிரிக்கெட் வீரர்கள் சிலர் தங்களது கேப்டன் டோணி தலைமையில், தோல்வி குறித்து கொஞ்சம் கூட வருத்தமே இல்லாமல் பார்ட்டியில் கலந்து கொண்டு குடித்துக் கொண்டாட்டமாக இருந்துள்ளனராம்.

இதுகுறித்து சேனல் நியூஸ் எக்ஸ் என்ற தனியார் தொலைக்காட்சி புகைப்படங்களை வெளியிட்டுள்ளது. அதில், கேப்டன் டோணியும், வீரர்கள் சிலரும் ஜாலியாக இருப்பது போல உள்ளது.அவர்களுடன் ஆண்கள், பெண்கள் ஏராளமானோர் உள்ளனர்.

டோணியுடன் வீரேந்திர ஷேவாக், ஹர்பஜன் சிங், ஆசிஷ் நேஹ்ரா, ரவீந்திர ஜடேஜா ஆகியோரும் காணப்புடகின்றனர்.

குடி, கொண்டாட்டம், ஆட்டம், பாட்டமாக அந்த விருந்து நடந்ததாம்.

இது கிரிக்கெட் ரசிகர்களை பெரும் அதிர்ச்சிக்குள்ளாக்கியுள்ளது. இதுகுறித்து முன்னாள் மும்பை கிரிக்கெட் வீரர் ராம்ஜி தரோத் கூறுகையில் இந்தப் படங்கள் உண்மையானவை என்றால் அது மிகவும் சோகமானது. ஒரு கேப்டனுக்கு இப்படிப்பட்ட புகைப்படங்கள் நல்ல பெயரை வாங்கித் தராது என்றார் அவர்.இதை பற்றிய உங்கள் மேலான கருத்துகளை பதிவு செய்யுங்கள்..

வருங்கால சி.எம் விஜய் வாழ்க

2009-11-11T10:28:00.001+05:30

courtesy:tamilcinema.com

நேத்து பாத்ரூம்ல குளிக்கும்போது சொல்லி பார்த்தேன்.... சும்மா ஜிவ்வுன்னு சோக்காகீதுண்ணா... என்னைக்குன்னாச்சும் நீ எப்டியாச்சும் முதலமைச்சர் ஆய்டு.. என்ன தகுதி இல்லன்னா உனக்கு...? நல்லா டான்ஸ் ஆடுற, நல்லா பைட் போடற, நல்லா நக்கல்பண்ற, இரும்பு சட்டறகூட அசால்ட்டா உடைச்சுகிட்டு வெளில வர்ற... இதுக்கு மேல என்ன வேணும் முதலமைச்சர் ஆகறதுக்கு..?. ரெண்டே ரெண்டுதான் உன்கிட்ட இல்ல... ஒரு படத்துக்கு கதை வசனம் எழுதிட்டு... கொடநாட்ல ஒரு எஸ்டேட் வாங்கி போட்டீன்னா அதுவும் ஓவர்.. புல் எலிஜிபிலிட்டி உள்ள காண்டிடடேண்னே நீ.. தேர்தல்ல நீ நிக்கற... நாம ஜெயக்கறோம்.

எது கூட்டணியா...? என்ன பேசற நீ...? இல்ல கேக்கேன்... நீ ஒரு ஆளே ஒரு தேசிய கட்சிக்கு சமம்... உனக்கெதுக்கு கூட்டணி... உன் கெத்துக்கெல்லாம் நீ ஏண்ணா ராகுல போய் பார்க்கற...? அவரு வருவாரு பாரு... நம்பளை தேடி...

நானும் 3 நாளா யோசிச்சிட்டேன் உன்ன எந்த தொகுதில நிப்பாட்டலாம்னு... நீ எந்த தொகுதில நின்£லும் அன்னபோஸ்ட்டா ஜெயப்பங்கறது வரலாறு சொல்லும்... ஆனா, நம்ம ச.மு.க. கெத்த தமிழ்நாட்டுக்கு காட்டணுமா இல்லையா... (நம்ம கட்சி பேரு ச.மு.க.ன்னேன்... சந்து முன்னேற்ற கழகம்...)

நீ மத்திய சென்னைல நில்லு... ஏன்னு கேளு, சேப்டி மத்திய சென்னைதான். ஏதும் பிரச்சனைனா வீட்டுக்கு ஓடி வந்துடலாம்.. புலி உறுமுது பாட்ட தெருவுக்கு தெரு லவுட் ஸ்பீக்கர் வெச்சு போட்டம்னு வெச்சுக்க, பாட்ட கேட்டு மெரண்டு போய் ஓட்ட போட்ருவாங்கே... கண்ண மூடிகிட்டு ஜெய்ச்சிட்லாம். உங்கப்பா பிரசாரத்துக்கு வரணும்னுகூட அவசியம் கெடயாது... ஒரு பிரச்சனை முடிஞ்சிது... இப்போ தமிழ்நாட்டோட மத்த தொகுதிகள பத்தி பேசுவோம்... நாமக்கல்ல பேரரச நிப்பாட்றோம்... ரமணாவ பாபனாசத்துல, விக்ரமன உடுமலைபேட்டைல, என்னது கௌதம் மேனன்க்கா... என்ன பேசற நீ... அவர்லாம் ஒரு டைரக்டர்... ஆதி மாதிரி ஒரு நல்ல படம் எடுதுருக்காரா...? வேணா வெயிட் பண்ண சொல்லு அடுத்த எலெக்சன்ல பார்க்கலாம்... இப்போதைக்கு இந்த லிஸ்ட அன்னௌன்ஸ் பண்ணு... மிச்சத்த அப்புறம் ஷோபா அம்மாகிட்ட ஆசீர்வாதம் வாங்கிட்டு முடிவெடுப்போம்...

இப்ப என்னோட பெரிய பயம் என்னன்ன லட்சிய திமுகவ என்ன பண்றதுனுதான். நமக்கு மிக பெரிய போட்டிய நான் அவங்ககிடேர்ந்து எதிர்பார்க்கறேன்.. ஒரு வோட்டுதான் வெச்சுருகாங்கன்னு நம்ம அலட்சியமா விட்ற கூடாது.. அந்தாளு மேடைக்கு மேடை அடுக்கு மொழில பேசி உன் இமே ஜ டேமேஜ் பண்ணிடுவாரு.. ஆக கடைசி பிரச்சனை திமுக?. நம்மல்லாம் பொறந்துட்டதுனால அரசியலுக்கு வந்துருக்கோம்.. ஆனா, அவங்கே அரசியல் பன்றதுகுன்னே பொறந்தவங்கே... அவங்ககிட்ட சின்னபுள்ள தனமா மோதுனோம்ன தடம் தெரியாம போட்ருவாங்கே... அதனால அத மட்டும் அறிவு பேராசான் திரு.அப்பா அவர்கள்ட்ட அறிவுரை கேட்டுக்குவோம்...

அப்புறம் ஒரு முக்கியமான விஷயம்... நம்ம ஆட்சிக்கு வந்தோம்ன்னா அந்த சொம்பு வந்து நம்மளோட சேர பார்ப்பாரு... ஆனா அவர சேத்துக்காத.. உன்ட்ட சொல்ல மறந்துட்டேன். அவரு போன படத்துல உன்ன கலாசிட்டாருங்ண்ணா... நான் குருவி இல்ல.. பில்லான்னு சொல்லிட்டாரு... அது சத்துக்கு அது எப்டின்னா உன்ன கலாய்க்கலாம். விடலாமா? அத... நசுக்கறோம்... அவரு மட்டும்தான்னா நமக்கு காண்டு... மத்த எல்லாரும் நல்ல பசங்க... இவர மட்டும் பாண்டி பஜார்ல கஞ்சா வித்தாருன்னு சொல்லி உள்ள தூக்கி போட்டு முட்டிய உடைச்சு விட்டறலாம்..

அண்ணோவ் நீ பார்லிமென்ட் கதவ வெல்டிங் மெஷின் வெச்சு தெறந்து காலால எட்டி உதைச்சு கதவ தொறந்து உள்ள போய் லாலுவ நக்கல் பண்ணிகிட்டே பாக்கு மெல்ரத பார்த்து இந்தியாவே மெரள போற நாள்க்காக காத்திருக்கேன்னா...

[ இது சிரிக்க மட்டுமே..அப்பால சிரிச்ச எல்லாரும் கண்டிப்பா ஓட்டு போட்ருங்கோ]

தூங்கவைத்த இளையராஜா...

2009-11-10T11:26:00.002+05:30

நான் கல்லூரி செல்லும் வரை பாடல் கேட்கும் பழக்கமே இல்லை. அப்படியே கேட்டாலும் அது அப்போதைய ஹிட் பாடலாகவே இருக்கும்( ஓ.. போடு.. மன்மதராசா வகையறாக்கள் ). சன் மியூசிக் சேனல் ஆரம்பித்த போது பாட்டுக்கெல்லாம் ஒரு சானலா என்று திட்டி இருக்கிறேன்.கல்லூரிக்கு சென்ற பின் எல்லோருடனும் சேர்ந்து பாடல் கேட்க ஆரம்பித்தேன் .பழைய பாடல்கள் பிடிக்காது (கண்ணே கலை மானே போன்ற விதி விலக்குகளை தவிர).குறிப்பாக ரஹ்மான் பெரிதாக கவர்ந்தார் கொஞ்ச காலத்தில் என்னை முழுவதுமாக ஆட்சி செய்ய தொடங்கினார் என்றே கூறலாம் .

பின் ஒரு இனிமை இல்லாத நாளில் தூக்கம் வராமல் நிலவை துணைக்கு அழைத்து கொண்டிருந்தேன் என் வெறுமையை போக்க.. அப்போது என் நண்பன் அவன் செல்லில் sleeping songs அப்டிங்கற foldar-ல் இருக்கும் பாடல்களை கேட்டால் தூக்கம் வரும் என்று சொல்லி கொடுத்தான் முதல் படலை கேட்டதும் தூங்கி விட்டேன்.அப்போது தான் இளையராஜாவின் ஆளுமை புரிய தொடங்கியது.அதன் பிறகு தூக்கம் வராத இரவுகள் எத்தனையோ அதில் எல்லாம் தூங்க வைத்தவர் இளையராஜா . அதில் முதன் மையானது அன்று கெட்ட அந்த முதல் பாடல்.அந்த பாடல் "ஊரு சனம் தூங்கிருச்சு ஊதக் காத்தும் அடிச்சிருச்சு". இளையராஜா சார் U ARE GREAT!!!

அந்த பாடல் உங்களுக்காக இந்த படலை கூட வெறுப்பவர்கள் இருப்பார்கள என்ன......

ஊரு சனம் தூங்கிருச்சு ஊதக் காத்தும் அடிச்சிருச்சு
பாவி மனம் தூங்கலையே அதுவும் ஏனோ புரியல்லையே
(ஊரு சனம்..)

குயிலு கருங்குயிலு மாமன் மனக் குயிலு
கோலம் போடும் பாட்டாலே
மயிலு இள மயிலு ஆச இள மயிலு
ராகம் பாடும் கேட்டாலே சேதி சொல்லும் பாட்டாலே
நிலா காயும் நேரம் நெஞ்சுக்குள்ள பாரம்
மேலும் மேலும் ஏறும் இந்த நேரந்தான் இந்த நேரந்தான்
ஒத்தையிலே அத்த மக ஒன்ன எண்ணி ரசிச்ச மக
கண்ணு ரெண்டும் மூடலையே காலம் நேரம் கூடலையே
(ஊரு சனம்..)

மாமன் ஒதடு பட்டு நாதம் தரும் குழலு
நானா மாறக் கூடாதா
நாளும் தவமிருந்து நானும் கேட்ட வரம்
கூடும் காலம் வாராதா மால தோளில் ஏறாதா
ஒன்ன எண்ணி நானே வாடிப் போனேன்
கன்னிப் பொண்ணுதானே என் மாமனே என் மாமனே
ஒன்ன எண்ணி பொட்டு வச்சேன் ஓலப் பாய போட்டு வச்சேன்
இஷ்டப் பட்ட ஆச மச்சான் என்ன மேலும் ஏங்க வச்சேன்
(ஊரு சனம்)

படம்: மெல்ல திறந்தது கதவு
இசை: இளையராஜா
பாடியவர்: S ஜானகி

கமல் மற்றும் பலர் ..

2009-11-07T18:18:00.000+05:30

இன்று நவம்பர் 7 2009....... 55 வருடங்களுக்கு முன்னால் பரமகுடியில் ஒரு ஆண் குழந்தை பிறந்தது ... அந்த குழந்தையின் பெற்றோர்கள் அதற்கு கமல் ஹாசன் என்று பெயரிட்டனர்...
5 வருடங்களுக்கு பின் ....
களத்தூர் கண்ணம்மா என்று ஒரு படம் ..அதில் 5 வயது சிறுவனாக அறிமுகம்..
இந்தியாவிலேயே ஏன் உலக சினிமா வரலாற்றிலேயே சினிமா சார்பில்லாத 5 வயது சிறுவன் அறிமுகமான போது இன்னார் நடிக்கும் படம் என்று படத்தின் பெயர் போடும் முன்பு போட்டிருக்க மாட்டார்கள். அப்படி போட்ட ஒரே படம் களத்தூர் கண்ணம்மா.. போட பட்ட ஒரே நடிகர் நமது உலக நாயகன் கமல் ஹாசன்..

அன்று தொடங்கிய கலைபயணம் இன்று வரை நல்ல படங்களைத் தர வேண்டும், உலகத் தரம் உள்ளூர் சினிமாவிலும் வியாபிக்க வேண்டும், நவீனத் தொழிட்நுட்பங்களை ஆரத் தழுவிக் கொள்ள வேண்டும், உருப்படியான சினிமாவுக்காக கடுமையாக உழைக்க வேண்டும் என்று தீவிரமாக பாடுபடும் மிக மிக அரிதான தமிழ் சினிமாக்காரர் கமல் ஹாசன் .

இது கமல்ஹாசனின் திரையுலக பொன்விழா. வயதிலோ 55, செயலிலோ 25 அளவில் அசுர வேகத்தில் இருக்கும் கமல்ஹாசன், சினிமாவை மட்டுமே நேசிப்பவர், சுவாசிப்பவர்.தனது பிறந்த நாளை பெரிய ஆர்ப்பாட்டமெல்லாம் இல்லாமல், ரசிகர்கள் செய்யும் சில நற்பணிகளுடன் கொண்டாடுவது கமல்ஹாஸன் வழக்கம். ரத்ததானம், ஊனமுற்றோருக்கு உபகரணங்கள், மாணவர்களுக்கு கல்வி உதவிகள் இப்படித்தான் பெரும்பாலும் அவரது உதவிகள் அமையும். இந்த ஆண்டும் அப்படியே.

இந்தப் பொன் விழா பிறந்த நாளில் அவருக்கு மகிழ்ச்சி அளிக்கும் விஷயம், அவரது உன்னைப்போல் ஒருவன் படத்தின் வெற்றி . இந்தியிலிருந்து ரீமேக் செய்யப்பட்ட, படம்தான் என்றாலும், இந்த ஒன்றரை மணிநேர படத்தை மக்கள் ஏகோபித்த ஆதரவுடன் ஏற்றுக் கொண்டது, மேலும் சில புதிய முயற்சிகளில் கமல் உற்சாகமாக ஈடுபட உதவியிருக்கிறது. இதுவரை சாதித்தவை ஒன்றுமே இல்லை என்றும், இனி சாதிக்கப் போகிறவைதான் கணக்கில் எடுத்துக் கொள்ளப்பட வேண்டும் என்றும் அடக்கமாக கூறி அடுத்தடுத்து சாதனைகளுக்கு தன்னைத் தயார்படுத்திக் கொள்ளும் இந்த உதாரணக் கலைஞனை வாழ்த்துவோம்.
இன்று உலக நாயகனுக்கு மட்டும் அல்ல மற்ற திரை நட்சத்திரங்களுக்கும் பிறந்த நாள் அவர்களையும் வாழ்த்துவோம்...

வெங்கட் பிரபு..டாப் 10 இயக்குனர்களுள் ஒருவர். இரண்டே படங்கள் தான் இயக்கி இருந்தாலும் அவைகளின் வெற்றி இவரை ஒரு யூத் இகானகவே மாற்றி இருக்கிறது.. எனக்கு இவரிடம் பிடித்த விஷயம் காப்பி அடித்தாலும் அதை மேடையிலையே ஒத்து கொள்ளும் தைரியம்(நிறைய பேரிடம் காண முடியாதது). இவர் பல்லாண்டு வாழ்ந்து நெறைய வித்யாசமான படங்கள் தர வேண்டும் என்று வாழ்த்துவோம்..

நந்திதா தாஸ் ... அழகி , கன்னத்தில் முத்தமிட்டால் போன்ற படங்களில் மேம்பட்ட நடிப்பை வெளி படுத்தி இருந்தாலும் த்ரிஷா,நமீதா,ஸ்ரேயா போன்றவர்களின் திறமைக்கு ஈடுகொடுக்க முடியாததால் தமிழ் சினிமாவை விட்டு காணமல் போனவர்.. இவரும் நடிப்புலகில் பல சாதனை புரிய வாழ்த்துவோம்..

அனுஷ்கா.. இவரை ரெண்டு படத்தில் பார்த்து இருந்தாலும் தெலுங்கில் சூப்பர் டூப்பர் ஹிட்டான அருந்ததி மூலம் தான் அனைவர்க்கும் தெரியும் .. இப்பொது வேட்டைக்காரன் , சிங்கம் போன்ற கலை படங்களில் தன்னுடைய திறமை காட்டி தமன்னா , நயந்தாரா போன்றவர்களுடன் மல்லு கட்ட இருக்கிறார்..இவரும் சிறப்பான ஆண்டு அமைய வாழ்த்துவோம்...

கமலின் அடுத்த படம் ???

2009-11-07T12:02:00.001+05:30

உன்னை போல் ஒருவன் படத்திற்கு பிறகு மிஷ்கின் படத்தில் நடிப்பதென முடிவு செய்து விட்டாலும் அது வெளி வருவதற்கு அதிக காலம் காத்திருக்க வேண்டும். ஆகையால் மற்றுமொரு சின்ன பட்ஜெட்கமர்ஷியல் படத்தில் நடிக்கலாம் என்று முடிவு எடுக்கிறார் கமல். உடனே தன் உதவியாளர்களிடம் கோலிவுட்-ல் உள்ள டாப் கமர்ஷியல் டைரக்டர் பேரரசு சந்தித்து ஒரு பஞ்ச் டைலாக் மன்னிக்கவும் ஒரு கதை சொல்கிறார் அது கமலுக்கும் பிடித்து விடவே ஓகே சொல்லிவிட்டார். இசை அமைக்க ரஹ்மானிடம் கேட்டார்கள் அவர் பிஸி என்று சொல்லிவிட்டதால் இந்த படத்திற்கு இசை அமைக்க போறவர் நம்ம டி.ஆர் .. டண்டனக்கா அங் டணுக்குனக்கா ....

இப்போ என்ன பிரச்சனை அப்டினா படத்துக்கு என்ன பேர் வைக்கிறது அப்டிங்கறது தான் ... ப்ளீஸ் நீங்க ஒரு பேர் வைங்களேன்....ப்ளீஸ் வைச்சுடுங்க .... அப்புறம் மறக்காம ஓட்டு போட்ருங்க இல்லன்னா உங்க கனவுல பேரரசு பாட டி.ஆர் ஆட....தேவையா இதெல்லாம் .....