நீ... நல்லவனா கெட்டவனா...

நீ...
நல்லவனா கெட்டவனா...
எமக்கு தெரியாது...

நீ...
தமிழின தலைவனா...
இல்லை தான் குடும்பமே
தமிழினம் என்போரா...
எமக்கு தெரியாது...

நீ..
கொள்கைக்காக செய்தாயா..
இல்லை கொலை
வெறிபிடித்து செய்தாயா...
எமக்கு தெரியாது...

நீ...
மண்மீது இருக்கிறாயோ...
இல்லை விண்ணோடு சென்றாயோ...
எமக்கு தெரியாது...


ஆனால்...
ஓர் கோடை காலத்தின் மாலை நேரம் ..
நீண்ட நேரமாய் பேருந்து வராததால்
காத்திருந்த கூட்டத்தை நோக்கி ஓர் குரல்
"பிரபாகரன கொன்னுடாங்க பஸ்லாம் வராது " என்று...
கருதருத்த களைப்போடு காத்திருத்த கிழவி ஒருத்தி
சட்டென்று சொன்னாள்
"என்ன ராசா சொல்லுற அவனெல்லாம்
அம்புட்டு சாமநியத்துல கொன்னுட முடியுமா
அப்டி பண்ணி புட்டா ஊரே கொந்தளிச்சிடாது "
மேற்கூறிய கேள்விகளுக்கான பதில்
எமக்கு தெரிய தொடங்கியது...